ਤਾਜਾ ਖਬਰਾਂ
ਜਣੇਪੇ ਦੀ ਸਥਿਤੀ ਗੰਭੀਰ ਹੋਣ ਕਾਰਨ ਹਸਪਤਾਲ ਪਹੁੰਚਣ ਦੀ ਉਡੀਕ ਕਰਨਾ ਸੰਭਵ ਨਹੀਂ ਸੀ। EMT ਸੁਰਿੰਦਰ ਸਿੰਘ ਨੇ ਆਪਣੀ ਸਿਖਲਾਈ ਅਤੇ ਤਜਰਬੇ ਦੀ ਵਰਤੋਂ ਕਰਦਿਆਂ ਐਂਬੂਲੈਂਸ ਦੇ ਅੰਦਰ ਹੀ ਜਣੇਪੇ ਦੀ ਪ੍ਰਕਿਰਿਆ ਸੰਭਾਲੀ। ਇਸ ਦੌਰਾਨ ਐਂਬੂਲੈਂਸ ਪਾਇਲਟ ਅਜੈ ਕੁਮਾਰ ਨੇ ਸੜਕ ਦੀ ਸਥਿਤੀ ਨੂੰ ਧਿਆਨ ਵਿੱਚ ਰੱਖਦਿਆਂ ਐਂਬੂਲੈਂਸ ਨੂੰ ਤੇਜ਼ੀ ਨਾਲ ਪਰ ਸੁਰੱਖਿਅਤ ਢੰਗ ਨਾਲ ਹਸਪਤਾਲ ਵੱਲ ਚਲਾਇਆ।
ਟੀਮ ਦੇ ਸਹੀ ਤਾਲਮੇਲ ਅਤੇ ਤੁਰੰਤ ਫੈਸਲੇ ਕਾਰਨ ਵਿਦਿਆ ਨੇ ਐਂਬੂਲੈਂਸ ਦੇ ਅੰਦਰ ਹੀ ਇੱਕ ਤੰਦਰੁਸਤ ਪੁੱਤਰ ਨੂੰ ਜਨਮ ਦਿੱਤਾ। ਜਣੇਪੇ ਤੋਂ ਬਾਅਦ ਮਾਂ ਅਤੇ ਨਵਜੰਮੇ ਬੱਚੇ ਦੋਵਾਂ ਦੀ ਹਾਲਤ ਸਥਿਰ ਅਤੇ ਸੁਰੱਖਿਅਤ ਦੱਸੀ ਗਈ।
ਇਹ ਘਟਨਾ ਐਮਰਜੈਂਸੀ ਹਾਲਾਤਾਂ ਵਿੱਚ ਸਿਖਲਾਈ ਪ੍ਰਾਪਤ 108 ਐਂਬੂਲੈਂਸ ਕਰਮਚਾਰੀਆਂ ਦੀ ਭੂਮਿਕਾ ਅਤੇ ਤੁਰੰਤ ਫੈਸਲਾ ਲੈਣ ਦੀ ਸਮਰੱਥਾ ਦੀ ਮਹੱਤਤਾ ਨੂੰ ਦਰਸਾਉਂਦੀ ਹੈ। ਖ਼ਾਸ ਕਰਕੇ ਜਣੇਪੇ ਵਰਗੀ ਨਾਜ਼ੁਕ ਸਥਿਤੀ ਵਿੱਚ ਹਰ ਪਲ ਕੀਮਤੀ ਹੁੰਦਾ ਹੈ ਅਤੇ ਟੀਮ ਦੀ ਥੋੜ੍ਹੀ ਜਿਹੀ ਦੇਰੀ ਵੀ ਮਾਂ ਅਤੇ ਬੱਚੇ ਲਈ ਖ਼ਤਰਾ ਬਣ ਸਕਦੀ ਹੈ।
108 ਐਂਬੂਲੈਂਸ ਸੇਵਾ ਦੇ ਪ੍ਰੋਜੈਕਟ ਮੁਖੀ ਮਨੀਸ਼ ਬੱਤਰਾ ਨੇ ਕਿਹਾ ਕਿ ਐਂਬੂਲੈਂਸ ਦੇ ਅੰਦਰ ਜਣੇਪਾ ਕਰਵਾਉਣਾ ਬੇਹੱਦ ਚੁਣੌਤੀਪੂਰਨ ਸਥਿਤੀ ਹੁੰਦੀ ਹੈ, ਜਿਸ ਲਈ ਸਬਰ, ਮੈਡੀਕਲ ਹੁਨਰ ਅਤੇ ਟੀਮ ਦੇ ਵਧੀਆ ਤਾਲਮੇਲ ਦੀ ਲੋੜ ਹੁੰਦੀ ਹੈ। ਉਨ੍ਹਾਂ EMT ਸੁਰਿੰਦਰ ਸਿੰਘ ਅਤੇ ਪਾਇਲਟ ਅਜੈ ਕੁਮਾਰ ਵੱਲੋਂ ਦਿਖਾਈ ਗਈ ਸੂਝ-ਬੂਝ ਅਤੇ ਸਮਰਪਣ ਦੀ ਸ਼ਲਾਘਾ ਕੀਤੀ।
ਉਨ੍ਹਾਂ ਕਿਹਾ ਕਿ ਅਜਿਹੀਆਂ ਘਟਨਾਵਾਂ 108 ਐਂਬੂਲੈਂਸ ਸੇਵਾ ਨਾਲ ਜੁੜੇ ਕਰਮਚਾਰੀਆਂ ਦੀ ਮਿਹਨਤ ਅਤੇ ਸਮਰਪਣ ਨੂੰ ਦਰਸਾਉਂਦੀਆਂ ਹਨ। ਸੇਵਾ ਵੱਲੋਂ ਵਿਦਿਆ ਅਤੇ ਉਸਦੇ ਨਵਜੰਮੇ ਪੁੱਤਰ ਦੀ ਚੰਗੀ ਸਿਹਤ ਅਤੇ ਖੁਸ਼ਹਾਲ ਜੀਵਨ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਗਈਆਂ।
Get all latest content delivered to your email a few times a month.
