ਤਾਜਾ ਖਬਰਾਂ
ਖਾੜੀ ਦੇਸ਼ਾਂ ਵਿੱਚ ਫਸੇ ਭਾਰਤੀ ਨਾਗਰਿਕਾਂ ਨੂੰ ਸੁਰੱਖਿਅਤ ਸਵਦੇਸ਼ ਵਾਪਸ ਲਿਆਉਣ ਲਈ ਨਿੱਜੀ ਹਵਾਈ ਕੰਪਨੀ SpiceJet ਨੇ ਆਪਣੀਆਂ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਹਨ। ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਉਹ ਅੱਜ, 4 ਮਾਰਚ ਨੂੰ ਸੰਯੁਕਤ ਅਰਬ ਅਮੀਰਾਤ (UAE) ਤੋਂ 8 ਵਿਸ਼ੇਸ਼ ਉਡਾਣਾਂ ਦਾ ਸੰਚਾਲਨ ਕਰੇਗੀ।
ਅਮਰੀਕਾ-ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਵਧਦੇ ਟਕਰਾਅ ਕਾਰਨ ਪੱਛਮੀ ਏਸ਼ੀਆ ਵਿੱਚ ਹਵਾਈ ਖੇਤਰ (Airspace) ਬੰਦ ਹੋਣ ਕਾਰਨ ਉਡਾਣਾਂ ਦੀ ਆਵਾਜਾਈ ਪ੍ਰਭਾਵਿਤ ਹੋਈ ਹੈ। ਇਨ੍ਹਾਂ 8 ਵਿਸ਼ੇਸ਼ ਉਡਾਣਾਂ ਰਾਹੀਂ ਯੂਏਈ ਦੇ ਫੁਜੈਰਾਹ ਤੋਂ ਭਾਰਤ ਦੇ ਪ੍ਰਮੁੱਖ ਸ਼ਹਿਰਾਂ ਲਈ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ:
ਦਿੱਲੀ ਲਈ 4 ਵਿਸ਼ੇਸ਼ ਉਡਾਣਾਂ।
ਮੁੰਬਈ ਲਈ 4 ਵਿਸ਼ੇਸ਼ ਉਡਾਣਾਂ।
ਕੋਚੀ ਲਈ 1 ਵਿਸ਼ੇਸ਼ ਉਡਾਣ।
ਇਸ ਤੋਂ ਪਹਿਲਾਂ ਏਅਰਲਾਈਨ ਨੇ 3 ਮਾਰਚ ਨੂੰ 4 ਵਿਸ਼ੇਸ਼ ਉਡਾਣਾਂ ਚਲਾਈਆਂ ਸਨ। ਸਪਾਈਸਜੈੱਟ 4 ਮਾਰਚ ਤੋਂ ਆਪਣੀਆਂ ਨਿਰਧਾਰਤ ਫੁਜੈਰਾ-ਦਿੱਲੀ ਅਤੇ ਫੁਜੈਰਾ-ਮੁੰਬਈ ਉਡਾਣਾਂ ਨੂੰ ਮੁੜ ਬਹਾਲ ਕਰ ਦੇਵੇਗੀ।
ਕੁਵੈਤ ਵਿੱਚ ਫਸੇ 300 ਭਾਰਤੀ ਨਾਗਰਿਕ
ਦੂਜੇ ਪਾਸੇ, ਕੁਵੈਤ ਵਿੱਚ ਲਗਭਗ 300 ਭਾਰਤੀ ਨਾਗਰਿਕ ਫਸੇ ਹੋਏ ਹਨ। ਇਹ ਸਾਰੇ ਇਸ ਵੇਲੇ ਕੁਵੈਤ ਦੇ ਹੋਟਲ 'ਕ੍ਰਾਊਨ ਪਲਾਜ਼ਾ' ਵਿੱਚ ਰੁਕੇ ਹੋਏ ਹਨ, ਪਰ ਉੱਥੇ ਸਥਿਤੀ ਗੰਭੀਰ ਹੁੰਦੀ ਜਾ ਰਹੀ ਹੈ। ਫਸੇ ਹੋਏ ਯਾਤਰੀ ਕਲਪੇਸ਼ ਸੰਜੇ ਰਾਠੀ ਦਾ ਕਹਿਣਾ ਹੈ ਕਿ ਨਾ ਤਾਂ ਹੋਟਲ ਪ੍ਰਬੰਧਕ ਉਨ੍ਹਾਂ ਦੀ ਮਦਦ ਕਰ ਰਹੇ ਹਨ ਅਤੇ ਨਾ ਹੀ ਕੁਵੈਤ ਸਰਕਾਰ ਵੱਲੋਂ ਕੋਈ ਪੱਕਾ ਭਰੋਸਾ ਮਿਲ ਰਿਹਾ ਹੈ।
ਇਨ੍ਹਾਂ 300 ਨਾਗਰਿਕਾਂ ਵਿੱਚੋਂ ਜ਼ਿਆਦਾਤਰ ਮਹਾਰਾਸ਼ਟਰ ਦੇ ਰਹਿਣ ਵਾਲੇ ਹਨ। ਇਹ ਯਾਤਰੀ ਕਿਸੇ ਕੰਮ ਜਾਂ ਟ੍ਰਾਂਜ਼ਿਟ ਦੇ ਸਿਲਸਿਲੇ ਵਿੱਚ ਉੱਥੇ ਪਹੁੰਚੇ ਸਨ। ਹੋਟਲ ਵਿੱਚ ਫਸੇ ਭਾਰਤੀਆਂ ਨੇ ਭਾਰਤ ਸਰਕਾਰ ਅਤੇ ਕੁਵੈਤ ਸਥਿਤ ਭਾਰਤੀ ਦੂਤਾਵਾਸ ਨੂੰ ਤੁਰੰਤ ਦਖਲ ਦੇਣ ਦੀ ਅਪੀਲ ਕੀਤੀ ਹੈ।
Get all latest content delivered to your email a few times a month.
