ਤਾਜਾ ਖਬਰਾਂ
..
ਨਵੀਂ ਦਿੱਲੀ- ਦਿੱਲੀ ਨਗਰ ਨਿਗਮ ਮੇਅਰ ਚੋਣਾਂ 'ਚ ਆਮ ਆਦਮੀ ਪਾਰਟੀ (ਆਪ) ਦੇ ਉਮੀਦਵਾਰ ਮਹੇਸ਼ ਕੁਮਾਰ ਖਿਚੀ ਨੇ ਮੇਅਰ ਦੀ ਚੋਣ ਜਿੱਤ ਲਈ ਹੈ, ਲੰਬੇ ਸਮੇਂ ਤੋਂ ਦੇਰੀ ਨਾਲ ਹੋਈਆਂ ਚੋਣਾਂ ਲਈ ਦਿੱਲੀ 'ਚ ਅੱਜ ਵੀਰਵਾਰ ਨੂੰ ਵੋਟਿੰਗ ਹੋਈ। ਕਰੋਲ ਬਾਗ ਦੇ ਦੇਵ ਨਗਰ ਤੋਂ ‘ਆਪ’ ਦੇ ਕੌਂਸਲਰ ਖਿਚੀ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਕਿਸ਼ਨ ਲਾਲ (ਸ਼ਕੂਰਪੁਰ ਵਾਰਡ) ਨੂੰ ਹਰਾਇਆ। ਕੁੱਲ 265 ਵੋਟਾਂ ਪੋਲ ਹੋਈਆਂ, ਜਿਨ੍ਹਾਂ ਵਿੱਚੋਂ ਦੋ ਨੂੰ “ਅਵੈਧ” ਕਰਾਰ ਦਿੱਤਾ ਗਿਆ। 'ਆਪ' ਉਮੀਦਵਾਰ ਨੂੰ 133 ਵੋਟਾਂ ਮਿਲੀਆਂ, ਜੋ ਭਾਜਪਾ ਦੇ ਉਮੀਦਵਾਰ ਨਾਲੋਂ ਸਿਰਫ਼ ਤਿੰਨ ਵੱਧ ਹਨ।ਭਾਜਪਾ ਦੇ ਉਮੀਦਵਾਰ ਕਿਸ਼ਨ ਲਾਲ ਨੂੰ ਕੁੱਲ 130 ਵੋਟਾਂ ਮਿਲੀਆਂ ਹਨ।
ਇਸ ਦੌਰਾਨ ਕਾਂਗਰਸ ਨੇ ਸਦਨ ਤੋਂ ਵਾਕਆਊਟ ਕਰ ਦਿੱਤਾ ਕਿਉਂਕਿ ਆਉਣ ਵਾਲੇ ਦਲਿਤ ਮੇਅਰ ਅਗਲੇ ਸਾਲ ਅਪ੍ਰੈਲ ਤੱਕ ਹੀ ਅਹੁਦਾ ਸੰਭਾਲਣਗੇ। ਹਾਲਾਂਕਿ ਕਾਂਗਰਸ ਦੇ ਅੱਠ ਕੌਂਸਲਰਾਂ ਵਿੱਚੋਂ ਇੱਕ ਨੇ ‘ਆਪ’ ਨੂੰ ਵੋਟ ਪਾਉਣ ਲਈ ਪਾਰਟੀ ਦੀ ਮੁੱਢਲੀ ਮੈਂਬਰਸ਼ਿਪ ਤੋਂ ਅਸਤੀਫਾ ਦੇ ਦਿੱਤਾ ਹੈ।
Get all latest content delivered to your email a few times a month.
