ਯੂਟਿਊਬਰ ਦੇ ਘਰ ਗਰਨੇਡ ਹਮਲਾ ਕਰਨ ਵਾਲੇ ਮਾਸਟਰ ਮਾਇੰਡ ਦਾ ਐਨਕਾਊਂਟਰ

ਅੱਜ ਸਵੇਰੇ ਜਲੰਧਰ ਦਿਹਾਤੀ ਪੁਲਿਸ ਨੂੰ ਉਸ ਵੇਲੇ ਵੱਡੀ ਸਫ਼ਲਤਾ ਹਾਸਲ ਹੋਈ, ਜਦ ਪੁਲਿਸ ਨੇ ਬੀਤੇ ਦਿਨੀਂ ਯੂਟਿਊਬਰ ਰੋਜਰ ਸੰਧੂ ਦੇ ਘਰ ਗ੍ਰਨੇਡ ਹਮਲਾ ਕਰਨ ਵਾਲੇ ਮਾਸਟਰ ਮਾਇੰਡ ਦਾ ਐਨਕਾਊਂਟਰ ਕਰ ਦਿੱਤਾ। ਮਿਲੀ ਜਾਣਕਾਰੀ ਅਨੁਸਾਰ ਇਹ ਐਨਕਾਊਂਟਰ ਅੱਜ ਸਵੇਰੇ ਰਾਏਪੁਰ ਰਸੂਲਪੁਰ ਪੁਲੀ ਨੇੜੇ ਹੋਇਆ। ਐਨਕਾਊਂਟਰ ਹੋਣ ਮਗਰੋਂ ਜ਼ਖਮੀ ਹੋਏ ਦੋਸ਼ੀ ਨੂੰ ਪੁਲਿਸ ਨੇ ਤੁਰੰਤ ਹਸਪਤਾਲ ਦਾਖਲ ਕਰਵਾਇਆ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਐਨਕਾਊਂਟਰ ’ਚ ਜੋ ਦੋਸ਼ੀ ਜ਼ਖ਼ਮੀ ਹੋਇਆ ਉਹ ਹਰਿਆਣਾ ਦਾ ਦੱਸਿਆ ਜਾ ਰਿਹਾ ਹੈ। ਪੁਲਿਸ ਉਸ ਨੂੰ ਹਥਿਆਰਾਂ ਦੀ ਰਿਕਰਵਰੀ ਲਈ ਰਾਜਪੁਰ ਰਸੂਲਪੁਰ ਕੋਲ ਲੈ ਕੇ ਆਈ ਸੀ ਤਾਂ ਉਸ ਨੇ ਪੁਲਿਸ ’ਤੇ ਫ਼ਾਇਰਿੰਗ ਕਰਨ ਦੀ ਕੋਸ਼ਿਸ਼ ਕੀਤੀ। ਜਵਾਬੀ ਕਾਰਵਾਈ ਵਿਚ ਪੁਲਿਸ ਨੇ ਵੀ ਗੋਲੀਬਾਰੀ ਕਰ ਦਿੱਤੀ।