ਤਾਜਾ ਖਬਰਾਂ
.
ਰੋਹਤਕ- ਹਰਿਆਣਾ ਦੇ ਬਾਲੀਵੁੱਡ ਅਦਾਕਾਰ ਜੈਦੀਪ ਅਹਲਾਵਤ ਦੇ ਪਿਤਾ ਦਯਾਨੰਦ ਅਹਲਾਵਤ ਦਾ ਅੱਜ (15 ਜਨਵਰੀ) ਉਨ੍ਹਾਂ ਦੇ ਜੱਦੀ ਪਿੰਡ ਵਿੱਚ ਅੰਤਿਮ ਸੰਸਕਾਰ ਕਰ ਦਿੱਤਾ ਗਿਆ। ਇਸ ਦੌਰਾਨ ਉਨ੍ਹਾਂ ਨੂੰ ਅੰਤਿਮ ਵਿਦਾਈ ਦੇਣ ਲਈ ਰੋਹਤਕ ਦੇ ਪਿੰਡ ਖਰਕੜਾ ਵਿੱਚ ਪਿੰਡ ਦੇ ਲੋਕ ਵੀ ਮੌਜੂਦ ਸਨ। ਜੈਦੀਪ ਨੇ ਹੀ ਆਪਣੇ ਪਿਤਾ ਦੀ ਚਿਖਾ ਨੂੰ ਅਗਨ ਭੇਟ ਕੀਤਾ। ਉਨ੍ਹਾਂ ਦੇ ਪਿਤਾ ਦਯਾਨੰਦ ਦਾ ਸੋਮਵਾਰ ਰਾਤ ਨੂੰ 75 ਸਾਲ ਦੀ ਉਮਰ 'ਚ ਮੁੰਬਈ 'ਚ ਉਮਰ ਸੰਬੰਧੀ ਬੀਮਾਰੀ ਕਾਰਨ ਦੇਹਾਂਤ ਹੋ ਗਿਆ।
ਜੈਦੀਪ ਅਹਲਾਵਤ ਅਤੇ ਉਸਦੇ ਪਿਤਾ ਦਯਾਨੰਦ ਅਹਲਾਵਤ ਦਾ ਰਿਸ਼ਤਾ ਬਹੁਤ ਖਾਸ ਸੀ। ਪਿਛਲੇ ਇੱਕ ਇੰਟਰਵਿਊ ਵਿੱਚ ਜੈਦੀਪ ਨੇ ਦੱਸਿਆ ਸੀ ਕਿ ਉਸਦੇ ਮਾਤਾ-ਪਿਤਾ ਦੋਵੇਂ ਸੇਵਾਮੁਕਤ ਅਧਿਆਪਕ ਸਨ। ਉਨ੍ਹਾਂ ਨੇ ਆਪਣੇ ਪਿਤਾ ਦੇ ਸਹਿਯੋਗ ਨੂੰ ਯਾਦ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੇ ਪਿਤਾ ਨੇ ਅਦਾਕਾਰੀ ਦੇ ਖੇਤਰ ਵਿਚ ਆਪਣਾ ਕਰੀਅਰ ਬਣਾਉਣ ਲਈ ਹਰ ਕਦਮ 'ਤੇ ਉਸ ਦਾ ਸਾਥ ਦਿੱਤਾ।
'ਗੱਬਰ ਇਜ਼ ਬੈਕ' ਅਤੇ 'ਗੈਂਗਸ ਆਫ ਵਾਸੇਪੁਰ' ਵਰਗੀਆਂ ਬਾਲੀਵੁੱਡ ਫਿਲਮਾਂ ਤੋਂ ਇਲਾਵਾ ਜੈਦੀਪ ਅਹਲਾਵਤ ਨੇ 'ਪਾਤਾਲ ਲੋਕ' ਵੈੱਬ ਸੀਰੀਜ਼ 'ਚ ਆਪਣੀ ਅਦਾਕਾਰੀ ਨਾਲ ਕਾਫੀ ਸੁਰਖੀਆਂ ਬਟੋਰੀਆਂ ਸਨ।
Get all latest content delivered to your email a few times a month.