ਤਾਜਾ ਖਬਰਾਂ
ਪੰਜਾਬ ਸਰਕਾਰ ਨੇ ਜੀਐਸਟੀ ਕਲੈਕਸ਼ਨ ਵਿੱਚ ਵੱਡਾ ਮਾਰਕਾ ਮਾਰਿਆ ਹੈ। ਪੰਜਾਬ ਦੇ ਖਜ਼ਾਨਾ ਮੰਤਰੀ ਹਰਪਾਲ ਸਿੰਘ ਚੀਮਾ ਅਨੁਸਾਰ ਜੀਐਸਟੀ ਕਲੈਕਸ਼ਨ ਵਿੱਚ ਪੰਜਾਬ ਸਰਕਾਰ ਨੇ ਪਿਛਲਾ ਰਿਕਾਰਡ ਤੋੜਿਆ ਹੈ, ਇਸ ਨਾਲ ਪੰਜਾਬ ਦੀ ਆਰਥਿਕਤਾ ਨੂੰ ਵੱਡਾ ਹਲਾਰਾ ਮਿਲਿਆ ਹੈ।
ਖਜ਼ਾਨਾ ਮੰਤਰੀ ਨੇ ਪੰਜਾਬ ਦੀ ਆਰਥਿਕਤਾ (ਅਰਥਵਿਵਸਥਾ) ਨੂੰ ਲੈ ਕੇ ਸਰਕਾਰ ਨੇ ਇੱਕ ਵੱਡਾ ਸਕਾਰਾਤਮਕ ਸੰਕੇਤ ਦਿੰਦੇ ਹੋਏ ਦਾਅਵਾ ਕੀਤਾ ਹੈ ਕਿ ਰਾਜ ਨੇ ਜੀਐਸਟੀ ਕਲੈਕਸ਼ਨ ਵਿੱਚ ਹੁਣ ਤੱਕ ਦਾ ਸਭ ਤੋਂ ਮਜ਼ਬੂਤ ਪ੍ਰਦਰਸ਼ਨ ਦਰਜ ਕੀਤਾ ਹੈ। ਅਪ੍ਰੈਲ 2026 ਵਿੱਚ ਪੰਜਾਬ ਦਾ ਗ੍ਰਾਸ (ਕੁੱਲ) ਜੀਐਸਟੀ ਕਲੈਕਸ਼ਨ ਕਰੀਬ ₹2,987.3 ਕਰੋੜ ਰਿਹਾ, ਜੋ ਹੁਣ ਤੱਕ ਦਾ ਸਭ ਤੋਂ ਵੱਧ ਮਾਸਿਕ (ਮਹੀਨਾਵਾਰ) ਅੰਕੜਾ ਦੱਸਿਆ ਜਾ ਰਿਹਾ ਹੈ। ਇਹ ਅੰਕੜਾ ਪਿਛਲੇ ਸਾਲ ਦੀ ਤੁਲਨਾ ਵਿੱਚ ਲਗਭਗ 70.70% ਦੇ ਸਾਲਾਨਾ ਵਾਧੇ ਨੂੰ ਦਰਸਾਉਂਦਾ ਹੈ, ਜਿਸ ਨੂੰ ਸਰਕਾਰ ਨੇ ਟੈਕਸ ਸੁਧਾਰਾਂ ਅਤੇ ਬਿਹਤਰ ਪ੍ਰਸ਼ਾਸਨ ਦਾ ਨਤੀਜਾ ਦੱਸਿਆ ਹੈ।
ਰਾਜ ਦੇ ਵਿੱਤ ਵਿਭਾਗ ਅਨੁਸਾਰ ਇਸ ਤੇਜ਼ ਵਾਧੇ ਨੇ ਪੰਜਾਬ ਨੂੰ ਦੇਸ਼ ਦੇ ਉਨ੍ਹਾਂ ਰਾਜਾਂ ਵਿੱਚ ਸ਼ਾਮਿਲ ਕਰ ਦਿੱਤਾ ਹੈ, ਜਿਨ੍ਹਾਂ ਨੇ ਨਵੇਂ ਵਿੱਤੀ ਸਾਲ ਦੀ ਸ਼ੁਰੂਆਤ ਵਿੱਚ ਸਭ ਤੋਂ ਮਜ਼ਬੂਤ ਟੈਕਸ ਪ੍ਰਦਰਸ਼ਨ ਕੀਤਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਨੈੱਟ (ਸ਼ੁੱਧ) ਜੀਐਸਟੀ ਕਲੈਕਸ਼ਨ ਵੀ ਕਰੀਬ ₹2,725 ਕਰੋੜ ਤੱਕ ਪਹੁੰਚ ਗਿਆ ਹੈ, ਜੋ ਰਾਜ ਦੀ ਮਾਲੀਆ (ਰੈਵੇਨਿਊ) ਸਮਰੱਥਾ ਵਿੱਚ ਸੁਧਾਰ ਦਾ ਸੰਕੇਤ ਮੰਨਿਆ ਜਾ ਰਿਹਾ ਹੈ।
ਇਸ ਵਾਧੇ ਦੇ ਪਿੱਛੇ ਕਈ ਪ੍ਰਸ਼ਾਸਨਿਕ ਸੁਧਾਰ ਕੰਮ ਕਰ ਰਹੇ ਹਨ। ਜੀਐਸਟੀ ਨੈੱਟਵਰਕ 'ਤੇ ਡਿਜੀਟਲ ਨਿਗਰਾਨੀ, ਈ-ਇਨਵੌਇਸਿੰਗ ਪ੍ਰਣਾਲੀ ਅਤੇ ਸਖ਼ਤ ਕੰਪਲਾਇੰਸ ਮਾਨੀਟਰਿੰਗ ਨੇ ਟੈਕਸ ਚੋਰੀ ਦੀਆਂ ਸੰਭਾਵਨਾਵਾਂ ਨੂੰ ਘਟਾਇਆ ਹੈ। ਇਸ ਦੇ ਨਾਲ ਹੀ ਰਿਟਰਨ ਫਾਈਲਿੰਗ ਪ੍ਰਕਿਰਿਆ ਨੂੰ ਆਸਾਨ ਬਣਾਉਣ ਅਤੇ ਸਮੇਂ ਸਿਰ ਰਿਫੰਡ ਸਿਸਟਮ ਨੇ ਵਪਾਰੀਆਂ ਦਾ ਭਰੋਸਾ ਵਧਾਇਆ ਹੈ।
ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਮੁਤਾਬਕ ਰਾਜ ਨੇ ਟੈਕਸ ਐਡਮਿਨਿਸਟ੍ਰੇਸ਼ਨ (ਪ੍ਰਸ਼ਾਸਨ) ਨੂੰ ਵਧੇਰੇ ਪਾਰਦਰਸ਼ੀ ਅਤੇ ਡੇਟਾ-ਡ੍ਰੀਵਨ ਬਣਾਇਆ ਹੈ, ਜਿਸ ਨਾਲ ਉਗਰਾਹੀ (ਸੰਗ੍ਰਹਿਣ) ਵਿੱਚ ਸੁਧਾਰ ਦੇਖਣ ਨੂੰ ਮਿਲਿਆ ਹੈ। ਸਰਕਾਰ ਦਾ ਦਾਅਵਾ ਹੈ ਕਿ ਹੁਣ ਵਿਭਾਗ ਰੀਅਲ-ਟਾਈਮ ਡੇਟਾ ਦੇ ਅਧਾਰ 'ਤੇ ਨਿਗਰਾਨੀ ਕਰ ਰਿਹਾ ਹੈ, ਜਿਸ ਨਾਲ ਲੀਕੇਜ ਘੱਟ ਹੋਈ ਹੈ ਅਤੇ ਮਾਲੀਏ ਵਿੱਚ ਵਾਧਾ ਹੋਇਆ ਹੈ।
ਇਸ ਨਾਲ ਪੰਜਾਬ ਦੀਆਂ ਆਰਥਿਕ ਗਤੀਵਿਧੀਆਂ ਵਿੱਚ ਤੇਜ਼ੀ ਆਵੇਗੀ। ਜੀਐਸਟੀ ਕਲੈਕਸ਼ਨ ਨੂੰ ਆਰਥਿਕਤਾ ਦੀਆਂ ਗਤੀਵਿਧੀਆਂ ਦਾ ਇੱਕ ਮਹੱਤਵਪੂਰਨ ਸੰਕੇਤਕ ਮੰਨਿਆ ਜਾਂਦਾ ਹੈ। ਅਪ੍ਰੈਲ 2026 ਵਿੱਚ ਪੰਜਾਬ ਵਿੱਚ ਇਹ ਵਾਧਾ ਸੰਕੇਤ ਦਿੰਦਾ ਹੈ ਕਿ ਵਪਾਰਕ ਗਤੀਵਿਧੀਆਂ, ਉਪਭੋਗਤਾ ਦੀ ਮੰਗ ਅਤੇ ਉਦਯੋਗਿਕ ਲੈਣ-ਦੇਣ ਵਿੱਚ ਵਾਧਾ ਹੋਇਆ ਹੈ। ਖ਼ਾਸਕਰ ਟ੍ਰੇਡ (ਵਪਾਰ), ਮੈਨੂਫੈਕਚਰਿੰਗ ਅਤੇ ਸਰਵਿਸ ਸੈਕਟਰ ਵਿੱਚ ਲੈਣ-ਦੇਣ ਵਧਣ ਨਾਲ ਟੈਕਸ ਬੇਸ ਮਜ਼ਬੂਤ ਹੋਇਆ ਹੈ।
ਇਸ ਵਾਧੇ ਵਿੱਚ ਕੇਵਲ ਟੈਕਸ ਦੀ ਵਸੂਲੀ ਹੀ ਨਹੀਂ, ਬਲਕਿ ਵਧਦੀਆਂ ਆਰਥਿਕ ਗਤੀਵਿਧੀਆਂ ਵੀ ਸ਼ਾਮਿਲ ਹਨ। ਰਾਜ ਵਿੱਚ ਛੋਟੇ ਅਤੇ ਮੱਧਮ ਉਦਯੋਗਾਂ ਦੀ ਭਾਗੀਦਾਰੀ ਵਧਣ ਨਾਲ ਵੀ ਜੀਐਸਟੀ ਬੇਸ ਦਾ ਵਿਸਤਾਰ ਹੋਇਆ ਹੈ।
Get all latest content delivered to your email a few times a month.
