ਤਾਜਾ ਖਬਰਾਂ
ਨਵੀਂ ਦਿੱਲੀ- ਦਿੱਲੀ ਕੈਪੀਟਲਸ ਨੇ IPL-18 'ਚ ਲਖਨਊ ਸੁਪਰ ਜਾਇੰਟਸ 'ਤੇ ਇਕ ਵਿਕਟ ਦੀ ਰੋਮਾਂਚਕ ਜਿੱਤ ਹਾਸਲ ਕੀਤੀ ਹੈ। ਟੀਮ ਨੇ 210 ਦੌੜਾਂ ਦਾ ਟੀਚਾ 20ਵੇਂ ਓਵਰ ਦੀ ਤੀਜੀ ਗੇਂਦ 'ਤੇ ਹਾਸਲ ਕਰ ਲਿਆ। ਆਸ਼ੂਤੋਸ਼ ਸ਼ਰਮਾ ਨੇ ਸ਼ਾਹਬਾਜ਼ ਅਹਿਮਦ ਦੀ ਗੇਂਦ 'ਤੇ ਛੱਕਾ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾਈ। ਉਹ 66 ਦੌੜਾਂ ਬਣਾ ਕੇ ਅਜੇਤੂ ਪਰਤੇ।
ਦਿੱਲੀ ਨੂੰ ਆਖਰੀ ਓਵਰ ਵਿੱਚ ਜਿੱਤ ਲਈ 6 ਦੌੜਾਂ ਦੀ ਲੋੜ ਸੀ ਅਤੇ ਇੱਕ ਵਿਕਟ ਬਾਕੀ ਸੀ। ਅਜਿਹੇ 'ਚ ਲਖਨਊ ਦੇ ਕਪਤਾਨ ਰਿਸ਼ਭ ਪੰਤ ਨੇ ਪਹਿਲੀ ਗੇਂਦ 'ਤੇ ਮੋਹਿਤ ਸ਼ਰਮਾ ਨੂੰ ਸਟੰਪ ਕਰਨ ਦਾ ਮੌਕਾ ਗੁਆ ਦਿੱਤਾ। ਮੋਹਿਤ ਨੇ ਅਗਲੀ ਗੇਂਦ 'ਤੇ ਸਿੰਗਲ ਲਿਆ, ਆਸ਼ੂਤੋਸ਼ ਨੇ ਤੀਜੀ ਗੇਂਦ 'ਤੇ ਛੱਕਾ ਜੜ ਕੇ ਟੀਮ ਨੂੰ ਜਿੱਤ ਦਿਵਾਈ।
ਵਿਸ਼ਾਖਾਪਟਨਮ ਵਿੱਚ ਦਿੱਲੀ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਲਖਨਊ ਨੇ 8 ਵਿਕਟਾਂ ਗੁਆ ਕੇ 209 ਦੌੜਾਂ ਬਣਾਈਆਂ। ਮਿਸ਼ੇਲ ਮਾਰਸ਼ ਨੇ 72 ਅਤੇ ਨਿਕੋਲਸ ਪੂਰਨ ਨੇ 75 ਦੌੜਾਂ ਬਣਾਈਆਂ। ਜਵਾਬੀ ਪਾਰੀ 'ਚ ਦਿੱਲੀ ਦੀ ਸ਼ੁਰੂਆਤ ਖਰਾਬ ਰਹੀ। ਟੀਮ ਨੇ 7 ਦੌੜਾਂ 'ਤੇ 3 ਵਿਕਟਾਂ ਗੁਆ ਦਿੱਤੀਆਂ ਸਨ। ਜੈਕ ਫਰੇਜ਼ਰ-ਮੈਗਾਰਕ 1, ਅਭਿਸ਼ੇਕ ਪੋਰੇਲ ਜ਼ੀਰੋ ਅਤੇ ਸਮੀਰ ਰਿਜ਼ਵੀ 4 ਦੌੜਾਂ ਬਣਾ ਕੇ ਆਊਟ ਹੋਏ।
7ਵੇਂ ਨੰਬਰ 'ਤੇ ਆਏ ਆਸ਼ੂਤੋਸ਼ ਸ਼ਰਮਾ ਨੇ 31 ਗੇਂਦਾਂ 'ਤੇ 66 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਕੇ ਦਿੱਲੀ ਨੂੰ ਜਿੱਤ ਦਿਵਾਈ। ਉਨ੍ਹਾਂ ਨੇ 5 ਚੌਕੇ ਅਤੇ 5 ਛੱਕੇ ਲਗਾਏ। ਆਸ਼ੂਤੋਸ਼ ਨੇ ਟ੍ਰਿਸਟਨ ਸਟੱਬਸ ਨਾਲ 48 ਦੌੜਾਂ ਦੀ ਅਹਿਮ ਸਾਂਝੇਦਾਰੀ ਕੀਤੀ। ਫਿਰ ਵਿਪਰਾਜ ਨਿਗਮ ਨਾਲ 55 ਦੌੜਾਂ ਜੋੜੀਆਂ। ਆਖਰੀ ਵਿਕਟ ਲਈ 6 ਗੇਂਦਾਂ 'ਤੇ 19 ਦੌੜਾਂ ਦੀ ਅਜੇਤੂ ਸਾਂਝੇਦਾਰੀ ਵੀ ਹੋਈ।
Get all latest content delivered to your email a few times a month.
