ਡੋਨਾਲਡ ਟਰੰਪ ਨੇ ਅਮਰੀਕਾ ਦੇ 47ਵੇਂ ਰਾਸ਼ਟਰਪਤੀ ਵਜੋਂ ਚੁੱਕੀ ਸਹੁੰ, ਦੇਖੋ ਤਸਵੀਰਾਂ

ਡੋਨਾਲਡ ਟਰੰਪ ਨੇ ਅਮਰੀਕਾ ਦੇ 47ਵੇਂ ਰਾਸ਼ਟਰਪਤੀ ਵਜੋਂ ਸਹੁੰ ਚੁੱਕਣ ਤੋਂ ਬਾਅਦ ਕਈ ਰਿਕਾਰਡ ਟੁੱਟ ਗਏ ਹਨ। ਉਨ੍ਹਾਂ ਨੇ ਇਨਡੋਰ ਸਮਾਰੋਹ ਵਿੱਚ ਸਹੁੰ ਚੁੱਕੀ, ਜੋ ਅਮਰੀਕੀ ਇਤਿਹਾਸ ਵਿੱਚ ਦੂਜੀ ਵਾਰ ਹੋਇਆ। ਕੜਾਕੇ ਦੀ ਠੰਡ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਹੈ। ਅਮਰੀਕਾ 'ਚ ਕੜਾਕੇ ਦੀ ਠੰਡ ਦੇ ਬਾਵਜੂਦ ਉਨ੍ਹਾਂ ਦੇ ਸਮਰਥਕ ਵਾਸ਼ਿੰਗਟਨ ਡੀਸੀ ਪਹੁੰਚੇ, ਜਿੱਥੇ ਉਹ ਟਰੰਪ ਦੇ ਸਮਰਥਨ 'ਚ ਆਤਿਸ਼ਬਾਜ਼ੀ ਚਲਾ ਰਹੇ ਹਨ।  

ਡੋਨਾਲਡ ਟਰੰਪ ਫਲੋਰੀਡਾ ਤੋਂ ਵਿਸ਼ੇਸ਼ ਜਹਾਜ਼ ਰਾਹੀਂ ਆਪਣੇ ਪਰਿਵਾਰ ਨਾਲ ਵਾਸ਼ਿੰਗਟਨ ਪਹੁੰਚੇ। ਉਨ੍ਹਾਂ ਦੀ ਫਲਾਈਟ ਦਾ ਨਾਂ ਸਪੈਸ਼ਲ ਏਅਰ ਮਿਸ਼ਨ-47 ਰੱਖਿਆ ਗਿਆ ਕਿਉਂਕਿ ਉਹ ਅਮਰੀਕਾ ਦੇ 47ਵੇਂ ਰਾਸ਼ਟਰਪਤੀ ਹਨ। ਇਸ ਕਾਰਨ ਉਸ ਦੀ ਉਡਾਣ ਦਾ ਨਾਂ ਮਿਸ਼ਨ-47 ਰੱਖਿਆ ਗਿਆ।

ਭਾਰਤੀ ਸਮੇਂ ਮੁਤਾਬਕ ਸੋਮਵਾਰ ਰਾਤ 10:30 ਵਜੇ ਉਨ੍ਹਾਂ ਨੇ ਸਹੁੰ ਚੁੱਕੀ। ਸਹੁੰ ਚੁੱਕ ਸਮਾਗਮ ਤੋਂ ਤਿੰਨ ਘੰਟੇ ਪਹਿਲਾਂ ਸੇਂਟ ਜੌਹਨ ਚਰਚ ਵਿੱਚ ਇੱਕ ਸਰਵਿਸ ਰੱਖੀ ਗਈ, ਜਿੱਥੇ ਡੋਨਾਲਡ ਟਰੰਪ ਪਤਨੀ ਮੇਲਾਨੀਆ ਨਾਲ ਪਹੁੰਚੇ। ਸਰਵਿਸ ਤੋਂ ਬਾਅਦ ਟਰੰਪ ਵ੍ਹਾਈਟ ਹਾਊਸ ਪਹੁੰਚੇ, ਜਿੱਥੇ ਸਾਬਕਾ ਰਾਸ਼ਟਰਪਤੀ ਜੋ ਬਿਡੇਨ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇੱਥੋਂ ਦੋਵੇਂ ਇੱਕੋ ਕਾਰ ਵਿੱਚ ਕੈਪੀਟਲ ਹਿੱਲ ਪਹੁੰਚੇ।

ਦੂਜੀ ਵਾਰ ਅਮਰੀਕਾ ਦੀ ਫਸਟ ਲੇਡੀ ਬਣੀ ਮੇਲਾਨੀਆ ਟਰੰਪ ਦਾ ਸਟਾਈਲ ਕਾਫੀ ਚਰਚਾ 'ਚ ਰਿਹਾ। ਉਸਨੇ ਨੀਲੇ ਓਵਰਕੋਟ ਦੇ ਨਾਲ ਇੱਕ ਨੀਲੀ ਅਤੇ ਚਿੱਟੀ ਟੋਪੀ ਪਾਈ ਸੀ। ਸਹੁੰ ਚੁੱਕਣ ਤੋਂ ਪਹਿਲਾਂ ਟਰੰਪ ਨੇ ਮੇਲਾਨੀਆ ਨੂੰ ਕਿਸ ਕੀਤੀ  ਅਤੇ ਸਹੁੰ ਦੌਰਾਨ ਮੇਲਾਨੀਆ ਬਾਈਬਲ ਲੈ ਕੇ ਟਰੰਪ ਦੇ ਕੋਲ ਖੜ੍ਹੀ ਰਹੀ, ਹਾਲਾਂਕਿ ਟਰੰਪ ਨੇ ਬਾਈਬਲ 'ਤੇ ਹੱਥ ਰੱਖੇ ਬਿਨਾਂ ਹੀ ਸਹੁੰ ਚੁੱਕੀ।