ਤਾਜਾ ਖਬਰਾਂ
ਜੇਕਰ ਤੁਸੀਂ ਅਗਸਤ 2026 ਦੌਰਾਨ ਬੈਂਕ ਦੀ ਸ਼ਾਖਾ ਵਿੱਚ ਜਾ ਕੇ ਕੋਈ ਜ਼ਰੂਰੀ ਕੰਮ ਕਰਵਾਉਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਪਹਿਲਾਂ ਬੈਂਕ ਛੁੱਟੀਆਂ ਦਾ ਕੈਲੰਡਰ ਜ਼ਰੂਰ ਵੇਖ ਲਵੋ। ਭਾਰਤੀ ਰਿਜ਼ਰਵ ਬੈਂਕ (RBI) ਵੱਲੋਂ ਜਾਰੀ ਛੁੱਟੀਆਂ ਦੀ ਸੂਚੀ ਅਨੁਸਾਰ, ਆਜ਼ਾਦੀ ਦਿਵਸ, ਰੱਖੜੀ, ਓਣਮ, ਈਦ-ਏ-ਮਿਲਾਦ ਅਤੇ ਹੋਰ ਖੇਤਰੀ ਤਿਉਹਾਰਾਂ ਦੇ ਨਾਲ-ਨਾਲ ਦੂਜੇ ਅਤੇ ਚੌਥੇ ਸ਼ਨੀਵਾਰ ਅਤੇ ਐਤਵਾਰ ਸਮੇਤ ਅਗਸਤ ਮਹੀਨੇ ਵਿੱਚ ਕੁੱਲ 14 ਦਿਨ ਬੈਂਕ ਬੰਦ ਰਹਿਣਗੇ।
ਇਨ੍ਹਾਂ ਛੁੱਟੀਆਂ ਵਿੱਚੋਂ ਕੁਝ ਪੂਰੇ ਦੇਸ਼ ਲਈ ਲਾਗੂ ਹਨ, ਜਦਕਿ ਕਈ ਛੁੱਟੀਆਂ ਸਿਰਫ਼ ਖ਼ਾਸ ਰਾਜਾਂ ਜਾਂ ਸ਼ਹਿਰਾਂ ਵਿੱਚ ਮਨਾਏ ਜਾਣ ਵਾਲੇ ਤਿਉਹਾਰਾਂ ਕਾਰਨ ਹੋਣਗੀਆਂ। 2, 9, 16, 23 ਅਤੇ 30 ਅਗਸਤ ਨੂੰ ਐਤਵਾਰ ਹੋਣ ਕਰਕੇ ਦੇਸ਼ ਭਰ ਦੇ ਬੈਂਕ ਬੰਦ ਰਹਿਣਗੇ, ਜਦਕਿ 8 ਅਤੇ 22 ਅਗਸਤ ਨੂੰ ਦੂਜੇ ਅਤੇ ਚੌਥੇ ਸ਼ਨੀਵਾਰ ਦੀ ਛੁੱਟੀ ਰਹੇਗੀ। ਇਸ ਤੋਂ ਇਲਾਵਾ 15 ਅਗਸਤ ਨੂੰ ਆਜ਼ਾਦੀ ਦਿਵਸ ਮੌਕੇ ਸਾਰੇ ਦੇਸ਼ ਵਿੱਚ ਬੈਂਕਾਂ ਦੀਆਂ ਸ਼ਾਖਾਵਾਂ ਬੰਦ ਰਹਿਣਗੀਆਂ।
ਖੇਤਰੀ ਤਿਉਹਾਰਾਂ ਕਾਰਨ 4 ਅਗਸਤ ਨੂੰ ਤ੍ਰਿਪੁਰਾ, 13 ਅਗਸਤ ਨੂੰ ਮਣੀਪੁਰ, 19 ਅਗਸਤ ਨੂੰ ਤ੍ਰਿਪੁਰਾ, 25 ਤੋਂ 28 ਅਗਸਤ ਤੱਕ ਵੱਖ-ਵੱਖ ਰਾਜਾਂ ਵਿੱਚ ਈਦ-ਏ-ਮਿਲਾਦ, ਓਣਮ, ਨਾਰਾਇਣ ਗੁਰੂ ਜਯੰਤੀ, ਅਯੰਕਾਲੀ ਜਯੰਤੀ ਅਤੇ ਹੋਰ ਸਥਾਨਕ ਮੌਕਿਆਂ ਕਰਕੇ ਬੈਂਕਾਂ ਵਿੱਚ ਛੁੱਟੀਆਂ ਰਹਿਣਗੀਆਂ।
ਹਾਲਾਂਕਿ ਬੈਂਕ ਸ਼ਾਖਾਵਾਂ ਬੰਦ ਰਹਿਣਗੀਆਂ, ਪਰ ਗਾਹਕਾਂ ਨੂੰ ਡਿਜੀਟਲ ਸੇਵਾਵਾਂ ਲਈ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਨਹੀਂ ਆਵੇਗੀ। ਯੂਪੀਆਈ (UPI), ਇੰਟਰਨੈੱਟ ਅਤੇ ਮੋਬਾਈਲ ਬੈਂਕਿੰਗ, ਏਟੀਐਮ, ਡੈਬਿਟ ਅਤੇ ਕ੍ਰੈਡਿਟ ਕਾਰਡ, ਔਨਲਾਈਨ ਫੰਡ ਟ੍ਰਾਂਸਫਰ ਅਤੇ ਬਿੱਲ ਭੁਗਤਾਨ ਵਰਗੀਆਂ ਸੇਵਾਵਾਂ ਪਹਿਲਾਂ ਵਾਂਗ ਹੀ ਜਾਰੀ ਰਹਿਣਗੀਆਂ। ਇਸ ਲਈ ਬੈਂਕ ਜਾਣ ਤੋਂ ਪਹਿਲਾਂ ਆਪਣੇ ਸ਼ਹਿਰ ਦੀ ਛੁੱਟੀਆਂ ਦੀ ਸੂਚੀ ਜ਼ਰੂਰ ਚੈੱਕ ਕਰਨਾ ਸਮਝਦਾਰੀ ਹੋਵੇਗੀ।
Get all latest content delivered to your email a few times a month.
