ਤਾਜਾ ਖਬਰਾਂ
ਛੱਤੀਸਗੜ੍ਹ ਦੇ ਬਸਤਰ 'ਚ ਫੋਰਸ ਨੇ ਦੋ ਮੁਕਾਬਲੇ 'ਚ 24 ਨਕਸਲੀਆਂ ਨੂੰ ਢੇਰ ਕਰ ਦਿੱਤਾ ਹੈ। ਬੀਜਾਪੁਰ 'ਚ 20 ਅਤੇ ਕਾਂਕੇਰ 'ਚ 4 ਨਕਸਲੀ ਮਾਰੇ ਗਏ ਹਨ। ਆਟੋਮੈਟਿਕ ਹਥਿਆਰਾਂ ਸਮੇਤ ਸਾਰੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਇੱਕ ਡੀਆਰਜੀ (ਜ਼ਿਲ੍ਹਾ ਰਿਜ਼ਰਵ ਗਾਰਡ) ਦਾ ਸਿਪਾਹੀ ਸ਼ਹੀਦ ਹੋ ਗਿਆ ਹੈ।ਬੀਜਾਪੁਰ-ਦੰਤੇਵਾੜਾ ਸਰਹੱਦ 'ਤੇ ਨਕਸਲੀਆਂ ਦੇ ਮੁੱਖ ਖੇਤਰ 'ਚ ਫੋਰਸ ਦਾਖਲ ਹੋ ਗਈ ਹੈ। ਜਵਾਨਾਂ ਨੇ ਨਕਸਲੀਆਂ ਦੇ ਵੱਡੇ ਕਾਡਰਾਂ ਨੂੰ ਘੇਰ ਲਿਆ ਹੈ। ਦੋਵਾਂ ਪਾਸਿਆਂ ਤੋਂ ਗੋਲੀਬਾਰੀ ਅਜੇ ਵੀ ਜਾਰੀ ਹੈ। ਬਸਤਰ ਦੇ ਆਈਜੀ ਸੁੰਦਰਰਾਜ ਪੀ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ।
ਨਾਰਾਇਣਪੁਰ-ਦਾਂਤੇਵਾੜਾ ਸਰਹੱਦ 'ਤੇ ਸਥਿਤ ਥੁਲਾਥੁਲੀ ਇਲਾਕੇ 'ਚ ਆਈਈਡੀ ਧਮਾਕੇ 'ਚ ਦੋ ਜਵਾਨ ਜ਼ਖਮੀ ਹੋ ਗਏ। ਦੋਵਾਂ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ। ਇੱਥੇ ਵੀ ਸਰਚ ਆਪਰੇਸ਼ਨ ਜਾਰੀ ਹੈ।
ਦੱਸ ਦੇਈਏ ਕਿ ਇਸ ਸਾਲ ਹੁਣ ਤੱਕ ਛੱਤੀਸਗੜ੍ਹ 'ਚ 71 ਨਕਸਲੀ ਮਾਰੇ ਜਾ ਚੁੱਕੇ ਹਨ, ਪੁਲਿਸ ਮੁਤਾਬਕ 2024 'ਚ ਜਵਾਨਾਂ ਨੇ ਵੱਖ-ਵੱਖ ਮੁਕਾਬਲਿਆਂ 'ਚ 300 ਦੇ ਕਰੀਬ ਨਕਸਲੀ ਮਾਰੇ ਹਨ, 290 ਹਥਿਆਰ ਜ਼ਬਤ ਕੀਤੇ ਹਨ।
Get all latest content delivered to your email a few times a month.
