🟠 21 ਦਿਨਾਂ ਦੀ ਫਰਲੋ 'ਤੇ ਆਏ ਰਾਮ ਰਹੀਮ ਨੇ ਸਿਰਸਾ ਡੇਰੇ ਪੁੱਜ ਕੇ ਵੀਡੀਓ ਕੀਤੀ ਜਾਰੀ, ਕਿਹਾ- ਫਿਰ ਤੋਂ ਤੁਹਾਡੀ ਸੇਵਾ ਵਿੱਚ ਹਾਜਰ ਹਾਂ

ਸਿਰਸਾ- ਹਰਿਆਣਾ ਦੇ ਰੋਹਤਕ ਦੀ ਸੁਨਾਰੀਆ ਜੇਲ੍ਹ ਵਿੱਚ ਬਲਾਤਕਾਰ ਅਤੇ ਕਤਲ ਕੇਸ ਵਿੱਚ 20 ਸਾਲ ਦੀ ਸਜ਼ਾ ਕੱਟ ਰਿਹਾ ਡੇਰਾ ਸਾਧ ਗੁਰਮੀਤ ਰਾਮ ਰਹੀਮ ਇੱਕ ਵਾਰ ਫਿਰ ਜੇਲ੍ਹ ਤੋਂ ਬਾਹਰ ਆ ਗਿਆ ਹੈ। ਉਸ ਨੂੰ 21 ਦਿਨਾਂ ਦੀ ਫਰਲੋ ਮਿਲੀ ਹੈ। ਇਸ ਦੌਰਾਨ ਰਾਮ ਰਹੀਮ 21 ਦਿਨਾਂ ਤੱਕ ਸਿਰਸਾ ਡੇਰੇ 'ਚ ਰਹੇਗਾ।ਉਹ ਬੁੱਧਵਾਰ ਸਵੇਰੇ ਕਰੀਬ 6.30 ਵਜੇ ਸਖ਼ਤ ਸੁਰੱਖਿਆ ਹੇਠ ਜੇਲ੍ਹ ਤੋਂ ਸਿਰਸਾ ਪਹੁੰਚਿਆ। ਇੱਥੋਂ ਹੀ ਰਾਮ ਰਹੀਮ ਨੇ ਵੀਡੀਓ ਜਾਰੀ ਕਰਕੇ ਕਿਹਾ - "ਮੈਂ ਫਿਰ ਤੋਂ ਸ਼ਰਧਾਲੂਆਂ ਦੀ ਸੇਵਾ ਵਿੱਚ ਹਾਜ਼ਰ ਹਾਂ। ਸਾਰੇ ਆਪਣੇ ਘਰਾਂ ਵਿੱਚ ਰਹਿਣ ਅਤੇ ਡੇਰੇ ਦੇ ਜ਼ਿੰਮੇਵਾਰ ਲੋਕ ਜੋ ਵੀ ਕਹਿਣਗੇ, ਉਹ ਕਰਨਾ ਚਾਹੀਦਾ ਹੈ।"