🟣 ਚੰਡੀਗੜ੍ਹ 'ਚ ਸਤਿੰਦਰ ਸਰਤਾਜ ਦਾ ਲਾਈਵ ਕੰਸਰਟ, ਸੂਫ਼ੀ ਅੰਦਾਜ ਨਾਲ ਕਰਨਗੇ ਨਵੇਂ ਸਾਲ ਦਾ ਆਗਜ

.

ਚੰਡੀਗੜ੍ਹ- ਅੱਜ ਸਾਲ 2024 ਦਾ ਆਖਰੀ ਦਿਨ ਹੈ। ਅੱਜ ਰਾਤ ਹਰਿਆਣਾ, ਪੰਜਾਬ, ਚੰਡੀਗੜ੍ਹ, ਹਿਮਾਚਲ ਸਮੇਤ ਦੇਸ਼ ਭਰ ਵਿੱਚ ਨਵਾਂ ਸਾਲ ਮਨਾਇਆ ਜਾਵੇਗਾ। ਪਾਣੀਪਤ 'ਚ ਪੰਜਾਬੀ ਗਾਇਕ ਦਿਲਨੂਰ, ਲੁਧਿਆਣਾ 'ਚ ਦਿਲਜੀਤ ਦੋਸਾਂਝ ਅਤੇ ਚੰਡੀਗੜ੍ਹ 'ਚ ਸਤਿੰਦਰ ਸਰਜਾਤ ਦੇ ਲਾਈਵ ਕੰਸਰਟ ਹੋਣਗੇ। ਸ਼ਿਮਲਾ ਦੇ ਰਿਜ 'ਤੇ ਰਾਤ ਨੂੰ ਵੀ ਜਸ਼ਨ ਮਨਾਇਆ ਜਾਵੇਗਾ। ਇਸ ਤੋਂ ਇਲਾਵਾ ਕਲੱਬਾਂ ਅਤੇ ਹੋਟਲਾਂ ਵਿੱਚ ਵੀ ਪ੍ਰੋਗਰਾਮ ਹੋਣਗੇ। ਲਾਈਵ ਕੰਸਰਟ ਤੋਂ ਲੈ ਕੇ ਬਰਫ ਕਾਰਨੀਵਲ ਤੱਕ ਥੀਮ ਵਾਲੀਆਂ ਪਾਰਟੀਆਂ ਹਰ ਜਗ੍ਹਾ ਆਯੋਜਿਤ ਕੀਤੀਆਂ ਗਈਆਂ ਹਨ।

ਸੂਫੀ ਗਾਇਕ ਸਤਿੰਦਰ ਸਰਤਾਜ ਚੰਡੀਗੜ੍ਹ ਵਿੱਚ ਲਾਈਵ ਸ਼ੋਅ ਕਰਨਗੇ। ਉਨ੍ਹਾਂ ਦਾ ਪ੍ਰੋਗਰਾਮ ਓਮੈਕਸ ਨਿਊ ਚੰਡੀਗੜ੍ਹ ਵਿਖੇ ਰਾਤ 9 ਵਜੇ ਸ਼ੁਰੂ ਹੋਵੇਗਾ। ਸ਼ੋਅ 'ਚ ਕਰੀਬ 40 ਹਜ਼ਾਰ ਲੋਕਾਂ ਦੇ ਆਉਣ ਦੀ ਉਮੀਦ ਹੈ। ਥਾਣਾ ਮੁੱਲਾਂਪੁਰ ਪੁਲਿਸ ਨੇ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਹਨ ਤਾਂ ਜੋ ਕੋਈ ਅਣਸੁਖਾਵੀਂ ਘਟਨਾ ਨਾ ਵਾਪਰੇ। ਹਾਲ ਹੀ ਵਿੱਚ ਕਰਨ ਔਜਲਾ, ਦਿਲਜੀਤ ਦੋਸਾਂਝ ਅਤੇ ਏਪੀ ਢਿੱਲੋਂ ਨੇ ਚੰਡੀਗੜ੍ਹ ਵਿੱਚ ਲਾਈਵ ਕੰਸਰਟ ਕੀਤਾ। ਸਾਰੇ ਸਮਾਗਮਾਂ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕਾਂ ਨੇ ਸ਼ਿਰਕਤ ਕੀਤੀ।