ਮਾਰਕੀਟ ਗਿਰਾਵਟ ਤੋਂ ਬਾਅਦ ਅੱਜ ਸ਼ੇਅਰ ਬਾਜ਼ਾਰ 'ਚ ਜ਼ਬਰਦਸਤ ਉਛਾਲ ,ਸੈਂਸੈਕਸ 1,200 ਅੰਕਾਂ 'ਤੇ ਚੜ੍ਹਿਆ

ਸੋਮਵਾਰ ਨੂੰ ਟਰੰਪ ਟੈਰਿਫ ਵਾਰ ਮੈਗਾ ਮਾਰਕੀਟ ਕਰੈਸ਼ ਤੋਂ ਬਾਅਦ ਸ਼ੇਅਰ ਬਾਜ਼ਾਰ 'ਚ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਮੰਗਲਵਾਰ ਨੂੰ ਸੈਂਸੈਕਸ 1175.90 ਅੰਕਾਂ ਦੇ ਵਾਧੇ ਨਾਲ 74,313.80 ਅੰਕਾਂ 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ ਨਿਫਟੀ ਵਿੱਚ ਵੀ ਵਾਧਾ ਦੇਖਣ ਨੂੰ ਮਿਲਿਆ। ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਬਾਜ਼ਾਰ ਵਿੱਚ ਸੈਂਸੈਕਸ 2226.79 ਅੰਕਾਂ ਦੀ ਗਿਰਾਵਟ ਦੇ ਨਾਲ 73137.90 'ਤੇ ਬੰਦ ਹੋਇਆ ਸੀ। ਓਥੇ ਹੀ ਨਿਫਟੀ 'ਚ ਵੀ 900 ਅੰਕਾਂ ਤੋਂ ਵੱਧ ਦੀ ਗਿਰਾਵਟ ਆਈ ਸੀ ਪਰ ਮੰਗਲਵਾਰ ਨੂੰ ਹੋਏ ਵਾਧੇ ਨੇ ਨਿਵੇਸ਼ਕਾਂ ਦੇ ਡਰ ਨੂੰ ਕਾਫ਼ੀ ਹੱਦ ਤੱਕ ਘਟਾ ਦਿੱਤਾ।