ਮੁਫ਼ਤ ਵਰਤੋਂ ਦਾ ਜ਼ਮਾਨਾ ਖ਼ਤਮ? ਮੇਟਾ ਲੈ ਕੇ ਆਇਆ Instagram, Facebook ਤੇ WhatsApp Plus

ਮੇਟਾ (Meta) ਨੇ ਦੁਨੀਆ ਭਰ ਦੇ ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਵਟਸਐਪ ਯੂਜ਼ਰਸ ਲਈ ਪੇਡ ਸਬਸਕ੍ਰਿਪਸ਼ਨ ਪਲਾਨ (Paid Subscription Plan) ਪੇਸ਼ ਕੀਤਾ ਹੈ। ਇਸ ਦੇ ਤਹਿਤ ਵਟਸਐਪ, ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਦਾ ਪੇਡ ਪਲਾਨ ਲੈਣ ਵਾਲੇ ਯੂਜ਼ਰਸ ਕੁਝ ਖਾਸ ਫੀਚਰਸ ਦੀ ਵਰਤੋਂ ਕਰ ਸਕਣਗੇ। ਇਹ ਬਿਲਕੁਲ ਐਲਨ ਮਸਕ ਦੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' (X) ਦੇ ਪੇਡ ਸਬਸਕ੍ਰਿਪਸ਼ਨ ਦੀ ਤਰ੍ਹਾਂ ਹੈ। ਸਾਰੀਆਂ ਐਪਸ ਦੇ ਪਲੱਸ ਵਰਜ਼ਨ ਵਿੱਚ ਯੂਜ਼ਰਸ ਨੂੰ ਕਈ ਕਸਟਮਾਈਜ਼ ਕਰਨ ਯੋਗ (ਬਦਲਾਅ ਕੀਤੇ ਜਾਣ ਵਾਲੇ) ਫੀਚਰਸ ਮਿਲਣਗੇ, ਜੋ ਆਮ ਯੂਜ਼ਰਸ ਨੂੰ ਨਹੀਂ ਮਿਲਦੇ। ਇਸ ਨੂੰ ਦੇਖ ਕੇ ਲੱਗ ਰਿਹਾ ਹੈ ਕਿ ਮੇਟਾ ਹੁਣ ਕਮਾਈ (Revenue) ਦੇ ਲਈ ਸਿਰਫ਼ ਇਸ਼ਤਿਹਾਰਾਂ 'ਤੇ ਹੀ ਨਿਰਭਰ ਨਹੀਂ ਹੈ।

ਬੁੱਧਵਾਰ ਨੂੰ ਮੇਟਾ ਨੇ ਐਲਾਨ ਕੀਤਾ ਕਿ ਉਹ ਹੁਣ ਸਾਰੀਆਂ ਪ੍ਰਸਿੱਧ ਸੋਸ਼ਲ ਮੀਡੀਆ ਐਪਸ—ਇੰਸਟਾਗ੍ਰਾਮ, ਵਟਸਐਪ ਅਤੇ ਫੇਸਬੁੱਕ ਲਈ ਸਬਸਕ੍ਰਿਪਸ਼ਨ ਪਲਾਨ ਦੁਨੀਆ ਭਰ ਵਿੱਚ ਸ਼ੁਰੂ ਕਰ ਰਿਹਾ ਹੈ। ਉੱਥੇ ਹੀ, ਬਿਜ਼ਨੈੱਸ, ਕ੍ਰਿਏਟਰਸ ਅਤੇ ਮੇਟਾ AI (Meta AI) ਯੂਜ਼ਰਸ ਲਈ ਨਵੇਂ ਸਬਸਕ੍ਰਿਪਸ਼ਨ ਦੀ ਟੈਸਟਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ।

ਇੰਸਟਾਗ੍ਰਾਮ, ਵਟਸਐਪ ਅਤੇ ਫੇਸਬੁੱਕ ਪਲੱਸ ਤੋਂ ਇਲਾਵਾ ਮੇਟਾ ਹੋਰ ਵੀ ਸਬਸਕ੍ਰਿਪਸ਼ਨ ਲਿਆਉਣ ਦੀ ਤਿਆਰੀ ਵਿੱਚ ਹੈ, ਜਿਨ੍ਹਾਂ ਦੀ ਟੈਸਟਿੰਗ ਸ਼ੁਰੂ ਕਰ ਦਿੱਤੀ ਗਈ ਹੈ। ਇਸ ਵਿੱਚ ਕ੍ਰਿਏਟਰਸ ਅਤੇ ਬਿਜ਼ਨੈੱਸ ਲਈ ਪ੍ਰੋਫੈਸ਼ਨਲ ਪਲਾਨ ਅਤੇ ਸਾਰੇ ਯੂਜ਼ਰਸ ਲਈ AI ਫੋਕਸਡ ਪਲਾਨ ਸ਼ਾਮਲ ਹਨ। ਇਸ ਨਵੀਂ ਟੈਸਟਿੰਗ ਨੂੰ 'Meta One' ਦਾ ਨਾਂ ਦਿੱਤਾ ਜਾਵੇਗਾ।

ਇੰਸਟਾਗ੍ਰਾਮ ਪਲੱਸ ਦੇ ਖਾਸ ਫੀਚਰਸ:

ਸਟੋਰੀ ਰੀ-ਵਾਚ (Story Re-watch): ਯੂਜ਼ਰਸ ਨੂੰ ਇਹ ਦੇਖਣ ਦੀ ਸਹੂਲਤ ਮਿਲੇਗੀ ਕਿ ਕੁੱਲ ਕਿੰਨੇ ਲੋਕਾਂ ਨੇ ਉਨ੍ਹਾਂ ਦੀ ਸਟੋਰੀ ਨੂੰ ਦੁਬਾਰਾ ਦੇਖਿਆ ਹੈ।

ਔਡੀਐਂਸ ਲਿਸਟ (Audience List): ਸਟੋਰੀਜ਼ ਦੇ ਲਈ "Close Friends" ਆਪਸ਼ਨ ਦੇ ਨਾਲ-ਨਾਲ ਅਨਲਿਮਟਿਡ ਔਡੀਐਂਸ ਲਿਸਟ ਬਣਾਉਣ ਦੀ ਸਹੂਲਤ ਵੀ ਮਿਲੇਗੀ।

ਸਪੌਟ ਲਾਈਟ (Spot Light): ਯੂਜ਼ਰਸ ਹਫ਼ਤੇ ਵਿੱਚ ਇੱਕ ਵਾਰ ਕਿਸੇ ਸਟੋਰੀ ਨੂੰ ਜ਼ਿਆਦਾ ਵਿਊਜ਼ (Views) ਪਾਉਣ ਲਈ ਸਪੌਟ ਲਾਈਟ ਵੀ ਕਰ ਸਕਣਗੇ।

ਸਟੋਰੀ ਦਾ ਸਮਾਂ ਅਤੇ ਪ੍ਰੀਵਿਊ: ਸਟੋਰੀ ਨੂੰ 24 ਘੰਟਿਆਂ ਤੋਂ ਜ਼ਿਆਦਾ ਸਮੇਂ ਤੱਕ ਰੱਖ ਸਕਣਗੇ। ਬਿਨਾਂ ਵਿਊਅਰ (ਦੇਖਣ ਵਾਲੇ) ਦੇ ਤੌਰ 'ਤੇ ਸਾਹਮਣੇ ਆਏ, ਕਿਸੇ ਵੀ ਸਟੋਰੀ ਦਾ ਪ੍ਰੀਵਿਊ ਦੇਖ ਸਕਣਗੇ।

ਸਰਚ ਆਪਸ਼ਨ: ਆਪਣੀ ਸਟੋਰੀ ਵਿਊਅਰ ਲਿਸਟ ਵਿੱਚ ਇਹ ਸਰਚ ਕਰ ਸਕਣਗੇ ਕਿ ਕੌਣ-ਕੌਣ ਦੇਖ ਰਿਹਾ ਹੈ।

ਪ੍ਰੋਫਾਈਲ ਹਾਈਲਾਈਟ: ਇਸ ਤੋਂ ਇਲਾਵਾ, ਯੂਜ਼ਰਸ ਸਿੱਧੇ ਆਪਣੀ ਪ੍ਰੋਫਾਈਲ 'ਤੇ ਪੋਸਟ ਵੀ ਕਰ ਸਕਣਗੇ ਅਤੇ ਆਪਣੇ ਫਾਲੋਅਰਜ਼ ਦੀ ਫੀਡ 'ਤੇ ਦਿਖਾਏ ਬਿਨਾਂ ਉਸ ਨੂੰ ਹਾਈਲਾਈਟ ਕਰ ਸਕਣਗੇ।

ਸਟੋਰੀਜ਼ ਲਈ ਸੁਪਰ ਹਾਰਟ ਐਨੀਮੇਟਡ ਰਿਐਕਸ਼ਨਸ, ਕਸਟਮ ਐਪ ਆਈਕਨਸ, ਪ੍ਰੋਫਾਈਲ ਬਾਇਓ ਲਈ ਕਸਟਮਾਈਜ਼ੇਬਲ ਫੌਂਟਸ ਅਤੇ ਤੁਹਾਡੀ ਪ੍ਰੋਫਾਈਲ ਲਈ ਐਕਸਟਰਾ ਪਿਨਸ ਦੀ ਸਹੂਲਤ।

ਫੇਸਬੁੱਕ ਅਤੇ ਵਟਸਐਪ ਪਲੱਸ

ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਪਲੱਸ ਇੱਕੋ ਜਿਹੇ ਹੀ ਫੀਚਰਸ ਆਫਰ ਕਰਦੇ ਹਨ। ਹਾਲਾਂਕਿ, WhatsApp Plus ਕੁਝ ਵੱਖਰੇ ਫੀਚਰਸ ਵੀ ਦਿੰਦਾ ਹੈ, ਜਿਵੇਂ ਕਿ:

ਐਪ ਥੀਮਸ (App Themes)

ਕਸਟਮ ਰਿੰਗਟੋਨਸ (Custom Ringtones)

ਐਕਸਟਰਾ ਪਿਨ ਚੈਟਸ (Extra Pin Chats)

ਲਿਸਟ ਕਸਟਮਾਈਜ਼ੇਸ਼ਨ (List Customization)

ਪ੍ਰੀਮੀਅਮ ਸਟਿੱਕਰਸ (Premium Stickers) ਅਤੇ ਹੋਰ ਬਹੁਤ ਕੁਝ।

ਇਸ ਲਾਂਚ ਦੇ ਨਾਲ ਹੀ ਮੇਟਾ ਦਾ ਕਹਿਣਾ ਹੈ ਕਿ ਉਹ ਹੋਰ ਵੀ ਜ਼ਿਆਦਾ ਸਬਸਕ੍ਰਿਪਸ਼ਨ ਪਲਾਨਸ ਦੀ ਟੈਸਟਿੰਗ ਸ਼ੁਰੂ ਕਰੇਗਾ।

ਮੇਟਾ AI ਯੂਜ਼ਰਸ ਲਈ ਉਹ ਦੋ ਪਲਾਨ ਟੈਸਟ ਕਰੇਗਾ:

Meta One Plus: ਕੀਮਤ 7.99 ਡਾਲਰ ਪ੍ਰਤੀ ਮਹੀਨਾ।

Meta One Premium: ਕੀਮਤ 19.99 ਡਾਲਰ ਪ੍ਰਤੀ ਮਹੀਨਾ।

(ਇਨ੍ਹਾਂ ਦੋਵਾਂ ਵਿੱਚ ਫੀਚਰਸ ਤਾਂ ਇੱਕੋ ਜਿਹੇ ਹੀ ਹੋਣਗੇ, ਪਰ ਪ੍ਰੀਮੀਅਮ ਪਲਾਨ ਵਿੱਚ ਜ਼ਿਆਦਾ ਕੰਪਿਊਟ (Compute) ਵਾਲੀਆਂ ਕੁਐਰੀਜ਼ ਲਈ ਜ਼ਿਆਦਾ ਕੈਪੇਸਿਟੀ ਮਿਲੇਗੀ।)

Instagram Plus: ਇਸ ਦੇ ਲਈ ਯੂਜ਼ਰਸ ਨੂੰ ਹਰ ਮਹੀਨੇ 3.99 ਡਾਲਰ (ਲਗਭਗ 382 ਰੁਪਏ) ਦੇਣੇ ਹੋਣਗੇ।

Facebook Plus: ਇਸ ਦੀ ਕੀਮਤ ਵੀ 3.99 ਡਾਲਰ ਪ੍ਰਤੀ ਮਹੀਨਾ (ਲਗਭਗ 382 ਰੁਪਏ) ਹੀ ਹੈ।

WhatsApp Plus: ਇਸ ਦੀ ਕੀਮਤ 2.99 ਡਾਲਰ ਪ੍ਰਤੀ ਮਹੀਨਾ (ਲਗਭਗ 287 ਰੁਪਏ) ਹੈ।

ਸਬਸਕ੍ਰਿਪਸ਼ਨ ਲੈਣ ਵਾਲੇ ਯੂਜ਼ਰਸ ਨੂੰ ਪ੍ਰੋਫਾਈਲ ਕਸਟਮਾਈਜ਼ੇਸ਼ਨ, ਸੁਪਰ ਰਿਐਕਸ਼ਨਸ ਅਤੇ ਸਟੋਰੀ ਇਨਸਾਈਟਸ (Insights) ਵਰਗੀਆਂ ਸਹੂਲਤਾਂ ਦਾ ਐਕਸੈਸ ਮਿਲੇਗਾ।