ਤਾਜਾ ਖਬਰਾਂ
ਹਿਮਾਚਲ ਦੇ ਕੁੱਲੂ ਵਿੱਚ ਇੱਕ ਵਿਦੇਸ਼ੀ ਔਰਤ ਦੀ ਡਰੱਗ ਓਵਰਡੋਜ਼ (ਨਸ਼ੇ ਦੀ ਵੱਧ ਮਾਤਰਾ) ਕਾਰਨ ਮੌਤ ਹੋ ਗਈ। ਪੁਲਿਸ ਨੇ ਮਣੀਕਰਨ ਘਾਟੀ ਦੇ ਕਸੋਲ ਵਿੱਚ ਰਸ਼ੀਅਨ ਵਿਦੇਸ਼ੀ ਔਰਤ ਦੀ ਮੌਤ ਦੀ ਪੁਸ਼ਟੀ ਕੀਤੀ ਹੈ। ਐਸ.ਪੀ. ਕੁੱਲੂ ਮਦਨ ਲਾਲ ਕੌਸ਼ਲ ਨੇ ਦੱਸਿਆ ਕਿ ਵਿਦੇਸ਼ੀ ਔਰਤ ਦੀ ਲਾਸ਼ ਨੂੰ ਪੁਲਿਸ ਨੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਇਸ ਦੇ ਨਾਲ ਹੀ ਵਿਦੇਸ਼ੀ ਔਰਤ ਦਿਸ਼ਾਲੀਅਨ ਦੇ ਪਰਿਵਾਰ ਵਾਲਿਆਂ ਨੂੰ ਸੂਚਨਾ ਦੇ ਦਿੱਤੀ ਗਈ ਹੈ। ਔਰਤ ਦੇ ਪਰਿਵਾਰ ਵਾਲਿਆਂ ਦੇ ਆਉਣ ਤੋਂ ਬਾਅਦ ਲਾਸ਼ ਦਾ ਪੋਸਟਮਾਰਟਮ ਕੀਤਾ ਗਿਆ। ਪੋਸਟਮਾਰਟਮ ਰਿਪੋਰਟ ਵਿੱਚ ਸਾਹਮਣੇ ਆਇਆ ਹੈ ਕਿ ਵਿਦੇਸ਼ੀ ਔਰਤ ਦੀ ਮੌਤ ਡਰੱਗ ਓਵਰਡੋਜ਼ ਕਾਰਨ ਹੋਈ ਹੈ। ਇਸ ਤੋਂ ਬਾਅਦ ਪੁਲਿਸ ਨੇ ਕਸੋਲ ਵਿੱਚ ਰੇਵ ਪਾਰਟੀ (Reve Party) ਨੂੰ ਲੈ ਕੇ 2 ਵੱਖ-ਵੱਖ ਮਾਮਲੇ ਦਰਜ ਕੀਤੇ ਹਨ।
ਮਣੀਕਰਨ ਘਾਟੀ ਦੇ ਜੰਗਲਾਂ ਵਿੱਚ ਹਾਈਕੋਰਟ ਦੀ ਰੋਕ ਦੇ ਬਾਵਜੂਦ ਧੜੱਲੇ ਨਾਲ ਰੇਵ ਪਾਰਟੀਆਂ ਹੋ ਰਹੀਆਂ ਹਨ। ਕਸੋਲ ਦੇ ਜੰਗਲਾਂ ਵਿੱਚ ਰੇਵ ਪਾਰਟੀਆਂ ਵਿੱਚ ਸ਼ਰੇਆਮ ਅਸ਼ਲੀਲਤਾ ਅਤੇ ਨਸ਼ੇ ਦਾ ਪ੍ਰਚਲਨ ਹੈ। ਮਣੀਕਰਨ ਘਾਟੀ ਦੇ ਕਸੋਲ ਵਿੱਚ ਰਸ਼ੀਅਨ ਡੀਜੇ ਆਰਟਿਸਟ 29 ਸਾਲਾ ਦਿਸ਼ਾਲੀਅਨ ਦੀ ਓਵਰਡੋਜ਼ ਕਾਰਨ 2 ਦਿਨ ਪਹਿਲਾਂ ਮੌਤ ਹੋ ਗਈ ਸੀ।
ਕਸੋਲ ਦੇ ਜੰਗਲਾਂ ਵਿੱਚ 7 ਤੋਂ 11 ਜੂਨ ਤੱਕ ਰੇਵ ਪਾਰਟੀ ਹੋਈ ਸੀ। ਇਸ ਪਾਰਟੀ ਵਿੱਚ ਡੀਜੇ ਵਜਾਉਣ ਤੋਂ ਬਾਅਦ ਡਰੱਗ ਓਵਰਡੋਜ਼ ਕਾਰਨ ਔਰਤ ਦੀ ਮੌਤ ਹੋ ਗਈ। ਉਹ ਹੋਟਲ ਦੇ ਕਮਰੇ ਵਿੱਚ ਮ੍ਰਿਤਕ ਪਾਈ ਗਈ ਸੀ। ਕਸੋਲ ਵਿੱਚ ਪੁਲਿਸ ਪ੍ਰਸ਼ਾਸਨ ਦੀ ਨੱਕ ਹੇਠ ਰੇਵ ਪਾਰਟੀਆਂ ਹੋ ਰਹੀਆਂ ਹਨ। ਇਨ੍ਹਾਂ ਪਾਰਟੀਆਂ ਵਿੱਚ ਹਜ਼ਾਰਾਂ ਦੇਸੀ-ਵਿਦੇਸ਼ੀ ਸੈਲਾਨੀ ਸ਼ਾਮਲ ਹੋ ਰਹੇ ਹਨ। ਸੋਸ਼ਲ ਮੀਡੀਆ ਅਤੇ ਆਨਲਾਈਨ ਸਾਈਟਾਂ 'ਤੇ ਰੇਵ ਪਾਰਟੀਆਂ ਦੀ ਪ੍ਰਮੋਸ਼ਨ (ਪ੍ਰਚਾਰ) ਅਤੇ ਬੁਕਿੰਗ ਹੋ ਰਹੀ ਹੈ।
ਮਣੀਕਰਨ ਘਾਟੀ ਵਿੱਚ ਰੇਵ ਪਾਰਟੀਆਂ ਦਾ ਪ੍ਰਚਲਨ ਸਾਲੋ-ਸਾਲ ਵਧ ਰਿਹਾ ਹੈ। ਰੇਵ ਪਾਰਟੀਆਂ ਦਾ ਨੈੱਟਵਰਕ ਇਜ਼ਰਾਈਲ ਅਤੇ ਬੈਂਗਲੁਰੂ ਤੋਂ ਚੱਲ ਰਿਹਾ ਹੈ। ਕਸੋਲ ਦੇ ਜੰਗਲਾਂ ਵਿੱਚ ਡੀਜੇ ਦੇ ਲਾਊਡ ਸਪੀਕਰਾਂ ਤੋਂ ਹੋਣ ਵਾਲੇ ਪ੍ਰਦੂਸ਼ਣ ਨਾਲ ਵਾਤਾਵਰਣ ਨੂੰ ਵੱਡੇ ਪੱਧਰ 'ਤੇ ਨੁਕਸਾਨ ਹੋ ਰਿਹਾ ਹੈ।
ਕੁੱਲੂ ਜ਼ਿਲ੍ਹੇ ਵਿੱਚ ਮਣੀਕਰਨ-ਭੁੰਤਰ ਮਾਰਗ 'ਤੇ ਸਰਸਰੀ ਦੇ ਨੇੜੇ ਸ਼ੁੱਕਰਵਾਰ ਨੂੰ ਇੱਕ ਵਾਹਨ ਦੇ ਡੂੰਘੀ ਖੱਡ ਵਿੱਚ ਡਿੱਗ ਜਾਣ ਕਾਰਨ ਪੰਜਾਬ ਦੇ ਦੋ ਸੈਲਾਨੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਤਿੰਨ ਹੋਰ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਏ। ਕੁੱਲੂ ਦੇ ਪੁਲਿਸ ਸੁਪਰਡੈਂਟ ਮਦਨ ਲਾਲ ਨੇ ਦੱਸਿਆ ਕਿ ਵਾਹਨ ਮਣੀਕਰਨ ਤੋਂ ਭੁੰਤਰ ਵੱਲ ਜਾ ਰਿਹਾ ਸੀ, ਜਦੋਂ ਇਹ ਹਾਦਸਾ ਵਾਪਰਿਆ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਬਣਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਜਾਂਚ ਜਾਰੀ ਹੈ। ਪੁਲਿਸ ਅਨੁਸਾਰ ਜ਼ਖਮੀਆਂ ਨੂੰ ਮੰਡੀ ਜ਼ਿਲ੍ਹੇ ਦੇ ਨੇਰਚੌਕ ਸਥਿਤ ਮੈਡੀਕਲ ਕਾਲਜ ਵਿੱਚ ਰੈਫਰ ਕੀਤਾ ਗਿਆ ਹੈ, ਜਦੋਂ ਕਿ ਇੱਕ ਔਰਤ ਦਾ ਕੁੱਲੂ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।
Get all latest content delivered to your email a few times a month.
