ਤਾਜਾ ਖਬਰਾਂ
ਨਵੀਂ ਦਿੱਲੀ- ਚੈਂਪੀਅਨਸ ਟਰਾਫੀ ਦਾ ਉਦਘਾਟਨੀ ਸਮਾਰੋਹ 16 ਫਰਵਰੀ ਨੂੰ ਲਾਹੌਰ ਵਿੱਚ ਹੋਵੇਗਾ। ਇਸ ਦਾ ਆਯੋਜਨ ਮਹਾਰਾਜਾ ਰਣਜੀਤ ਸਿੰਘ ਦੁਆਰਾ ਬਣਾਏ ਹਜ਼ੂਰੀ ਬਾਗ ਕਿਲ੍ਹੇ ਵਿੱਚ ਕੀਤਾ ਜਾਵੇਗਾ। ਇੰਨਾ ਹੀ ਨਹੀਂ ਫੋਟੋਸ਼ੂਟ ਤੋਂ ਬਾਅਦ ਸਾਰੀਆਂ ਟੀਮਾਂ ਦੇ ਕਪਤਾਨਾਂ ਦੀ ਪ੍ਰੈੱਸ ਕਾਨਫਰੰਸ ਵੀ ਹੋਵੇਗੀ। ਹਾਲਾਂਕਿ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਦੇ ਇਸ 'ਚ ਸ਼ਾਮਲ ਹੋਣ ਜਾਂ ਨਾ ਹੋਣ ਦੀ ਸਥਿਤੀ ਸਪੱਸ਼ਟ ਨਹੀਂ ਹੈ।
ਪੀਟੀਆਈ ਮੁਤਾਬਕ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਅਤੇ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ ਜਲਦੀ ਹੀ ਉਦਘਾਟਨੀ ਸਮਾਰੋਹ ਦਾ ਐਲਾਨ ਕਰਨਗੇ। ਭਾਰਤੀ ਕਪਤਾਨ ਰੋਹਿਤ ਦੇ ਪਾਕਿਸਤਾਨ ਜਾ ਰਹੇ ਹਨ ਜਾਂ ਨਹੀਂ ਇਸ ਬਾਰੇ ਵੀ ਉਹ ਸਥਿਤੀ ਸਪੱਸ਼ਟ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ ਸਮਾਰੋਹ ਲਈ ਮਸ਼ਹੂਰ ਹਸਤੀਆਂ, ਕ੍ਰਿਕਟ ਦੇ ਦਿੱਗਜ ਅਤੇ ਪਾਕਿਸਤਾਨ ਸਰਕਾਰ ਦੇ ਅਧਿਕਾਰੀਆਂ ਨੂੰ ਬੁਲਾਇਆ ਜਾ ਰਿਹਾ ਹੈ।
ਹਜ਼ੂਰੀ ਬਾਗ ਲਾਹੌਰ, ਪਾਕਿਸਤਾਨ ਵਿੱਚ ਇੱਕ ਬਾਗ ਹੈ। ਇਸ ਦਾ ਨਿਰਮਾਣ ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਦੌਰਾਨ ਹੋਇਆ ਸੀ। ਇਸ ਦੇ ਕੇਂਦਰ ਵਿਚ ਹਜ਼ੂਰੀ ਬਾਗ ਬਾਰਾਂਦਰੀ ਹੈ, ਜਿਸ ਨੂੰ ਮਹਾਰਾਜਾ ਦੁਆਰਾ 1813 ਵਿਚ ਸ਼ੁਜਾ ਸ਼ਾਹ ਦੁਰਾਨੀ ਤੋਂ ਕੋਹਿਨੂਰ ਹੀਰਾ ਪ੍ਰਾਪਤ ਕਰਨ ਤੋਂ ਬਾਅਦ 1818 ਵਿਚ ਬਣਾਇਆ ਗਿਆ ਸੀ।
Get all latest content delivered to your email a few times a month.
