ਤਾਜਾ ਖਬਰਾਂ
ਮਸਕਟ-ਕੋਚੀ-ਦਿੱਲੀ ਤੋਂ ਉਡਾਣ ਭਰਨ ਵਾਲੀ ਇੰਡੀਗੋ ਫਲਾਈਟ 6E 2706 ਨੂੰ ਬੰਬ ਦੀ ਧਮਕੀ ਮਿਲੀ। ਸੁਰੱਖਿਆ ਪ੍ਰੋਟੋਕਾਲ ਦੇ ਤਹਿਤ ਤੁਰੰਤ ਕਾਰਵਾਈ ਕਰਦਿਆਂ, ਜਹਾਜ਼ ਦੀ ਨਾਗਪੁਰ ਹਵਾਈ ਅੱਡੇ 'ਤੇ ਐਮਰਜੈਂਸੀ ਲੈਂਡਿੰਗ ਕਰਵਾਈ ਗਈ। ਜਹਾਜ਼ ਲੈਂਡ ਹੋਣ ਤੋਂ ਬਾਅਦ, ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਢੰਗ ਨਾਲ ਬਾਹਰ ਕੱਢ ਲਿਆ ਗਿਆ। ਫਿਲਹਾਲ ਜਹਾਜ਼ ਦੀ ਪੂਰੀ ਜਾਂਚ ਜਾਰੀ ਹੈ। ਨਾਗਪੁਰ ਦੇ ਡੀਸੀਪੀ ਲੋਹਿਤ ਮਟਾਨੀ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਹੁਣ ਤੱਕ ਜਾਂਚ ਵਿੱਚ ਕੋਈ ਵੀ ਸ਼ੱਕੀ ਚੀਜ਼ ਨਹੀਂ ਮਿਲੀ ਹੈ, ਪਰ ਸੁਰੱਖਿਆ ਏਜੰਸੀਆਂ ਵਲੋਂ ਹੋਰ ਖੋਜ-ਬੀਨ ਕੀਤੀ ਜਾ ਰਹੀ ਹੈ।
ਇਸ ਦੇ ਨਾਲ ਹੀ, ਇੱਕ ਹੋਰ ਵੱਡੀ ਘਟਨਾ ਅਹਿਮਦਾਬਾਦ ਹਵਾਈ ਅੱਡੇ 'ਤੇ ਵਾਪਰੀ, ਜਿੱਥੇ ਏਅਰ ਇੰਡੀਆ ਦੀ ਲੰਡਨ ਲਈ ਜਾ ਰਹੀ ਫਲਾਈਟ AI 159 ਨੂੰ ਤਕਨੀਕੀ ਖਰਾਬੀ ਕਾਰਨ ਉਡਾਣ ਤੋਂ ਕੁਝ ਘੰਟੇ ਪਹਿਲਾਂ ਹੀ ਰੱਦ ਕਰ ਦਿੱਤਾ ਗਿਆ। ਇਹ ਉਡਾਣ ਅਸਲ ਵਿੱਚ 12 ਜੂਨ ਨੂੰ ਹੋਏ ਜਹਾਜ਼ ਹਾਦਸੇ ਤੋਂ ਬਾਅਦ ਪਹਿਲੀ ਉਡਾਣ ਸੀ, ਜਿਸਨੇ ਕਈ ਉਮੀਦਾਂ ਜਨਮ ਦਿੱਤੀਆਂ ਸਨ, ਪਰ ਤਕਨੀਕੀ ਸਮੱਸਿਆ ਨੇ ਫਿਰ ਯਾਤਰੀਆਂ ਦੀ ਨਿਰਾਸ਼ਾ ਵਧਾ ਦਿੱਤੀ। ਕੰਪਨੀ ਨੇ ਘੋਸ਼ਣਾ ਕੀਤੀ ਹੈ ਕਿ ਇਹ ਫਲਾਈਟ ਹੁਣ ਅਗਲੇ ਦਿਨ ਲਈ ਮੁੜ ਸ਼ਡਿਊਲ ਕੀਤੀ ਜਾਵੇਗੀ। ਉਡਾਣ ਰੱਦ ਹੋਣ ਕਾਰਨ, ਕਈ ਯਾਤਰੀਆਂ ਹਵਾਈ ਅੱਡੇ 'ਤੇ ਨਾਰਾਜ਼ ਅਤੇ ਪਰੇਸ਼ਾਨ ਦਿੱਖੇ।
ਇਹ ਗੱਲ ਵੀ ਉਲੇਖਣਯੋਗ ਹੈ ਕਿ 12 ਜੂਨ ਨੂੰ ਅਹਿਮਦਾਬਾਦ 'ਚ ਹੋਏ ਜਹਾਜ਼ ਹਾਦਸੇ ਤੋਂ ਬਾਅਦ, ਸਿਰਫ 3 ਦਿਨਾਂ ਵਿੱਚ ਏਅਰ ਇੰਡੀਆ ਦੀਆਂ ਤਿੰਨ ਉਡਾਣਾਂ ਰੱਦ ਹੋ ਚੁੱਕੀਆਂ ਹਨ। ਇਨ੍ਹਾਂ ਵਿੱਚ 17 ਜੂਨ ਦੀ ਇੱਕ ਹੋਰ ਫਲਾਈਟ ਵੀ ਸ਼ਾਮਿਲ ਹੈ, ਜੋ ਸੈਨ ਫਰਾਂਸਿਸਕੋ ਤੋਂ ਮੁੰਬਈ ਆ ਰਹੀ ਸੀ, ਪਰ ਤਕਨੀਕੀ ਖਰਾਬੀ ਦੇ ਚਲਦੇ ਕੋਲਕਾਤਾ ਹਵਾਈ ਅੱਡੇ 'ਤੇ ਐਮਰਜੈਂਸੀ ਲੈਂਡਿੰਗ ਕਰਵਾਈ ਗਈ।
ਇਨ੍ਹਾਂ ਦੋਹਾਂ ਘਟਨਾਵਾਂ ਨੇ ਦੁਬਾਰਾ ਹਵਾਈ ਸੁਰੱਖਿਆ ਅਤੇ ਤਕਨੀਕੀ ਤਿਆਰੀਆਂ 'ਤੇ ਸਵਾਲ ਖੜੇ ਕਰ ਦਿੱਤੇ ਹਨ। ਯਾਤਰੀਆਂ ਦੀ ਸੁਰੱਖਿਆ ਨੂੰ ਲੈ ਕੇ ਨਿਵੇਸ਼ਕ ਅਤੇ ਯਾਤਰੀ ਦੋਹਾਂ ਹੀ ਚਿੰਤਤ ਦਿਖ ਰਹੇ ਹਨ।
Get all latest content delivered to your email a few times a month.
