ਤਾਜਾ ਖਬਰਾਂ
ਨਵੀਂ ਦਿੱਲੀ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼੍ਰੀਲੰਕਾ ਦਾ ਤਿੰਨ ਦਿਨਾ ਦੌਰਾ ਪੂਰਾ ਕਰਨ ਤੋਂ ਬਾਅਦ ਭਾਰਤ ਲਈ ਰਵਾਨਾ ਹੋ ਗਏ ਹਨ। ਉਨ੍ਹਾਂ ਨੇ ਅੱਜ ਮਹੋ ਓਮੰਥਾਈ ਰੇਲ ਲਾਈਨ ਦਾ ਉਦਘਾਟਨ ਕੀਤਾ ਅਤੇ ਅਨੁਰਾਧਾਪੁਰਾ ਵਿੱਚ ਸਿਗਨਲ ਪ੍ਰਣਾਲੀ ਦਾ ਨੀਂਹ ਪੱਥਰ ਰੱਖਿਆ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਅਨੁਰਾ ਕੁਮਾਰਾ ਦਿਸਾਨਾਇਕ ਨਾਲ ਰੇਲਗੱਡੀ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।
ਇਹ ਰੇਲ ਲਾਈਨ ਸ਼੍ਰੀਲੰਕਾ ਦੇ ਮਹੋ ਜ਼ਿਲ੍ਹੇ ਅਤੇ ਓਮਾਨਥਾਈ ਜ਼ਿਲ੍ਹੇ ਦੇ ਵਿਚਕਾਰ ਉੱਤਰੀ ਰੇਲਵੇ ਲਾਈਨ ਦਾ 128 ਕਿਲੋਮੀਟਰ ਲੰਬਾ ਭਾਗ ਹੈ। ਇਹ ਸ਼੍ਰੀਲੰਕਾ ਦੇ ਕੁਰੁਨੇਗਾਲਾ, ਅਨੁਰਾਧਾਪੁਰਾ ਅਤੇ ਵਾਵੁਨੀਆ ਜ਼ਿਲ੍ਹਿਆਂ ਵਿੱਚੋਂ ਲੰਘਦਾ ਹੈ।
ਸ਼੍ਰੀਲੰਕਾ ਸਰਕਾਰ ਨੇ ਇਸ ਰੇਲਵੇ ਲਾਈਨ ਦੇ ਆਧੁਨਿਕੀਕਰਨ ਅਤੇ ਸੁਧਾਰ ਲਈ ਕਈ ਪ੍ਰੋਜੈਕਟ ਸ਼ੁਰੂ ਕੀਤੇ ਹਨ। ਭਾਰਤੀ ਜਨਤਕ ਖੇਤਰ ਦੀ ਕੰਪਨੀ IRCON ਇੰਟਰਨੈਸ਼ਨਲ ਲਿਮਿਟੇਡ ਇਸ ਸੈਕਸ਼ਨ ਦੇ ਵਿਕਾਸ 'ਤੇ ਕੰਮ ਕਰ ਰਹੀ ਹੈ। ਭਾਰਤ ਨੇ ਇਸ ਪ੍ਰੋਜੈਕਟ ਲਈ 318 ਮਿਲੀਅਨ ਡਾਲਰ (2720 ਕਰੋੜ ਰੁਪਏ) ਦਾ ਕਰਜ਼ਾ ਦਿੱਤਾ ਹੈ।
ਇਸ ਤੋਂ ਪਹਿਲਾਂ ਪੀਐਮ ਅਨੁਰਾਧਾਪੁਰਾ ਸਥਿਤ ਜੈਸ਼੍ਰੀ ਮਹਾਬੋਧੀ ਮੰਦਿਰ ਪਹੁੰਚੇ ਸਨ। ਇੱਥੇ ਉਹ ਮੰਦਰ ਵਿੱਚ ਬੋਧੀ ਭਿਕਸ਼ੂਆਂ ਨੂੰ ਮਿਲੇ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਨੇ ਮੰਦਰ ਦੇ ਮੁੱਖ ਬੋਧੀ ਭਿਕਸ਼ੂ ਨੂੰ ਤੋਹਫਾ ਵੀ ਦਿੱਤਾ।
Get all latest content delivered to your email a few times a month.
