🔵 ਵੱਡੀ ਲਾਪਰਵਾਹੀ# ਹਰਿਆਣਾ 'ਚ 10ਵੀਂ ਬੋਰਡ ਗਣਿਤ ਦਾ ਪੇਪਰ ਹੋਇਆ ਲੀਕ, ਨਕਲ ਕਰਵਾਉਣ ਲਈ ਛੱਤਾਂ ਤੇ ਕੰਧਾਂ 'ਤੇ ਚੜ੍ਹੇ

ਸੋਣੀਪਤ- ਹਰਿਆਣਾ 'ਚ ਅੱਜ (28 ਫਰਵਰੀ) 10ਵੀਂ ਦੀ ਬੋਰਡ ਪ੍ਰੀਖਿਆ ਦੇ ਪਹਿਲੇ ਦਿਨ ਗਣਿਤ ਦਾ ਪੇਪਰ ਰਿਹਾ। ਪੇਪਰ ਸ਼ੁਰੂ ਹੋਣ ਤੋਂ ਮਹਿਜ਼ 15 ਮਿੰਟ ਬਾਅਦ ਹੀ ਐਨਡੀਐਮ ਪਬਲਿਕ ਸਕੂਲ ਪੁਨਹਾਣਾ ਵਿੱਚ ਬਣਾਏ ਗਏ ਪ੍ਰੀਖਿਆ ਕੇਂਦਰ ਵਿੱਚੋਂ ਪੇਪਰ ਲੀਕ ਹੋ ਗਿਆ। ਇਸ ਤੋਂ ਬਾਅਦ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਪੁਨਹਾਣਾ ਦਾ ਵੀ ਪੇਪਰ ਆਉਟ ਹੋ ਗਿਆ ਹੈ।

 ਨੂਹ ਅਤੇ ਪੁਨਹਾਨਾ ਵਿੱਚ ਵਿਦਿਆਰਥੀ ਨੂੰ ਨਕਲ ਕਰਵਾਉਣ ਲਈ ਲੋਕ ਪਰਚੀਆਂ ਸੁੱਟਣ ਲਈ ਛੱਤਾਂ ਅਤੇ ਕੰਧਾਂ 'ਤੇ ਚੜ੍ਹ ਗਏ। ਕਈ ਥਾਵਾਂ 'ਤੇ ਪੁਲਿਸ ਅਤੇ ਅਧਿਆਪਕਾਂ ਦੀ ਮੌਜੂਦਗੀ 'ਚ ਨੌਜਵਾਨਾਂ ਨੇ ਪ੍ਰੀਖਿਆ ਕੇਂਦਰ ਦੇ ਅੰਦਰ ਪਰਚੀਆਂ ਸੁੱਟੀਆਂ। ਉਥੇ ਹੀ ਸੋਨੀਪਤ 'ਚ ਮਹਿਲਾ ਅਧਿਆਪਕਾਂ ਨੇ ਵਟਸਐਪ 'ਤੇ ਪੇਪਰ ਲੈਣ ਤੋਂ ਬਾਅਦ ਪੇਪਰ ਹੱਲ ਕੀਤਾ ਅਤੇ ਪਰਚੀਆਂ ਵਿਦਿਆਰਥੀਆਂ ਰਾਹੀਂ ਪ੍ਰੀਖਿਆ ਕੇਂਦਰ ਦੇ ਅੰਦਰ ਭੇਜ ਦਿੱਤੀਆਂ।

ਦੱਸ ਦੇਈਏ ਕਿ 10ਵੀਂ ਦੀ ਪ੍ਰੀਖਿਆ 12:30 ਵਜੇ ਸ਼ੁਰੂ ਹੋਈ ਅਤੇ 3:30 ਵਜੇ ਤੱਕ ਚੱਲੀ। ਪ੍ਰੀਖਿਆ ਵਿੱਚ ਕੁੱਲ 2 ਲੱਖ 93 ਹਜ਼ਾਰ 395 ਵਿਦਿਆਰਥੀ ਬੈਠੇ ਸਨ। ਇਨ੍ਹਾਂ ਲਈ, ਬੋਰਡ ਨੇ ਕੁੱਲ 1431 ਪ੍ਰੀਖਿਆ ਕੇਂਦਰ ਬਣਾਏ ਹਨ। ਮੇਓ ਹਾਈ ਸਕੂਲ ਨੂਹ 'ਚ ਚੱਲ ਰਹੀ ਪ੍ਰੀਖਿਆ ਦੌਰਾਨ ਛੱਤਾਂ 'ਤੇ ਚੜ੍ਹੇ ਲੋਕ। ਇਸੇ ਤਰ੍ਹਾਂ ਪੁਨਹਾਣਾ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਵਿੱਚ ਵੀ ਨੌਜਵਾਨ ਕੰਧਾਂ ’ਤੇ ਚੜ੍ਹ ਗਏ।ਮਾਡਰਨ ਹਾਈ ਸਕੂਲ ਵਿੱਚ, ਨੌਜਵਾਨਾਂ ਨੇ ਖਿੜਕੀਆਂ ਦੀ ਵਰਤੋਂ  ਕਲਾਸ ਰੂਮਾਂ ਤੱਕ ਪਰਚੀ ਲੈ ਕੇ ਗਏ। ਫੈਜ਼ਮ ਮਾਡਰਨ ਹਾਈ ਸਕੂਲ ਪੁਨਹਾਣਾ ਵਿੱਚ ਨੌਜਵਾਨਾਂ ਨੇ ਪੁਲੀਸ ਅਤੇ ਅਧਿਆਪਕਾਂ ਦੀ ਹਾਜ਼ਰੀ ਵਿੱਚ ਛੱਤ ਤੋਂ ਪਰਚੇ ਸੁੱਟੇ। ਇਸ ਤੋਂ ਬਾਅਦ ਵਿਦਿਆਰਥਣਾਂ ਪਰਚੀਆਂ ਚੁੱਕ ਕੇ ਪ੍ਰੀਖਿਆ ਕੇਂਦਰ ਦੇ ਅੰਦਰ ਚਲੀਆਂ ਗਈਆਂ।