ਤਾਜਾ ਖਬਰਾਂ
ਭਾਰਤੀ ਸਪਿਨਰ ਵਰੁਣ ਚੱਕਰਵਰਤੀ ਨੇ ਇਤਿਹਾਸ ਰਚ ਦਿੱਤਾ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ICC) ਵੱਲੋਂ ਜਾਰੀ ਤਾਜ਼ਾ T20 ਰੈਂਕਿੰਗ ਵਿੱਚ ਉਹ 733 ਅੰਕਾਂ ਨਾਲ ਸਿਖਰ 'ਤੇ ਪਹੁੰਚ ਗਏ ਹਨ। ਇਸ ਤਰ੍ਹਾਂ ਉਹ ਜਸਪ੍ਰੀਤ ਬੁਮਰਾਹ ਅਤੇ ਰਵੀ ਬਿਸ਼ਨੋਈ ਤੋਂ ਬਾਅਦ ਨੰਬਰ 1 ਦਾ ਦਰਜਾ ਹਾਸਲ ਕਰਨ ਵਾਲੇ ਸਿਰਫ਼ ਤੀਜੇ ਭਾਰਤੀ ਗੇਂਦਬਾਜ਼ ਬਣ ਗਏ ਹਨ। ਏਸ਼ੀਆ ਕੱਪ ਦੌਰਾਨ ਮਿਲੀ ਇਸ ਵੱਡੀ ਖੁਸ਼ਖਬਰੀ ਨੇ ਭਾਰਤੀ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਜਸ਼ਨ ਦਾ ਮੌਲ ਬਣਾਇਆ ਹੈ। ਖ਼ਾਸ ਗੱਲ ਇਹ ਹੈ ਕਿ ਵਰੁਣ ਤਾਮਿਲਨਾਡੂ ਤੋਂ ਆਉਣ ਵਾਲੇ ਪਹਿਲੇ ਖਿਡਾਰੀ ਹਨ ਜੋ T20 ਵਿੱਚ ਨੰਬਰ 1 ਗੇਂਦਬਾਜ਼ ਬਣੇ ਹਨ।
34 ਸਾਲਾ ਵਰੁਣ ਨੇ 2021 ਵਿੱਚ T20 ਅੰਤਰਰਾਸ਼ਟਰੀ ਡੈਬਿਊ ਕੀਤਾ ਸੀ ਅਤੇ ਹੁਣ ਤੱਕ 20 ਮੈਚਾਂ ਵਿੱਚ 6.83 ਦੀ ਕਿਫਾਇਤੀ ਇਕਾਨਮੀ ਰੇਟ ਨਾਲ 35 ਵਿਕਟਾਂ ਆਪਣੇ ਨਾਂ ਕੀਤੀਆਂ ਹਨ। ਉਨ੍ਹਾਂ ਦਾ ਸਭ ਤੋਂ ਸ਼ਾਨਦਾਰ ਪ੍ਰਦਰਸ਼ਨ 17 ਦੌੜਾਂ ਦੇ ਕੇ 5 ਵਿਕਟਾਂ ਲੈਣਾ ਹੈ, ਜੋ ਉਹ ਦੋ ਵਾਰ ਕਰ ਚੁੱਕੇ ਹਨ। ਪਿਛਲੇ 12 ਮਹੀਨਿਆਂ ਵਿੱਚ ਉਨ੍ਹਾਂ ਦੇ ਲਗਾਤਾਰ ਵਧੀਆ ਪ੍ਰਦਰਸ਼ਨ ਨੇ ਉਨ੍ਹਾਂ ਨੂੰ ਇਹ ਸਫਲਤਾ ਦਿਲਾਈ ਹੈ ਅਤੇ ਉਹ ਭਾਰਤੀ T20 ਟੀਮ ਦਾ ਇਕ ਅਟੂਟ ਹਿੱਸਾ ਬਣ ਗਏ ਹਨ।
ਵਰੁਣ ਦੀ ਸਫਲਤਾ ਨਾਲ ICC ਰੈਂਕਿੰਗ ਵਿੱਚ ਭਾਰਤੀ ਖਿਡਾਰੀਆਂ ਦਾ ਦਬਦਬਾ ਹੋਰ ਵਧਿਆ ਹੈ। ਇਸ ਸਮੇਂ ਟੈਸਟ ਗੇਂਦਬਾਜ਼ੀ ਵਿੱਚ ਜਸਪ੍ਰੀਤ ਬੁਮਰਾਹ, T20 ਵਿੱਚ ਵਰੁਣ ਚੱਕਰਵਰਤੀ, ਵਨਡੇ ਬੱਲੇਬਾਜ਼ੀ ਵਿੱਚ ਸ਼ੁਭਮਨ ਗਿੱਲ ਅਤੇ T20 ਬੱਲੇਬਾਜ਼ੀ ਵਿੱਚ ਅਭਿਸ਼ੇਕ ਸ਼ਰਮਾ ਨੰਬਰ 1 ਹਨ। ਇਸੇ ਤਰ੍ਹਾਂ ਆਲਰਾਊਂਡਰ ਸ਼੍ਰੇਣੀ ਵਿੱਚ ਟੈਸਟ ਵਿੱਚ ਰਵਿੰਦਰ ਜਡੇਜਾ ਅਤੇ T20 ਵਿੱਚ ਹਾਰਦਿਕ ਪਾਂਡਿਆ ਸਿਖਰ 'ਤੇ ਹਨ। ਟੀਮ ਰੈਂਕਿੰਗ ਵਿੱਚ ਵੀ ਭਾਰਤ ਵਨਡੇ ਅਤੇ T20 ਦੋਵਾਂ ਫਾਰਮੈਟਾਂ ਵਿੱਚ ਦੁਨੀਆ ਦੀ ਨੰਬਰ 1 ਟੀਮ ਹੈ।
Get all latest content delivered to your email a few times a month.
