ਤਾਜਾ ਖਬਰਾਂ
ਭਾਰਤ ਨੇ ਚੀਨ ਦੇ ਸਰਕਾਰੀ ਨਿਊਜ਼ ਪਲੇਟਫਾਰਮ ਗਲੋਬਲ ਟਾਈਮਜ਼ ਦੇ ਐਕਸ (ਪਹਿਲਾਂ ਟਵਿੱਟਰ) ਖਾਤੇ 'ਤੇ ਪਾਬੰਦੀ ਲਗਾ ਦਿੱਤੀ ਹੈ, ਜੋ ਕਿ ਚੀਨ ਵੱਲੋਂ ਭਾਰਤ ਵਿਰੁੱਧ ਝੂਠਾ ਪ੍ਰਚਾਰ ਕਰਨ ਦੇ ਇਲਜ਼ਾਮਾਂ ਦੇ ਮੱਦੇਨਜ਼ਰ ਚੁੱਕਿਆ ਗਿਆ ਇੱਕ ਡਿਜੀਟਲ ਸਟ੍ਰਾਈਕ ਮੰਨੀ ਜਾ ਰਹੀ ਹੈ। ਇਹ ਕਦਮ ਪਾਕਿਸਤਾਨੀ ਮੀਡੀਆ ਵੱਲੋਂ ਭਾਰਤ ਦੇ ਆਪ੍ਰੇਸ਼ਨ ਸਿੰਦੂਰ ਤੌਰਾਨ ਰਾਫੇਲ ਜਹਾਜ਼ ਡੇਗੇ ਜਾਣ ਦੇ ਜੂਠੇ ਦਾਅਵਿਆਂ ਨੂੰ ਗਲੋਬਲ ਟਾਈਮਜ਼ ਵੱਲੋਂ ਪ੍ਰਸਾਰਿਤ ਕਰਨ ਤੋਂ ਬਾਅਦ ਚੁੱਕਿਆ ਗਿਆ। ਭਾਰਤੀ ਦੂਤਾਵਾਸ ਨੇ ਗਲੋਬਲ ਟਾਈਮਜ਼ ਨੂੰ ਸਖ਼ਤ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਅਜਿਹੀ ਗੁੰਮਰਾਹਕੁੰਨ ਜਾਣਕਾਰੀ ਪੋਸਟ ਕਰਨ ਤੋਂ ਪਹਿਲਾਂ ਤੱਥਾਂ ਦੀ ਜਾਂਚ ਕਰੋ। ਇਸ ਸਾਰੀ ਘਟਨਾ ਦੀ ਪੁਸ਼ਟੀ ਪੀਆਈਬੀ ਦੀ ਫੈਕਟ ਚੈੱਕ ਟੀਮ ਨੇ ਵੀ ਕੀਤੀ ਹੈ, ਜਿਸ ਨੇ ਵਾਇਰਲ ਹੋ ਰਹੀ ਤਸਵੀਰ ਨੂੰ 2021 ਦੇ ਮੋਗਾ (ਪੰਜਾਬ) ਵਿਖੇ ਹੋਏ ਮਿਗ-21 ਹਾਦਸੇ ਨਾਲ ਜੋੜਦਿਆਂ ਇਹ ਸਾਬਤ ਕੀਤਾ ਕਿ ਇਸਦਾ ਮੌਜੂਦਾ ਘਟਨਾਵਾਂ ਨਾਲ ਕੋਈ ਲੈਣਾ-ਦੇਣਾ ਨਹੀਂ।
Get all latest content delivered to your email a few times a month.
