🟠 ਅਮਰੀਕਾ ਦੇ ਰਾਸ਼ਟਰਪਤੀ ਟਰੰਪ ਨੇ ਸਭ ਤੋਂ ਵੱਡੇ ਫੌਜੀ ਅਧਿਕਾਰੀ ਦੀ ਕੀਤੀ ਛੁੱਟੀ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸੱਤਾ 'ਚ ਆਉਣ ਨਾਲ ਅਮਰੀਕਾ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ। ਇਸ ਦੇ ਨਾਲ ਰਾਸ਼ਟਰਪਤੀ ਟਰੰਪ ਨੇ ਸ਼ੁੱਕਰਵਾਰ ਰਾਤ ਅਚਾਨਕ ਅਮਰੀਕਾ ਦੇ ਚੋਟੀ ਦੇ ਫੌਜੀ ਅਧਿਕਾਰੀ ਨੂੰ ਹਟਾ ਦਿੱਤਾ। ਇਸ ਅਫਸਰ ਦਾ ਨਾਂ ਚਾਰਲਸ ਸੀ.ਕਿਊ. ਬ੍ਰਾਊਨ ਜੂਨੀਅਰ ਹੈ, ਜੋ ਫੌਜ ਦੇ ਜੁਆਇੰਟ ਚੀਫ ਆਫ ਸਟਾਫ (ਜੇਸੀਐਸ) ਦੇ ਚੇਅਰਮੈਨ ਸਨ।JCS ਅਮਰੀਕੀ ਰੱਖਿਆ ਵਿਭਾਗ ਦੇ ਸਭ ਤੋਂ ਸੀਨੀਅਰ ਫੌਜੀ ਨੇਤਾਵਾਂ ਦਾ ਇੱਕ ਸਮੂਹ ਹੈ। ਇਹ ਸਮੂਹ ਰਾਸ਼ਟਰਪਤੀ, ਰੱਖਿਆ ਸਕੱਤਰ, ਹੋਮਲੈਂਡ ਸਕਿਓਰਿਟੀ ਕੌਂਸਲ ਅਤੇ ਰਾਸ਼ਟਰੀ ਸੁਰੱਖਿਆ ਕੌਂਸਲ ਨੂੰ ਫੌਜੀ ਮਾਮਲਿਆਂ 'ਤੇ ਸਲਾਹ ਦਿੰਦਾ ਹੈ।

ਜ਼ਿਕਰਯੋਗ ਹਰ ਕਿ CQ ਬ੍ਰਾਊਨ ਨੇ 2020 ਵਿੱਚ ਬਲੈਕ ਲਾਈਵਜ਼ ਮੈਟਰ ਅੰਦੋਲਨ ਦਾ ਜਨਤਕ ਤੌਰ 'ਤੇ ਸਮਰਥਨ ਕੀਤਾ। ਇਹ ਅੰਦੋਲਨ ਕਾਲੇ ਜਾਰਜ ਫਲਾਇਡ ਦੇ ਕਤਲ ਤੋਂ ਬਾਅਦ ਸ਼ੁਰੂ ਹੋਇਆ ਸੀ। CQ ਉਸ ਸਮੇਂ ਏਅਰ ਫੋਰਸ ਦੇ ਚੀਫ ਆਫ ਸਟਾਫ ਸਨ।ਉਸ ਸਮੇਂ ਟਰੰਪ ਰਾਸ਼ਟਰਪਤੀ ਦੇ ਅਹੁਦੇ 'ਤੇ ਸਨ। ਇਸ ਅੰਦੋਲਨ ਦੀ 2020 ਦੀਆਂ ਚੋਣਾਂ ਵਿੱਚ ਟਰੰਪ ਦੀ ਹਾਰ ਵਿੱਚ ਵੱਡੀ ਭੂਮਿਕਾ ਮੰਨੀ ਜਾਂਦੀ ਹੈ।

ਟਰੰਪ ਨੇ ਬ੍ਰਾਊਨ ਦੀ ਥਾਂ ਸੇਵਾਮੁਕਤ ਏਅਰਫੋਰਸ ਜਨਰਲ ਡੈਨ ਕੇਨ ਨੂੰ ਜੇਸੀਐਸ ਦਾ ਚੇਅਰਮੈਨ ਬਣਾਇਆ ਹੈ । ਟਰੰਪ ਅਤੇ ਡੈਨ ਕੇਨ ਦੀ ਮੁਲਾਕਾਤ 2018 ਵਿੱਚ ਇਰਾਕ ਵਿੱਚ ਹੋਈ ਸੀ। ਉਦੋਂ ਕੇਨ ਨੇ ਕਿਹਾ ਸੀ ਕਿ ਉਹ ਟਰੰਪ ਲਈ ਆਪਣੀ ਜਾਨ ਵੀ ਕੁਰਬਾਨ ਕਰ ਸਕਦਾ ਹੈ।ਟਰੰਪ ਨੇ ਬਿਡੇਨ ਸਰਕਾਰ 'ਤੇ ਦੋਸ਼ ਲਗਾਇਆ - ਡੈਨ ਕੇਨ ਨੂੰ ਇਸ ਲਈ ਪ੍ਰਮੋਟ ਨਹੀਂ ਕੀਤਾ ਗਿਆ ਕਿਉਂਕਿ ਉਹ ਮੇਰੇ ਕਰੀਬ ਸੀ। ਉਹ 4 ਸਟਾਰ ਅਫਸਰ ਬਣਨ ਦੇ ਕਾਬਲ ਸੀ।