ਤਾਜਾ ਖਬਰਾਂ
ਮਸ਼ਹੂਰ ਰਿਐਲਿਟੀ ਟੀਵੀ ਸਟਾਰ ਸ਼ਿਵ ਠਾਕਰੇ ਦੇ ਮੁੰਬਈ ਸਥਿਤ ਘਰ ਵਿੱਚ ਭਿਆਨਕ ਅੱਗ ਲੱਗਣ ਦੀ ਘਟਨਾ ਸਾਹਮਣੇ ਆਈ ਹੈ। ਅੱਗ ਇੰਨੀ ਤੀਵਰ ਸੀ ਕਿ ਘਰ ਦਾ ਕਾਫ਼ੀ ਹਿੱਸਾ ਨੁਕਸਾਨੀ ਹੋ ਗਿਆ, ਜਿਸ ਦੀਆਂ ਫੋਟੋਆਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਫੈਲ ਰਹੀਆਂ ਹਨ। ਖ਼ਬਰ ਫੈਲਦੇ ਹੀ ਸ਼ਿਵ ਦੇ ਚਾਹੁਣ ਵਾਲੇ ਬੇਹੱਦ ਚਿੰਤਿਤ ਹੋ ਗਏ ਅਤੇ ਉਸਦੀ ਖੈਰ-ਖਬਰ ਜਾਣਨ ਲਈ ਲਗਾਤਾਰ ਮੈਸੇਜ ਕਰਨ ਲੱਗੇ। ਖੁਸ਼ਕਿਸਮਤੀ ਨਾਲ, ਸ਼ਿਵ ਠਾਕਰੇ ਨੂੰ ਕੋਈ ਸੱਟ ਨਹੀਂ ਲੱਗੀ ਅਤੇ ਨਾ ਹੀ ਘਰ ਦੇ ਕਿਸੇ ਹੋਰ ਮੈਂਬਰ ਨੂੰ ਕੋਈ ਨੁਕਸਾਨ ਹੋਇਆ।
ਸ਼ਿਵ ਦੀ ਟੀਮ ਨੇ ਅਧਿਕਾਰਕ ਬਿਆਨ ਜਾਰੀ ਕਰਦੇ ਹੋਏ ਦੱਸਿਆ ਕਿ ਹਾਦਸੇ ਸਮੇਂ ਸ਼ਿਵ ਘਰ ਵਿੱਚ ਮੌਜੂਦ ਨਹੀਂ ਸੀ। ਉਹ ਭੋਪਾਲ ਵਿੱਚ ਇੱਕ ਸਮਾਗਮ ਵਿੱਚ ਸ਼ਿਰਕਤ ਕਰਨ ਗਿਆ ਸੀ, ਜਿਸ ਦੀਆਂ ਤਸਵੀਰਾਂ ਉਸਨੇ ਖੁਦ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀਆਂ ਸਨ। ਹਾਲਾਂਕਿ ਘਰ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ ਹੈ, ਪਰ ਕਿਸੇ ਦੀ ਜਾਨ ਨੂੰ ਖਤਰਾ ਨਾ ਹੋਣਾ ਇੱਕ ਵੱਡੀ ਰਾਹਤ ਹੈ। ਵਾਇਰਲ ਹੋ ਰਹੀਆਂ ਤਸਵੀਰਾਂ ਵਿੱਚ ਅੱਗ ਦੀ ਭਿਆਨਕ ਤਸਵੀਰਾਂ ਦੇਖਕੇ ਪ੍ਰਸ਼ੰਸਕ ਟਿੱਪਣੀਆਂ ਰਾਹੀਂ ਆਪਣੀ ਚਿੰਤਾ ਜ਼ਾਹਿਰ ਕਰ ਰਹੇ ਹਨ।
ਸ਼ਿਵ ਠਾਕਰੇ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 2017 ਵਿੱਚ ਐਮਟੀਵੀ ਰੋਡੀਜ਼ ਰਾਈਜ਼ਿੰਗ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਬਿੱਗ ਬੌਸ ਮਰਾਠੀ ਸੀਜ਼ਨ 2 ਦਾ ਜੇਤੂ ਬਣਿਆ ਅਤੇ 2022 ਵਿੱਚ ਬਿੱਗ ਬੌਸ 17 ਵਿੱਚ ਸ਼ਿਰਕਤ ਕੀਤੀ, ਜਿੱਥੇ ਦਰਸ਼ਕਾਂ ਨੇ ਉਸਨੂੰ ਬੇਹੱਦ ਪਸੰਦ ਕੀਤਾ। ਹਾਲ ਹੀ ਵਿੱਚ ਸ਼ਿਵ ਨੇ ਆਪਣਾ ਖੁਦ ਦਾ ਡੀਓਡੋਰੈਂਟ ਬ੍ਰਾਂਡ ਵੀ ਲਾਂਚ ਕੀਤਾ ਹੈ, ਜਿਸ ਨਾਲ ਉਸਨੇ ਉਦਯੋਗਿਕ ਖੇਤਰ ਵਿੱਚ ਵੀ ਕਦਮ ਰੱਖਿਆ ਹੈ।
Get all latest content delivered to your email a few times a month.
