ਤਾਜਾ ਖਬਰਾਂ
ਪੰਜਾਬ ਰਾਜ ਚੋਣ ਕਮਿਸ਼ਨ ਨੇ ਜ਼ਿਲ੍ਹਾ ਪ੍ਰੀਸ਼ਦ ਅਤੇ ਬਲਾਕ ਸਮਿਤੀ ਚੋਣਾਂ ਦੌਰਾਨ ਪੰਜ ਜ਼ਿਲ੍ਹਿਆਂ ਦੇ 16 ਪੋਲਿੰਗ ਬੂਥਾਂ 'ਤੇ ਮਿਲੀਆਂ ਬੇਨਿਯਮੀਆਂ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ, ਉਨ੍ਹਾਂ 'ਤੇ ਮੁੜ ਵੋਟਿੰਗ ਕਰਵਾਉਣ ਦਾ ਹੁਕਮ ਦਿੱਤਾ ਹੈ।
ਇਸ ਫੈਸਲੇ ਤਹਿਤ, ਇਨ੍ਹਾਂ ਬੂਥਾਂ 'ਤੇ 16 ਦਸੰਬਰ (ਅੱਜ) ਨੂੰ ਵੋਟਿੰਗ ਪ੍ਰਕਿਰਿਆ ਦੁਬਾਰਾ ਸ਼ੁਰੂ ਹੋ ਗਈ ਹੈ। ਹਾਲਾਂਕਿ ਵੋਟਿੰਗ ਦੀ ਤਰੀਕ ਬਦਲੀ ਹੈ, ਪਰ ਚੋਣ ਨਤੀਜੇ ਐਲਾਨਣ ਦੀ ਤਰੀਕ ਵਿੱਚ ਕੋਈ ਤਬਦੀਲੀ ਨਹੀਂ ਕੀਤੀ ਗਈ ਹੈ। ਸਾਰੇ ਚੋਣ ਨਤੀਜੇ ਨਿਰਧਾਰਤ ਮਿਤੀ 17 ਦਸੰਬਰ ਨੂੰ ਹੀ ਘੋਸ਼ਿਤ ਕੀਤੇ ਜਾਣਗੇ।
ਮੁੜ ਵੋਟਿੰਗ ਵਾਲੇ ਖੇਤਰਾਂ ਦਾ ਵੇਰਵਾ:
ਅੰਮ੍ਰਿਤਸਰ: ਅਟਾਰੀ ਜ਼ੋਨ ਦੇ 69 ਬੂਥਾਂ 'ਤੇ ਮੁੜ ਵੋਟਾਂ ਪੈ ਰਹੀਆਂ ਹਨ।
ਬਰਨਾਲਾ: ਪਿੰਡ ਰੈਸਰ ਦੇ ਬੂਥ ਨੰਬਰ 20 'ਤੇ ਵੋਟਿੰਗ ਹੋ ਰਹੀ ਹੈ।
ਮੁਕਤਸਰ (ਗਿੱਦੜਬਾਹਾ): ਪਿੰਡ ਬਬਨੀਆਂ ਅਤੇ ਮਧੀਰ ਦੇ 4 ਬੂਥਾਂ 'ਤੇ ਦੁਬਾਰਾ ਵੋਟਾਂ ਪੈ ਰਹੀਆਂ ਹਨ।
ਗੁਰਦਾਸਪੁਰ: ਪਿੰਡ ਚੰਨੀਆਂ ਵਿਖੇ ਵੋਟਿੰਗ ਜਾਰੀ ਹੈ।
ਜਲੰਧਰ: ਭੋਗਪੁਰ ਖੇਤਰ ਦੇ ਬੂਥ ਨੰਬਰ 4 ਅਤੇ 72 'ਤੇ ਮੁੜ ਮਤਦਾਨ ਚੱਲ ਰਿਹਾ ਹੈ।
ਇਹ ਸਾਰੀਆਂ ਮੁੜ ਚੋਣਾਂ ਅੱਜ ਸ਼ਾਮ ਤੱਕ ਮੁਕੰਮਲ ਹੋ ਜਾਣਗੀਆਂ, ਜਿਸ ਤੋਂ ਬਾਅਦ ਗਿਣਤੀ ਦੀ ਪ੍ਰਕਿਰਿਆ 17 ਦਸੰਬਰ ਨੂੰ ਹੋਵੇਗੀ।
Get all latest content delivered to your email a few times a month.
