ਇੰਡੋਨੇਸ਼ੀਆ ਦੇ ਜਵਾਲਾਮੁਖੀ ਵਿੱਚ ਵੱਡਾ ਧਮਾਕਾ, 18 ਕਿਲੋਮੀਟਰ ਤੱਕ ਫੈਲਿਆ ਮਲਬਾ

ਇੰਡੋਨੇਸ਼ੀਆ ਦੇ ਫਲੋਰਸ ਟਾਪੂ 'ਤੇ ਸਥਿਤ ਇੱਕ ਸਰਗਰਮ ਜਵਾਲਾਮੁਖੀ ਮਾਊਂਟ ਲੇਵੋਟੋਬੀ ਲਾਕੀ ਲਾਕੀ ਇੱਕ ਵਾਰ ਫਿਰ ਫਟ ਗਿਆ ਹੈ। ਇਸ ਫਟਣ ਦੌਰਾਨ, ਜਵਾਲਾਮੁਖੀ ਤੋਂ ਮਲਬੇ ਦੀ ਇੱਕ ਮੋਟੀ ਪਰਤ ਅਸਮਾਨ ਨੂੰ ਢੱਕ ਗਈ ਅਤੇ ਇਸਦੀ ਉਚਾਈ ਲਗਭਗ 18 ਕਿਲੋਮੀਟਰ ਹੋਣ ਦਾ ਅਨੁਮਾਨ ਹੈ। ਘਟਨਾ ਤੋਂ ਬਾਅਦ, ਸਥਾਨਕ ਪ੍ਰਸ਼ਾਸਨ ਅਤੇ ਭੂ-ਵਿਗਿਆਨਕ ਏਜੰਸੀਆਂ ਨੇ ਖੇਤਰ ਵਿੱਚ ਚੇਤਾਵਨੀ ਜਾਰੀ ਕੀਤੀ ਹੈ।

ਇੰਡੋਨੇਸ਼ੀਆ ਦੀ ਭੂ-ਵਿਗਿਆਨ ਅਤੇ ਜਵਾਲਾਮੁਖੀ ਨਿਗਰਾਨੀ ਏਜੰਸੀ (PVMBG) ਦੇ ਅਨੁਸਾਰ, ਫਟਣਾ ਇੰਨਾ ਸ਼ਕਤੀਸ਼ਾਲੀ ਸੀ ਕਿ ਬਲਦੇ ਬੱਦਲਾਂ ਅਤੇ ਇਸ ਤੋਂ ਨਿਕਲਣ ਵਾਲੀ ਸੁਆਹ ਨੇ ਆਲੇ-ਦੁਆਲੇ ਦੇ ਪਿੰਡਾਂ ਨੂੰ ਢੱਕ ਲਿਆ। ਹਾਲਾਂਕਿ ਹੁਣ ਤੱਕ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ, ਪਰ ਸਾਵਧਾਨੀ ਵਜੋਂ ਜਵਾਲਾਮੁਖੀ ਦੇ ਆਲੇ-ਦੁਆਲੇ 7 ਕਿਲੋਮੀਟਰ ਦੇ ਵਰਜਿਤ ਖੇਤਰ ਦਾ ਐਲਾਨ ਕੀਤਾ ਗਿਆ ਹੈ।

 ਜਿਕਰਯੋਗ ਹੈ ਕਿ ਮਾਊਂਟ ਲੇਵੋਟੋਬੀ ਲਾਕੀ ਲਾਕੀ ਵਿੱਚ ਵੀ 18 ਜੂਨ, 2025 ਨੂੰ ਇੱਕ ਵੱਡਾ ਵਿਸਫੋਟ ਹੋਇਆ ਸੀ, ਜਿਸ ਤੋਂ ਬਾਅਦ ਇਸਨੂੰ ਸਭ ਤੋਂ ਉੱਚੇ ਅਲਰਟ ਪੱਧਰ 'ਤੇ ਰੱਖਿਆ ਗਿਆ ਹੈ। ਇਹ ਜਵਾਲਾਮੁਖੀ ਪਹਿਲਾਂ ਵੀ ਕਈ ਵਾਰ ਫਟ ਚੁੱਕਾ ਹੈ। ਮਾਰਚ 2025 ਅਤੇ ਨਵੰਬਰ 2024 ਦੌਰਾਨ ਫਟਣ ਨਾਲ ਨੌਂ ਲੋਕ ਮਾਰੇ ਗਏ ਸਨ ਅਤੇ ਦਰਜਨਾਂ ਜ਼ਖਮੀ ਹੋਏ ਸਨ।