ਤਾਜਾ ਖਬਰਾਂ
ਮਹਾਰਾਸ਼ਟਰ ਦੇ ਰਾਏਗੜ੍ਹ ਜ਼ਿਲ੍ਹੇ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲਾ ਹਾਦਸਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ SUV ਵਾਹਨ ਖੱਡ ਵਿੱਚ ਡਿੱਗਣ ਨਾਲ ਛੇ ਨੌਜਵਾਨਾਂ ਦੀ ਜਾਨ ਚਲੀ ਗਈ। ਇਹ ਦਰਦਨਾਕ ਘਟਨਾ ਮੰਗਾਓਂ–ਪੁਣੇ ਰੋਡ ਉੱਤੇ ਮੰਗਲਵਾਰ ਰਾਤ ਵਾਪਰੀ, ਪਰ ਘਣੇ ਜੰਗਲਾਤ ਅਤੇ ਖੱਡ ਦੀ ਬੇਹੱਦ ਡੂੰਘਾਈ ਕਾਰਨ ਇਸਦਾ ਪਤਾ ਵੀਰਵਾਰ ਨੂੰ ਲੱਗ ਸਕਿਆ।
ਪੁਲਿਸ ਦੇ ਮੁਤਾਬਕ, SUV ਦਾ ਡਰਾਈਵਰ ਵਾਹਨ ’ਤੇ ਕੰਟਰੋਲ ਗੁਆ ਬੈਠਾ, ਜਿਸ ਕਾਰਨ ਗੱਡੀ ਲਗਭਗ 500 ਫੁੱਟ ਡੂੰਘੀ ਖੱਡ ਵਿੱਚ ਜਾ ਸਮਾਈ। ਹਾਦਸੇ ਵਿੱਚ ਮਾਰੇ ਗਏ ਸਾਰੇ ਨੌਜਵਾਨ 18 ਤੋਂ 22 ਸਾਲ ਦੀ ਉਮਰ ਦੇ ਸਨ।
ਮੰਗਾਓਂ ਪੁਲਿਸ ਸਟੇਸ਼ਨ ਦੇ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਖੱਡ ਦੀ ਡੂੰਘਾਈ ਅਤੇ ਭੂਗੋਲਿਕ ਸਥਿਤੀ ਕਾਰਨ ਕਾਰ ਅਤੇ ਮ੍ਰਿਤਕਾਂ ਨੂੰ ਬਾਹਰ ਕੱਢਣ ਦੀ ਕਾਰਵਾਈ ਬਹੁਤ ਚੁਣੌਤੀ ਭਰੀ ਰਿਹੀ। ਇਸ ਲਈ ਰੈਸਕਿਊ ਟੀਮਾਂ ਨੇ ਡਰੋਨ ਕੈਮਰਿਆਂ ਦੀ ਮਦਦ ਲਈ ਅਤੇ ਕਈ ਐਨਜੀਓਜ਼ ਨੂੰ ਵੀ ਬੁਲਾਇਆ ਗਿਆ, ਜਿਨ੍ਹਾਂ ਨੇ ਰਾਹਤ ਕੰਮ ਵਿੱਚ ਅਹਿਮ ਯੋਗਦਾਨ ਪਾਇਆ।
Get all latest content delivered to your email a few times a month.
