ਤਾਜਾ ਖਬਰਾਂ
ਚੰਡੀਗੜ੍ਹ: ਪੰਜਾਬ-ਚੰਡੀਗੜ੍ਹ ਅਤੇ ਆਸ-ਪਾਸ ਦੇ ਸੂਬਿਆਂ 'ਚ ਕੱਲ ਯਾਨੀ 30 ਅਪ੍ਰੈਲ ਤੋਂ ਵੇਰਕਾ ਦਾ ਦੁੱਧ ਮਹਿੰਗਾ ਹੋ ਜਾਵੇਗਾ। ਵੇਰਕਾ ਨੇ ਆਪਣੇ ਦੁੱਧ ਦੀਆਂ ਕੀਮਤਾਂ ਵਿੱਚ 2 ਰੁਪਏ ਪ੍ਰਤੀ ਲੀਟਰ ਤੱਕ ਦਾ ਵਾਧਾ ਕੀਤਾ ਹੈ। ਇਸ ਨਾਲ ਲੋਕਾਂ ਦੀਆਂ ਜੇਬਾਂ 'ਤੇ ਮਹਿੰਗਾਈ ਦਾ ਹੋਰ ਬੋਝ ਪਵੇਗਾ। ਹਾਲਾਂਕਿ, ਵੇਰਕਾ ਵਲੋਂ ਕੁਝ ਸਮਾਂ ਪਹਿਲਾਂ ਵੀ ਕੀਮਤਾਂ ਵਿੱਚ ਵਾਧਾ ਕੀਤਾ ਗਿਆ ਸੀ। ਕੰਪਨੀ ਨੇ ਇਸ ਪਿੱਛੇ ਇਨਪੁਟ ਲਾਗਤ ਦਾ ਹਵਾਲਾ ਦਿੱਤਾ ਹੈ। ਵਧੀਆਂ ਦਰਾਂ ਦਾ ਅਸਰ ਸਿਰਫ਼ ਪੰਜਾਬ 'ਤੇ ਹੀ ਨਹੀਂ ਹੋਵੇਗਾ, ਸਗੋਂ ਚੰਡੀਗੜ੍ਹ, ਦਿੱਲੀ ਅਤੇ ਐਨਸੀਆਰ 'ਚ ਵੀ ਨਵੀਆਂ ਦਰਾਂ ਲਾਗੂ ਹੋਣਗੀਆਂ।
ਨਵੀਆਂ ਦਰਾਂ ਦੇ ਭਾਅ
• ਹੁਣ ਅੱਧਾ ਲੀਟਰ ਫੁੱਲ ਕਰੀਮ ਦੁੱਧ (FCM) ਹੁਣ 35 ਰੁਪਏ ਵਿੱਚ ਮਿਲੇਗਾ।
• ਵੇਰਕਾ ਸਟੈਂਡਰਡ ਮਿਲਕ (STD) ਅੱਧਾ ਲੀਟਰ 32 ਰੁਪਏ ਵਿੱਚ ਵਿਕੇਗਾ।
• ਵੇਰਕਾ ਟੋਨਡ ਮਿਲਕ (TM) ਅੱਧਾ ਲੀਟਰ 28 ਰੁਪਏ ਦੀ ਬਜਾਏ 29 ਰੁਪਏ ਵਿੱਚ ਵਿਕੇਗਾ।
• ਵੇਰਕਾ ਡਬਲ ਟੋਨਡ ਮਿਲਕ (ਡੀਟੀਐਮ) 26 ਰੁਪਏ ਵਿੱਚ ਵੇਚਿਆ ਜਾਵੇਗਾ।
• ਗਾਂ ਦਾ ਦੁੱਧ ਅੱਧਾ ਲੀਟਰ 30 ਰੁਪਏ ਵਿੱਚ ਵੇਚਿਆ ਜਾਵੇਗਾ।
Get all latest content delivered to your email a few times a month.
