ਕੈਨੇਡਾ ਚੋਣਾਂ 'ਚ ਲੁਧਿਆਣਾ ਨੌਜਵਾਨ ਦੀ ਜਿੱਤ 'ਤੇ ਪ੍ਰੋ.ਗੁਰਭਜਨ ਗਿੱਲ ਨੇ ਦਿੱਤੀਆਂ ਮੁਬਾਰਕਾਂ

ਲੁਧਿਆਣਾ - ਕੈਨੇਡੀਅਨ ਪਾਰਲੀਮੈਂਟ ਚੋਣਾਂ ਵਿੱਚ ਪੰਜਾਬ ਦੇ ਲੁਧਿਆਣਾ ਤੋਂ ਸੁੱਖ ਧਾਲੀਵਾਲ ਛੇਵੀਂ ਵਾਰ (ਸੱਰੀ ਨਿਊਟਨ) ਬੀ ਸੀ ਤੋਂ ਮੈਂਬਰ ਪਾਰਲੀਮੈਂਟ ਬਣਿਆ ਹੈ, ਨੂੰ ਪ੍ਰੋ.ਗੁਰਭਜਨ ਗਿੱਲ ਨੇ ਮੁਬਾਰਕਾਂ ਦਿੱਤੀਆਂ ਹਨ। ਲਿਬਰਲ ਪਾਰਟੀ ਦਾ ਸ਼ਾਇਦ ਸਭ ਤੋਂ ਵੱਧ ਵਾਰ ਜੇਤੂ ਇਹੀ ਨੌਜਵਾਨ ਹੈ। ਲੁਧਿਆਣਾ ਦੇ ਪਿੰਡ ਸੂਜਾਪੁਰ(ਜਗਰਾਉਂ) ਦਾ ਜੰਮਪਲ ਸੁੱਖ ਗੁਰੂ ਨਾਨਕ ਇੰਜਨੀਰਿੰਗ ਕਾਲਿਜ ਦਾ ਪਾਸ ਆਊਟ ਹੈ। ਬੱਸ ਇਹੀ ਉਸ ਦੀ ਸਰਵੋਤਮ ਸ਼ਕਤੀ ਹੈ। ਪ੍ਰੋ.ਗੁਰਭਜਨ ਗਿੱਲ ਨੇ ਕਿਹਾ ਕਿ "ਪੰਜ ਸਾਲ ਪਹਿਲਾਂ ਸੁੱਖ ਨਾਲ ਇਹ ਤਸਵੀਰ ਗੁਰਦੁਆਰਾ ਸਰਾਭਾ ਨਗਰ ਲੁਧਿਆਣਾ ਵਿੱਚ ਹਰਪ੍ਰੀਤ ਸੰਧੂ ਦੇ ਪਰਿਵਾਰਕ ਸਮਾਗਮ ਦੀ ਹੈ। ਨਿੱਕੇ ਵੀਰ ਸੁੱਖ ਧਾਲੀਵਾਲ ਨੂੰ ਛੇਵੀਂ ਵਾਰ ਜਿੱਤਣ ਤੇ ਮੁਬਾਰਕ। ਮੈਨੂੰ ਮਾਣ ਹੈ ਕਿ ਉਹ ਮੇਰਾ ਵਿਸ਼ਵਾਸਯੋਗ ਪਿਆਰਾ ਵੀਰ ਹੈ। ਉਸ ਦੀ ਭਵਿੱਖ ਮੁਖੀ ਵਿਕਾਸ ਰੇਖਾ ਲਈ ਮੇਰੀ ਅਰਦਾਸ ਹੈ। "