ਤਾਜਾ ਖਬਰਾਂ
ਨਵੀਂ ਦਿੱਲੀ- ਭਾਰਤੀ ਕ੍ਰਿਕਟ ਖਿਡਾਰੀ ਰਿਸ਼ਭ ਪੰਤ ਨੂੰ ਲਖਨਊ ਸੁਪਰ ਜਾਇੰਟਸ (ਐਲਐਸਜੀ) ਦਾ ਨਵਾਂ ਕਪਤਾਨ ਬਣਾਇਆ ਗਿਆ ਹੈ। ਉਹ ਕੇਐਲ ਰਾਹੁਲ ਦੀ ਥਾਂ ਲੈਣਗੇ। ਦੱਸ ਦੇਈਏ ਕਿ ਰਿਸ਼ਭ ਪੰਤ ਦਿੱਲੀ ਕੈਪੀਟਲਸ ਦੇ ਕਪਤਾਨ ਵੀ ਰਹਿ ਚੁੱਕੇ ਹਨ। ਪੰਤ ਦੀ ਕਪਤਾਨੀ ਦਾ ਐਲਾਨ ਕਰਦੇ ਹੋਏ ਫਰੈਂਚਾਇਜ਼ੀ ਦੇ ਮਾਲਕ ਸੰਜੀਵ ਗੋਇਨਕਾ ਨੇ ਕਿਹਾ-"ਮੈਨੂੰ ਪੰਤ ਵਿੱਚ ਇੱਕ ਜਨਮਦਾਤਾ ਨੇਤਾ ਦਿਖਾਈ ਦਿੰਦਾ ਹੈ। ਉਹ ਇੱਕ ਜ਼ਬਰਦਸਤ ਲੀਡਰ ਹੈ। ਮੈਨੂੰ ਲੱਗਦਾ ਹੈ ਕਿ ਉਹ ਆਈਪੀਐਲ ਦਾ ਸਭ ਤੋਂ ਵਧੀਆ ਕਪਤਾਨ ਬਣ ਸਕਦਾ ਹੈ। ਲੋਕ 'ਮਾਹੀ, ਰੋਹਿਤ' ਨੂੰ ਆਈਪੀਐਲ ਦੇ ਸਭ ਤੋਂ ਸਫਲ ਕਪਤਾਨਾਂ ਦੀ ਸੂਚੀ ਵਿੱਚ ਰੱਖਦੇ ਹਨ। ਮੇਰੇ ਸ਼ਬਦਾਂ ਵਿੱਚ ਪਰ ਧਿਆਨ ਰੱਖੋ। 10-12 ਸਾਲ ਬਾਅਦ 'ਮਾਹੀ, ਰੋਹਿਤ ਤੇ ਰਿਸ਼ਭ ਪੰਤ' ਹੋਣਗੇ।
ਮੈਗਾ ਨਿਲਾਮੀ ਤੋਂ ਬਾਅਦ ਪੰਤ ਨੂੰ ਲਖਨਊ ਦਾ ਕਪਤਾਨ ਬਣਾਉਣ ਦੀਆਂ ਗੱਲਾਂ ਚੱਲ ਰਹੀਆਂ ਸਨ। ਫਰੈਂਚਾਇਜ਼ੀ ਨੇ ਪੰਤ ਨੂੰ ਨਵੰਬਰ-2024 ਦੀ ਮੈਗਾ ਨਿਲਾਮੀ ਵਿੱਚ 27 ਕਰੋੜ ਰੁਪਏ (ਲਗਭਗ US$3.21 ਮਿਲੀਅਨ) ਵਿੱਚ ਖਰੀਦਿਆ ਸੀ। ਇਸ ਨਾਲ ਪੰਤ IPL ਦੇ ਸਭ ਤੋਂ ਮਹਿੰਗੇ ਖਿਡਾਰੀ ਬਣ ਗਏ ਹਨ।
ਪੰਤ ਨੇ ਪਹਿਲਾਂ ਤਿੰਨ ਸੀਜ਼ਨਾਂ (2021, 2022 ਅਤੇ 2024) ਵਿੱਚ ਦਿੱਲੀ ਕੈਪੀਟਲਜ਼ ਦੀ ਅਗਵਾਈ ਕੀਤੀ ਹੈ, ਹਾਲਾਂਕਿ ਉਸਦੀ ਕਪਤਾਨੀ ਵਿੱਚ ਟੀਮ 2021 ਦੇ ਪਲੇਆਫ ਵਿੱਚ ਪਹੁੰਚੀ ਸੀ। ਉਹ ਕਾਰ ਦੁਰਘਟਨਾ ਤੋਂ ਬਾਅਦ 2023 ਸੀਜ਼ਨ ਤੋਂ ਬਾਹਰ ਹੋ ਗਿਆ ਸੀ
Get all latest content delivered to your email a few times a month.
