ਤਾਜਾ ਖਬਰਾਂ
ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ, ਬਠਿੰਡਾ ਦੇ ਯੂਨੀਵਰਸਿਟੀ ਬਿਜ਼ਨਸ ਸਕੂਲ ਵੱਲੋਂ ਵਿਦਿਆਰਥੀਆਂ ਵਿੱਚ ਨਵੀਨਤਾ, ਰਚਨਾਤਮਕਤਾ ਅਤੇ ਉਦਮੀ ਸੋਚ ਨੂੰ ਉਤਸ਼ਾਹਿਤ ਕਰਨ ਲਈ ‘ਸਮਾਧਾਨ 2025’ ਬਿਜ਼ਨਸ ਪਲਾਨ ਮੁਕਾਬਲਾ ਸ਼ਾਨਦਾਰ ਤਰੀਕੇ ਨਾਲ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿੱਚ ਦੇਸ਼ ਭਰ ਦੀਆਂ ਵੱਖ-ਵੱਖ ਸੰਸਥਾਵਾਂ ਤੋਂ 75 ਪ੍ਰਵੇਸ਼ ਪ੍ਰਾਪਤ ਹੋਏ, ਜਿਨ੍ਹਾਂ ਵਿੱਚੋਂ ਪਹਿਲੇ ਚਰਣ ਦੀ ਚੋਣ ਪ੍ਰਕਿਰਿਆ ਤੋਂ ਬਾਅਦ 30 ਸਭ ਤੋਂ ਵਧੀਆ ਬਿਜ਼ਨਸ ਆਈਡੀਆਜ਼ ਨੂੰ ਫਾਈਨਲ ਪ੍ਰਸਤੁਤੀ ਲਈ ਚੁਣਿਆ ਗਿਆ। ਸਖ਼ਤ ਮੁਲਾਂਕਣ ਦੇ ਬਾਅਦ ਯੂਨੀਵਰਸਿਟੀ ਆਫ਼ ਜੰਮੂ ਦੀ ਟੀਮ ‘ਅਗ੍ਰਿਵਿਮਾਨ’ ਨੇ ਪਹਿਲਾ ਇਨਾਮ ਜਿੱਤਿਆ, ਜਦਕਿ ਨੇਹੁ (ਸ਼ਿਲੋਂਗ) ਦੀ ਟੀਮ ‘ਪਾਈਨ ਕਿੰਡਲ’ ਦੂਜੇ ਸਥਾਨ ਤੇ ਰਹੀ। ਸਿੰਬਾਇਓਸਿਸ ਯੂਨੀਵਰਸਟੀ, ਪੁਣੇ ਅਤੇ ਕ੍ਰਿਸਟ ਯੂਨੀਵਰਸਟੀ, ਬੈਂਗਲੁਰੂ ਦੀਆਂ ਟੀਮਾਂ ਨੇ ਤੀਜਾ ਇਨਾਮ ਸਾਂਝੇ ਤੌਰ ਤੇ ਹਾਸਲ ਕੀਤਾ। ਮੁਕਾਬਲਾ ਵਿਦਿਆਰਥੀਆਂ ਵਿੱਚ ਉਦਮੀ ਕਾਬਲੀਅਤ ਅਤੇ ਬਿਜ਼ਨਸ ਸੋਚ ਨੂੰ ਉਭਾਰਨ ਵਾਲਾ ਇੱਕ ਪ੍ਰੇਰਕ ਮੰਚ ਸਾਬਿਤ ਹੋਇਆ।
ਜੱਜਾਂ ਦੇ ਮਾਣਯੋਗ ਪੈਨਲ—ਡਾ. ਲੋਕੇਸ਼ ਜਿੰਦਲ, ਡਾ. ਅਨੁਰਾਧਾ ਜੈਨ ਅਤੇ ਸ਼੍ਰੀ ਵਿਕਾਸ ਗਰਗ—ਨੇ ਫਾਈਨਲਿਸਟ ਟੀਮਾਂ ਦਾ ਮੁਲਾਂਕਣ ਕਰਦਿਆਂ ਉਨ੍ਹਾਂ ਨੂੰ ਕੀਮਤੀ ਸੁਝਾਅ ਦਿੱਤੇ। ਪ੍ਰੋ. ਸੰਜੀਵ ਕੁਮਾਰ ਸ਼ਰਮਾ, ਵਾਈਸ ਚਾਂਸਲਰ, ਨੇ ਮੁਕਾਬਲੇ ਦਾ ਉਦਘਾਟਨ ਕੀਤਾ ਅਤੇ ਵਿਦਿਆਰਥੀਆਂ ਦੇ ਨਵੇਂ ਵਿਚਾਰਾਂ ਦੀ ਸਾਰਾਹਨਾ ਕੀਤੀ। ਉਨ੍ਹਾਂ ਨੇ ਯੋਗ ਟੀਮਾਂ ਨੂੰ ਵਿੱਤੀ ਅਤੇ ਤਕਨੀਕੀ ਸਹਾਇਤਾ ਪ੍ਰਦਾਨ ਕਰਨ ਦਾ ਵੀ ਐਲਾਨ ਕੀਤਾ। ਰਜਿਸਟਰਾਰ, ਡਾ. ਗੁਰਿੰਦਰਪਾਲ ਸਿੰਘ ਬਰਾੜ ਨੇ ਅਜਿਹੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ ਅਤੇ ਅਨੁਭਵੀ ਸਿੱਖਿਆ ਨੂੰ ਮਜ਼ਬੂਤ ਬਣਾਉਣ ਲਈ ਇਨ੍ਹਾਂ ਕਾਰਜਕ੍ਰਮਾਂ ਨੂੰ ਜਾਰੀ ਰੱਖਣ ਦੀ ਅਪੀਲ ਕੀਤੀ। ਪ੍ਰੋ. (ਡਾ.) ਆਸ਼ਿਸ਼ ਬਾਲਦੀ ਨੇ ਵੀ ਆਧੁਨਿਕ ਸਿੱਖਿਆ ਵਿੱਚ ਉਦਮਿਤਾ ਦੇ ਵਧਦੇ ਮਹੱਤਵ ‘ਤੇ ਰੌਸ਼ਨੀ ਪਾਈ ਅਤੇ ਵਿਦਿਆਰਥੀਆਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ।
Get all latest content delivered to your email a few times a month.
