ਤਾਜਾ ਖਬਰਾਂ
ਅੱਜ ਪੰਜਾਬ ਵਿਧਾਨ ਸਭਾ ਦੇ ਵਿਸ਼ੇਸ਼ ਇਜਲਾਸ ਦੀ ਸ਼ੁਰੂਆਤ ਸ਼ਹੀਦ ਚਾਰ ਸਾਹਿਬਜ਼ਾਦਿਆਂ ਨੂੰ ਸ਼ਰਧਾਂਜਲੀ ਅਰਪਿਤ ਕਰਕੇ ਕੀਤੀ ਗਈ। ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਚਾਰ ਸਾਹਿਬਜ਼ਾਦਿਆਂ ਦੀ ਅਦੁੱਤੀ ਸ਼ਹਾਦਤ ਨੂੰ ਯਾਦ ਕਰਦਿਆਂ ਸਦਨ ਨੂੰ ਨਮਨ ਕੀਤਾ। ਇਸ ਸ਼ੁਰੂਆਤੀ ਸਮਾਰੋਹ ਮਗਰੋਂ ਕਾਰਵਾਈ ਅੱਧੇ ਘੰਟੇ ਲਈ ਮੁਲਤਵੀ ਕਰ ਦਿੱਤੀ ਗਈ।
ਜਦੋਂ ਕਾਰਵਾਈ ਮੁੜ ਸ਼ੁਰੂ ਹੋਈ, ਤਦ ਸਦਨ ਵਿੱਚ ਹੰਗਾਮਾ ਹੋ ਗਿਆ। ਕਾਂਗਰਸੀ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੇ ਬੋਲਣ ਲਈ ਸਮਾਂ ਨਾ ਮਿਲਣ ’ਤੇ ਵਿਰੋਧ ਜਤਾਇਆ। ਉਹ ਸਿੱਧਾ ਸਪੀਕਰ ਦੇ ਵੈੱਲ ਵਿੱਚ ਆਏ ਅਤੇ ਬਹਿਸ ਕਰਨ ਲੱਗੇ। ਸਪੀਕਰ ਨੇ ਸਪੱਸ਼ਟ ਕੀਤਾ ਕਿ ਕਾਂਗਰਸ ਪਾਰਟੀ ਨੂੰ ਨਿਰਧਾਰਤ 18 ਮਿੰਟਾਂ ਦੀ ਥਾਂ 28 ਮਿੰਟ ਦਾ ਸਮਾਂ ਦਿੱਤਾ ਗਿਆ ਸੀ।
ਇਸ ਦੌਰਾਨ ਸਪੀਕਰ ਨੇ ਸੁਖਪਾਲ ਖਹਿਰਾ ਨੂੰ ‘ਨੇਮ’ ਕਰਕੇ ਸਦਨ ਤੋਂ ਬਾਹਰ ਕਰਨ ਦੇ ਹੁਕਮ ਜਾਰੀ ਕੀਤੇ। ਹੁਕਮ ਦੇ ਬਾਵਜੂਦ ਖਹਿਰਾ ਵੈੱਲ ਵਿੱਚ ਡਟੇ ਰਹੇ ਅਤੇ ਸਪੀਕਰ ਦੇ ਫੈਸਲੇ ਦਾ ਖੁੱਲ੍ਹਾ ਵਿਰੋਧ ਕੀਤਾ, ਜਿਸ ਕਾਰਨ ਹੰਗਾਮਾ ਹੋਰ ਵੱਧ ਗਿਆ। ਹੰਗਾਮੇ ਭਰੇ ਮਾਹੌਲ ਕਾਰਨ ਸਦਨ ਦੀ ਕਾਰਵਾਈ ਕੁਝ ਸਮੇਂ ਲਈ ਪ੍ਰਭਾਵਿਤ ਰਹੀ ਅਤੇ ਇਹ ਮਾਮਲਾ ਪੂਰੇ ਇਜਲਾਸ ਵਿੱਚ ਕੇਂਦਰ ਬਣਿਆ।
Get all latest content delivered to your email a few times a month.
