ਤਾਜਾ ਖਬਰਾਂ
ਚੰਡੀਗੜ੍ਹ ਵਿੱਚ ਸ਼ੁੱਕਰਵਾਰ ਨੂੰ ਇੱਕ ਭਿਆਨਕ ਘਟਨਾ ਵਾਪਰੀ ਜਿੱਥੇ ਦਿਨ-ਦਿਹਾੜੇ ਐਕਟਿਵਾ 'ਚ ਬੈਠੇ ਨੌਜਵਾਨ ਨੂੰ ਚਾਕੂ ਮਾਰ ਕੇ ਮਾਰ ਦਿੱਤਾ ਗਿਆ। ਸੂਮਿਤ ਨਾਮਕ ਨੌਜਵਾਨ ਨੂੰ ਸੈਕਟਰ 37 ਦੇ ਭਾਜਪਾ ਦਫ਼ਤਰ ਨੇੜੇ ਪੈਟਰੋਲ ਪੰਪ ਕੋਲ ਹਮਲਾ ਕੀਤਾ ਗਿਆ। ਉਸਦੀ ਪਿੱਠ ਅਤੇ ਹੋਰ ਸਰੀਰ ਦੇ ਹਿੱਸਿਆਂ 'ਤੇ ਚਾਕੂ ਨਾਲ ਕਈ ਵਾਰ ਵਾਰ ਕੀਤੇ ਗਏ। ਖੂਨ ਵਹਿਣ ਕਾਰਨ ਸੁਮਿਤ ਲਗਭਗ 50 ਮੀਟਰ ਦੂਰ ਐਕਟਿਵਾ ਸਮੇਤ ਡਿੱਗ ਪਿਆ। ਉਸਨੇ ਹੈਲਮੇਟ ਉਤਾਰ ਕੇ ਦੌੜਨ ਦੀ ਕੋਸ਼ਿਸ਼ ਕੀਤੀ, ਪਰ ਕੁਝ ਹੀ ਕਦਮ ਤੁਰਨ ਦੇ ਬਾਅਦ ਬੇਹੋਸ਼ ਹੋ ਗਿਆ।
ਮੌਕੇ 'ਤੇ ਪੁਲਿਸ ਤੁਰੰਤ ਪਹੁੰਚੀ ਅਤੇ ਐਕਟਿਵਾ ਅਤੇ ਜੁੱਤੇ ਬਰਾਮਦ ਕੀਤੇ। ਸੂਮਿਤ ਮੌਲੀਜਾਗਰਾਂ (ਚੰਡੀਗੜ੍ਹ) ਦਾ ਰਹਿਣ ਵਾਲਾ ਸੀ। ਉਹ ਹਾਲ ਹੀ ਵਿੱਚ ਨਸ਼ੀਲੇ ਪਦਾਰਥਾਂ ਨਾਲ ਸੰਬੰਧਤ ਕੇਸ ਵਿੱਚ ਜ਼ਮਾਨਤ 'ਤੇ ਜੇਲ੍ਹ ਤੋਂ ਬਾਹਰ ਆਇਆ ਸੀ। ਪਰਿਵਾਰ ਦੇ ਅਨੁਸਾਰ, ਦਾਦੂਮਾਜਰਾ ਕਲੋਨੀ ਦਾ ਇੱਕ ਆਰੋਪੀ ਪਿਛਲੇ ਇੱਕ ਸਾਲ ਤੋਂ ਸੁਮਿਤ ਨੂੰ ਧਮਕੀਆਂ ਦੇ ਰਿਹਾ ਸੀ।
ਚਸ਼ਮਦੀਦਾਂ ਨੇ ਦੱਸਿਆ ਕਿ ਹਮਲਾਵਰ ਦੋ ਨੌਜਵਾਨ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਕੋਲ ਹਥਿਆਰ ਸੀ ਅਤੇ ਦੋਵਾਂ ਨੇ ਹੈਲਮੇਟ ਪਾਇਆ ਹੋਇਆ ਸੀ। ਪੁਲਿਸ ਘਟਨਾ ਦੀ ਜਾਂਚ ਕਰ ਰਹੀ ਹੈ ਅਤੇ ਮਾਮਲੇ ਦੇ ਸੰਬੰਧਿਤ ਸਾਰੇ ਪੱਖਾਂ ਦੀ ਪੜਤਾਲ ਕਰ ਰਹੀ ਹੈ।
Get all latest content delivered to your email a few times a month.
