ਤਾਜਾ ਖਬਰਾਂ
ਰਨਤਾਰਨ ਜ਼ਿਮਨੀ ਚੋਣ ਦੌਰਾਨ ਦਰਜ ਕੀਤੇ ਗਏ ਕੇਸਾਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੀ ਉਮੀਦਵਾਰ ਸੁਖਵਿੰਦਰ ਕੌਰ ਰੰਧਾਵਾ ਦੀ ਧੀ ਕੰਚਨਪ੍ਰੀਤ ਨੂੰ ਲੰਬੀ ਕਾਨੂੰਨੀ ਜੱਦੋਜਹਿਦ ਤੋਂ ਬਾਅਦ ਅੱਜ ਸਵੇਰੇ ਰਿਹਾਅ ਕਰ ਦਿੱਤਾ ਗਿਆ। ਇਹ ਫੈਸਲਾ ਤਰਨਤਾਰਨ ਅਦਾਲਤ ਨੇ ਸੁਣਾਇਆ, ਜਿੱਥੇ ਸੁਣਵਾਈ ਰਾਤ 8 ਵਜੇ ਸ਼ੁਰੂ ਹੋ ਕੇ ਸਵੇਰ ਦੇ 4 ਵਜੇ ਤੱਕ ਚੱਲੀ।
ਕੰਚਨਪ੍ਰੀਤ ਨੇ ਰਿਹਾਈ ਮਿਲਣ ਤੋਂ ਬਾਅਦ ਅਕਾਲੀ ਦਲ ਦੇ ਸਮੂਹ ਆਗੂਆਂ ਅਤੇ ਵਰਕਰਾਂ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਨੇ ਮੁਸ਼ਕਿਲ ਸਮੇਂ ਵਿੱਚ ਉਸ ਦਾ ਸਾਥ ਦਿੱਤਾ।
ਛੇ ਘੰਟੇ ਪੁੱਛਗਿੱਛ ਮਗਰੋਂ ਹੋਈ ਸੀ ਗ੍ਰਿਫ਼ਤਾਰੀ
ਕਾਬਿਲੇਗੌਰ ਹੈ ਕਿ ਕੰਚਨਪ੍ਰੀਤ ਵੱਲੋਂ ਚੋਣਾਂ ਦੌਰਾਨ ਦਰਜ ਕੀਤੇ ਚਾਰ ਕੇਸਾਂ ਵਿਰੁੱਧ ਸਥਾਨਕ ਅਦਾਲਤ ਵਿੱਚ ਪਟੀਸ਼ਨ ਦਾਇਰ ਕੀਤੀ ਗਈ ਸੀ। ਮਾਮਲਾ ਉਦੋਂ ਗਰਮਾਇਆ, ਜਦੋਂ ਸ਼ੁੱਕਰਵਾਰ (28 ਨਵੰਬਰ) ਨੂੰ ਉਹ ਜਾਂਚ ਪ੍ਰਕਿਰਿਆ ਦਾ ਹਿੱਸਾ ਬਣਨ ਲਈ ਮਜੀਠਾ ਪੁਲਿਸ ਸਟੇਸ਼ਨ ਪਹੁੰਚੀ। ਪੁਲਿਸ ਨੇ ਲਗਭਗ ਛੇ ਘੰਟੇ ਦੀ ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ।
ਪੁਲਿਸ ਨੇ ਇੱਕ ਅਜਿਹੇ ਮਾਮਲੇ ਵਿੱਚ ਕੰਚਨਪ੍ਰੀਤ ਦੀ ਗ੍ਰਿਫ਼ਤਾਰੀ ਪਾਈ, ਜਿਸ ਵਿੱਚ ਉਸਦੇ ਵਿਦੇਸ਼ ਰਹਿੰਦੇ ਪਤੀ ਅੰਮ੍ਰਿਤਪਾਲ 'ਤੇ ਚੋਣਾਂ ਦੌਰਾਨ ਵੋਟਰਾਂ ਨੂੰ ਡਰਾਉਣ-ਧਮਕਾਉਣ ਦੇ ਦੋਸ਼ ਹਨ।
ਕੰਚਨਪ੍ਰੀਤ ਨੂੰ ਸਵੇਰੇ-ਸਵੇਰੇ ਅਦਾਲਤ ਤੋਂ ਮਿਲੀ ਇਸ ਰਾਹਤ ਨੂੰ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਸਿਆਸੀ ਜਿੱਤ ਵਜੋਂ ਦੇਖਿਆ ਜਾ ਰਿਹਾ ਹੈ। ਪਾਰਟੀ ਲੀਡਰਸ਼ਿਪ ਪਹਿਲਾਂ ਹੀ ਇਸ ਕਾਰਵਾਈ ਨੂੰ ਸਿਆਸੀ ਦਬਾਅ ਹੇਠ ਕੀਤੀ ਗਈ ਕਾਰਵਾਈ ਕਰਾਰ ਦੇ ਰਹੀ ਸੀ।
Get all latest content delivered to your email a few times a month.
