IMG-LOGO
ਹੋਮ ਰਾਸ਼ਟਰੀ: ਰਾਜਸਥਾਨ ਦੇ ਝੁੰਝੁਨੂੰ ’ਚ ਵੱਡਾ ਹਾਦਸਾ, ਕਈ ਸੌ ਫੁੱਟ ਡੂੰਘੀ...

ਰਾਜਸਥਾਨ ਦੇ ਝੁੰਝੁਨੂੰ ’ਚ ਵੱਡਾ ਹਾਦਸਾ, ਕਈ ਸੌ ਫੁੱਟ ਡੂੰਘੀ ਖਾਣ ’ਚ ਫਸੇ 15 ਲੋਕ ,  8 ਲੋਕਾਂ ਨੂੰ ਕੱਢਿਆ ਬਾਹਰ

Admin User - May 15, 2024 12:11 PM
IMG

.....................

 


ਰਾਜਸਥਾਨ ਦੇ ਝੁੰਝਨੂ ‘ਚ ਕੋਲਿਹਾਨ ਖਾਨ ਹਾਦਸੇ ‘ਚ ਵੱਡਾ ਖੁਲਾਸਾ ਹੋਇਆ ਹੈ। ਬੀਤੀ ਰਾਤ ਹਿੰਦੁਸਤਾਨ ਕਾਪਰ ਲਿਮਟਿਡ (ਐਚਸੀਐਲ) ਦੀ ਖਾਣ ਵਿੱਚ ਲਿਫਟ ਮਸ਼ੀਨ 1800 ਫੁੱਟ ਹੇਠਾਂ ਡਿੱਗ ਗਈ ਸੀ, ਜਿਸ ਕਾਰਨ ਵਿਜੀਲੈਂਸ ਟੀਮ ਸਮੇਤ 15 ਅਧਿਕਾਰੀ ਲਿਫਟ ਦੇ ਅੰਦਰ ਹੀ ਫਸ ਗਏ ਸਨ। 8 ਲੋਕਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ। ਬਾਕੀ 7 ਲੋਕਾਂ ਨੂੰ ਬਚਾਉਣ ਦਾ ਕੰਮ ਅਜੇ ਵੀ ਜਾਰੀ ਹੈ। 150 ਮਜ਼ਦੂਰ ਅਜੇ ਵੀ ਖਾਨ ਅੰਦਰ ਫਸੇ ਹੋਏ ਹਨ।

ਪੁਲਸ ਨੇ ਦੱਸਿਆ ਕਿ ਬਾਹਰ ਕੱਢੇ ਗਏ 8 ‘ਚੋਂ ਤਿੰਨ ਦੀ ਹਾਲਤ ਨਾਜ਼ੁਕ ਹੈ, ਜਿਸ ਕਾਰਨ ਉਨ੍ਹਾਂ ਨੂੰ ਜੈਪੁਰ ਰੈਫਰ ਕਰ ਦਿੱਤਾ ਗਿਆ ਹੈ। ਡਾਕਟਰਾਂ ਦੀਆਂ ਟੀਮਾਂ ਐਮਰਜੈਂਸੀ ਲਈ ਪਹਿਲਾਂ ਹੀ ਤਿਆਰ ਸਨ। ਸਾਰੇ ਜ਼ਖਮੀਆਂ ਨੂੰ ਲਿਫਟ ਤੋਂ ਬਾਹਰ ਕੱਢਦੇ ਹੀ ਤੁਰੰਤ ਡਾਕਟਰੀ ਸਹਾਇਤਾ ਦਿੱਤੀ ਗਈ। ਐਸਪੀ ਨੇ ਦੱਸਿਆ ਕਿ 150 ਮਜ਼ਦੂਰਾਂ ਨੂੰ ਵੀ ਬਾਹਰ ਕੱਢਿਆ ਜਾਵੇਗਾ। ਪਰ ਜਦੋਂ ਤੱਕ ਲਿਫਟ ਵਿੱਚ ਫਸੇ ਲੋਕਾਂ ਨੂੰ ਬਾਹਰ ਨਹੀਂ ਕੱਢਿਆ ਜਾਂਦਾ ਉਦੋਂ ਤੱਕ 150 ਮਜ਼ਦੂਰਾਂ ਨੂੰ ਬਚਾਉਣਾ ਅਸੰਭਵ ਹੈ।

ਵਿਜੀਲੈਂਸ ਟੀਮ ਮੰਗਲਵਾਰ ਸ਼ਾਮ ਨੂੰ ਖਦਾਨ ਵਿੱਚ ਦਾਖਲ ਹੋਈ ਸੀ। ਖਾਨ ਤੋਂ ਨਿਕਲਦੇ ਸਮੇਂ ਰਾਤ ਕਰੀਬ 8:10 ਵਜੇ ਲਿਫਟ ਦੀ ਚੇਨ ਟੁੱਟ ਗਈ। ਜਿਸ ਕਾਰਨ ਲਿਫਟ ‘ਚ ਮੌਜੂਦ ਸਾਰੇ 15 ਲੋਕ ਇਸ ‘ਚ ਫਸ ਗਏ। ਇਸ ਖਾਨ ਵਿੱਚ 150 ਤੋਂ ਵੱਧ ਮਜ਼ਦੂਰ ਕੰਮ ਕਰ ਰਹੇ ਸਨ ਜਿੱਥੇ ਲਿਫਟ ਫਸ ਗਈ। ਇਸ ਲਿਫਟ ਹਾਦਸੇ ਕਾਰਨ ਇਹ ਸਾਰੇ ਵੀ ਖਾਨ ਦੇ ਅੰਦਰ ਹੀ ਫਸ ਗਏ।

ਹਿੰਦੁਸਤਾਨ ਕਾਪਰ ਲਿਮਟਿਡ ਦੁਆਰਾ 1967 ਵਿੱਚ ਇੱਥੇ ਤਾਂਬੇ ਦੀ ਮਾਈਨਿੰਗ ਸ਼ੁਰੂ ਕੀਤੀ ਗਈ ਸੀ। ਇੱਥੋਂ 24 ਮਿਲੀਅਨ ਟਨ ਧਾਤੂ ਕੱਢਿਆ ਗਿਆ ਹੈ। ਇਸ ਵਿੱਚੋਂ 16 ਮਿਲੀਅਨ ਟਨ ਦੀ ਖੁਦਾਈ ਹੋਣੀ ਬਾਕੀ ਹੈ।

Share:

ਸੰਪਾਦਕ ਦਾ ਡੈਸਕ

Parminder Singh

Editor

ਕੱਪੜ ਛਾਣ

Watch LIVE TV
Khabarwaale TV
Subscribe

Get all latest content delivered to your email a few times a month.