ਤਾਜਾ ਖਬਰਾਂ
ਮਥੁਰਾ-ਵਰਿੰਦਾਵਨ ਦੇ ਪ੍ਰਸਿੱਧ ਸੰਤ ਪ੍ਰੇਮਾਨੰਦ ਮਹਾਰਾਜ, ਜਿਸ ਫਲੈਟ ਵਿੱਚ ਪਹਿਲਾਂ ਰਿਹਾ ਕਰਦੇ ਸਨ, ਉਸ ਵਿੱਚ ਅੱਗ ਲੱਗਣ ਦੀ ਖ਼ਬਰ ਸਾਹਮਣੇ ਆਈ ਹੈ।
ਮਿਲੀ ਜਾਣਕਾਰੀ ਅਨੁਸਾਰ, ਇਹ ਅੱਗ ਬਿਜਲੀ ਦੇ ਸ਼ਾਰਟ ਸਰਕਟ ਕਾਰਨ ਸ਼੍ਰੀਕ੍ਰਿਸ਼ਨ ਸ਼ਰਨਮ ਸਥਿਤ ਫਲੈਟ ਨੰਬਰ 212 ਵਿੱਚ ਲੱਗੀ ਹੈ। ਹਾਲਾਂਕਿ, ਇਹ ਗਨੀਮਤ ਵਾਲੀ ਗੱਲ ਹੈ ਕਿ ਪ੍ਰੇਮਾਨੰਦ ਮਹਾਰਾਜ ਹੁਣ ਇਸ ਫਲੈਟ ਵਿੱਚ ਨਹੀਂ ਰਹਿੰਦੇ। ਉਹ ਹੁਣ ਕੇਲੀਕੁੰਜ ਸਥਿਤ ਆਸ਼ਰਮ ਵਿੱਚ ਨਿਵਾਸ ਕਰਦੇ ਹਨ।
ਵਰਿੰਦਾਵਨ ਦੇ ਪ੍ਰਸਿੱਧ ਸੰਤ ਪ੍ਰੇਮਾਨੰਦ ਜੀ ਦੇ ਕਰੋੜਾਂ ਪੈਰੋਕਾਰ ਹਨ, ਜੋ ਉਨ੍ਹਾਂ ਨੂੰ ਬਹੁਤ ਪਿਆਰ ਕਰਦੇ ਹਨ। ਬੀਤੀ ਰਾਤ ਜਿਵੇਂ ਹੀ ਇਹ ਖ਼ਬਰ ਮਿਲੀ ਕਿ ਸ਼੍ਰੀਕ੍ਰਿਸ਼ਨ ਸ਼ਰਨਮ ਸਥਿਤ ਫਲੈਟ ਨੰਬਰ 212 ਵਿੱਚ ਬਿਜਲੀ ਦੇ ਸ਼ਾਰਟ ਸਰਕਟ ਕਾਰਨ ਅਚਾਨਕ ਅੱਗ ਲੱਗ ਗਈ ਹੈ, ਤਾਂ ਮੌਕੇ 'ਤੇ ਭਾਰੀ ਭੀੜ ਇਕੱਠੀ ਹੋ ਗਈ।
ਜਿਸ ਫਲੈਟ ਵਿੱਚ ਅੱਗ ਲੱਗੀ, ਉਹ ਇੰਨੀ ਭਿਆਨਕ ਸੀ ਕਿ ਅੱਗ ਬੁਝਾਉਣ ਲਈ ਫਲੈਟ ਦੇ ਸ਼ੀਸ਼ੇ ਤੋੜ ਕੇ ਅੰਦਰ ਦਾਖਲ ਹੋਣਾ ਪਿਆ। ਮੌਕੇ 'ਤੇ ਪਹੁੰਚੀਆਂ ਦਮਕਲ ਦੀਆਂ ਗੱਡੀਆਂ ਨੇ ਅੱਗ 'ਤੇ ਕਾਬੂ ਪਾ ਲਿਆ ਅਤੇ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
ਇਸ ਮਾਮਲੇ 'ਤੇ ਸੀਓ ਸਦਰ ਪੀਪੀ ਸਿੰਘ ਦਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਦੱਸਿਆ ਕਿ ਸ਼੍ਰੀਕ੍ਰਿਸ਼ਨ ਸ਼ਰਨਮ ਦੇ ਫਲੈਟ ਨੰਬਰ 212 ਵਿੱਚ ਬਿਜਲੀ ਦੇ ਸ਼ਾਰਟ ਸਰਕਟ ਕਾਰਨ ਅੱਗ ਲੱਗ ਗਈ ਸੀ। ਹਾਲਾਂਕਿ, ਅੱਗ 'ਤੇ ਕੁਝ ਸਮੇਂ ਵਿੱਚ ਕਾਬੂ ਪਾ ਲਿਆ ਗਿਆ। ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਇਹ ਫਲੈਟ ਕਿਸ ਦਾ ਹੈ, ਤਾਂ ਉਨ੍ਹਾਂ ਦੱਸਿਆ ਕਿ ਫਲੈਟ ਵਿੱਚ ਕੁਝ ਸਾਧੂ-ਸੰਤ ਠਹਿਰੇ ਹੋਏ ਸਨ, ਪਰ ਇਹ ਫਲੈਟ ਕਿਸ ਦਾ ਹੈ, ਇਸ ਦਾ ਪਤਾ ਜਾਂਚ ਤੋਂ ਬਾਅਦ ਲੱਗ ਸਕੇਗਾ।
ਜ਼ਿਕਰਯੋਗ ਹੈ ਕਿ ਪ੍ਰੇਮਾਨੰਦ ਮਹਾਰਾਜ ਰਾਧਾ ਨਾਮ ਦੇ ਉਪਾਸਕ ਹਨ ਅਤੇ ਉਹ ਸਾਰਿਆਂ ਨੂੰ ਨਾਮ ਜਪ ਕਰਨ ਦੀ ਸਿੱਖਿਆ ਦਿੰਦੇ ਹਨ। ਉਨ੍ਹਾਂ ਦੀਆਂ ਸਿੱਖਿਆਵਾਂ ਨਾਲ ਲੋਕਾਂ ਦਾ ਜੀਵਨ ਬਿਹਤਰ ਹੋ ਰਿਹਾ ਹੈ ਅਤੇ ਵੱਡੀ ਗਿਣਤੀ ਵਿੱਚ ਨੌਜਵਾਨ ਪ੍ਰੇਮਾਨੰਦ ਜੀ ਨੂੰ ਫਾਲੋ ਕਰਦੇ ਹਨ।
Get all latest content delivered to your email a few times a month.
