ਤਾਜਾ ਖਬਰਾਂ
ਪੰਜਾਬ ਮਿਊਜ਼ਿਕ ਇੰਡਸਟਰੀ ਦੇ ਪ੍ਰਸਿੱਧ ਸਟਾਰ ਸਿੰਗਰ ਕਰਨ ਔਜਲਾ ਇਸ ਸਮੇਂ ਆਪਣੇ ਗਾਇਕੀ ਕਰੀਅਰ ਦੀਆਂ ਸਿਖਰਾਂ 'ਤੇ ਹਨ ਅਤੇ ਆਪਣੇ ਗੀਤਾਂ ਨਾਲ ਵਿਸ਼ਵ ਭਰ ਵਿੱਚ ਪੰਜਾਬੀਆਂ ਦਾ ਨਾਮ ਰੋਸ਼ਨ ਕਰ ਰਹੇ ਹਨ। ਉਹ ਵੱਖ-ਵੱਖ ਦੇਸ਼ਾਂ ਵਿੱਚ ਆਪਣਾ ਪ੍ਰਸਿੱਧ 'P-POP Culture' ਟੂਰ ਕਰ ਰਹੇ ਹਨ, ਜਿਸ ਦਾ ਇੱਕ ਹਿੱਸਾ ਭਾਰਤ ਵਿੱਚ ਵੀ ਆਯੋਜਿਤ ਕੀਤਾ ਜਾਵੇਗਾ।
ਜਿੱਥੇ ਕਰਨ ਔਜਲਾ ਆਪਣੇ ਸ਼ੋਅ ਦੌਰਾਨ ਦਰਸ਼ਕਾਂ ਨੂੰ ਦੀਵਾਨਾ ਬਣਾਉਂਦੇ ਹਨ, ਉੱਥੇ ਉਨ੍ਹਾਂ ਦੀ ਆਊਟਫਿੱਟ ਅਤੇ ਖਾਸ ਕਰਕੇ ਜਵੈਲਰੀ ਹਮੇਸ਼ਾ ਖਿੱਚ ਦਾ ਕੇਂਦਰ ਬਣੀ ਰਹਿੰਦੀ ਹੈ।
10,000 ਤੋਂ ਵੱਧ ਹੀਰਿਆਂ ਦੀ ਚਮਕ
ਹੁਣ, ਉਨ੍ਹਾਂ ਦੇ ਇਸ ਵਿਸ਼ਵਵਿਆਪੀ ਟੂਰ ਲਈ ਇੱਕ ਖਾਸ ਤੋਹਫ਼ਾ ਤਿਆਰ ਕੀਤਾ ਗਿਆ ਹੈ। ਵੈਨਕੂਵਰ (Vancouver) ਦੀ ਇੱਕ ਜਵੈਲਰ ਕੰਪਨੀ ਨੇ ਸਿੰਗਰ ਕਰਨ ਔਜਲਾ ਨੂੰ 10 ਹਜ਼ਾਰ ਤੋਂ ਵੱਧ ਹੀਰਿਆਂ ਨਾਲ ਜੜੀ ਇੱਕ ਵਿਸ਼ੇਸ਼ ਚੇਨ ਬਣਾ ਕੇ ਦਿੱਤੀ ਹੈ। ਹਾਲਾਂਕਿ ਕੰਪਨੀ ਨੇ ਇਸ ਦੀ ਕੀਮਤ ਦਾ ਖੁਲਾਸਾ ਨਹੀਂ ਕੀਤਾ, ਪਰ ਚੇਨ ਨਾਲ ਸਬੰਧਤ ਬਾਕੀ ਤਕਨੀਕੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ ਹਨ।
ਕੰਪਨੀ ਨੇ ਦੱਸਿਆ ਕਿ ਇਹ ਚੇਨ ਖਾਸ ਤੌਰ 'ਤੇ 'P-POP Culture Tour' ਲਈ ਡਿਜ਼ਾਈਨ ਕੀਤੀ ਗਈ ਹੈ।
ਚੇਨ ਦੀਆਂ ਖਾਸ ਵਿਸ਼ੇਸ਼ਤਾਵਾਂ:
ਹੀਰਿਆਂ ਦੀ ਗਿਣਤੀ: ਇਸ ਚੇਨ ਵਿੱਚ 10,000 ਤੋਂ ਵੀ ਵੱਧ ਹੀਰੇ ਜੜੇ ਗਏ ਹਨ।
ਕੁੱਲ ਕੈਰੇਟ: ਇਸ ਵਿੱਚ 65 ਕੈਰੇਟ (ਕੁੱਲ ਕੈਰੇਟ) ਦੇ ਹੀਰੇ ਇਸਤੇਮਾਲ ਕੀਤੇ ਗਏ ਹਨ।
ਵਜ਼ਨ ਅਤੇ ਪੱਥਰ: ਇਸ ਚੇਨ ਵਿੱਚ ਹੀਰਿਆਂ ਦੇ ਨਾਲ-ਨਾਲ 5,000 ਤੋਂ ਵੱਧ ਕੀਮਤੀ ਸਟੋਨਸ ਅਤੇ ਕੁੱਲ 300 ਗ੍ਰਾਮ ਸੋਨਾ ਵੀ ਵਰਤਿਆ ਗਿਆ ਹੈ।
ਨਿਰਮਾਣ: ਇਸ ਚੇਨ ਵਿੱਚ ਹਜ਼ਾਰਾਂ ਹੈਂਡ-ਮੇਡ ਕੱਟ ਬਣਾ ਕੇ ਹੀਰੇ ਜੜੇ ਗਏ ਹਨ। ਕੰਪਨੀ ਨੇ ਦੱਸਿਆ ਕਿ ਇਸ ਨੂੰ ਬਣਾਉਣ ਵਿੱਚ ਬਹੁਤ ਲੰਬਾ ਸਮਾਂ ਅਤੇ ਵੱਡੀ ਮਾਤਰਾ ਵਿੱਚ ਮਿਹਨਤ ਲੱਗੀ ਹੈ।
ਕੰਪਨੀ ਨੇ ਖੁਦ ਕਰਨ ਔਜਲਾ ਨੂੰ ਇਹ ਚੇਨ ਭੇਟ ਕੀਤੀ, ਜਿਸ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਗਿਆ ਹੈ।
ਦੱਸ ਦੇਈਏ ਕਿ ਇਸ ਟੂਰ ਦੌਰਾਨ ਕਰਨ ਔਜਲਾ ਇੱਕ ਹੀਰਿਆਂ ਵਾਲੀ ਰਿੰਗ ਵੀ ਪਹਿਨਣਗੇ, ਜਿਸ 'ਤੇ 'P-POP' ਕਲਚਰ ਲਿਖਿਆ ਹੋਇਆ ਹੈ।
Get all latest content delivered to your email a few times a month.
