T-20 World Cup: ਭਾਰਤ ਦੇ ਗੇਂਦਬਾਜ਼ਾਂ ਨੇ ਕੀਤੀ ਕਮਾਲ, ਆਇਰਲੈਂਡ ਨੂੰ 96 ਦੌੜਾਂ 'ਤੇ ਆਲ ਆਊਟ

.

ਟੀ-20 ਵਿਸ਼ਵ ਕੱਪ 'ਚ ਟੀਮ ਇੰਡੀਆ ਨੂੰ ਆਪਣੇ ਪਹਿਲੇ ਮੈਚ 'ਚ 97 ਦੌੜਾਂ ਦਾ ਟੀਚਾ ਮਿਲਿਆ ਹੈ। ਨਿਊਯਾਰਕ ਦੇ ਨਸਾਓ ਇੰਟਰਨੈਸ਼ਨਲ ਕ੍ਰਿਕੇਟ ਮੈਦਾਨ 'ਤੇ, ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਆਇਰਲੈਂਡ ਨੂੰ ਬੱਲੇਬਾਜ਼ੀ ਲਈ ਭੇਜਿਆ।ਪਿੱਚ ਅਤੇ ਮੌਸਮ ਨੇ ਸਹਿਯੋਗ ਦਿੱਤਾ ਅਤੇ ਭਾਰਤੀ ਗੇਂਦਬਾਜ਼ਾਂ ਨੇ ਆਇਰਲੈਂਡ ਨੂੰ 96 ਦੌੜਾਂ 'ਤੇ ਆਲ ਆਊਟ ਕਰ ਦਿੱਤਾ। ਇਹ ਪਹਿਲੀ ਪਾਰੀ ਵਿੱਚ ਆਇਰਲੈਂਡ ਦਾ ਵਿਸ਼ਵ ਕੱਪ ਦਾ ਸਭ ਤੋਂ ਘੱਟ ਸਕੋਰ ਹੈ।

ਗੇਂਦਬਾਜ਼ੀ ਕਰਨ ਆਏ ਹਰ ਭਾਰਤੀ ਗੇਂਦਬਾਜ਼ ਨੂੰ ਸਫਲਤਾ ਮਿਲੀ। ਭਾਰਤੀ ਤੇਜ਼ ਗੇਂਦਬਾਜ਼ਾਂ ਨੇ 8 ਵਿਕਟਾਂ ਲਈਆਂ। ਆਲਰਾਊਂਡਰ ਹਾਰਦਿਕ ਪੰਡਯਾ ਨੇ 4 ਓਵਰਾਂ 'ਚ 3 ਤੇ ਅਰਸ਼ਦੀਪ ਨੇ 2 ਵਿਕਟਾਂ ਲਈਆਂ।

ਆਇਰਲੈਂਡ ਲਈ ਗੈਰੇਥ ਡਾਲਨੀ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਸ ਨੇ 25 ਦੌੜਾਂ ਦੀ ਪਾਰੀ ਖੇਡੀ। ਗਲੇਨੀ ਨੇ ਜੋਸ਼ੂਆ ਲਿਟਲ (14 ਦੌੜਾਂ) ਨਾਲ 9ਵੀਂ ਵਿਕਟ ਲਈ 27 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਹ ਆਇਰਲੈਂਡ ਦੀ ਸਭ ਤੋਂ ਵੱਡੀ ਸਾਂਝੇਦਾਰੀ ਵੀ ਬਣ ਗਈ।