ਤਾਜਾ ਖਬਰਾਂ
ਪੰਜਾਬ ਵਿੱਚ ਹੜ੍ਹ ਕਾਰਨ ਵੱਡੇ ਪੱਧਰ ‘ਤੇ ਤਬਾਹੀ ਹੋਈ ਹੈ, ਜਿਸ ਵਿੱਚ 1400 ਤੋਂ ਵੱਧ ਪਿੰਡ ਪ੍ਰਭਾਵਿਤ ਹੋਏ, ਸਾਢੇ ਤਿੰਨ ਲੱਖ ਤੋਂ ਵੱਧ ਲੋਕ ਬੇਘਰ ਹੋ ਗਏ ਅਤੇ 4 ਲੱਖ ਏਕੜ ਖੇਤੀਬਾੜੀ ਜ਼ਮੀਨ ਤਬਾਹ ਹੋ ਗਈ। ਇਸ ਸਥਿਤੀ ਵਿੱਚ ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਸਰਗਰਮੀ ਨਾਲ ਮਦਦ ਦੇ ਹੱਥ ਵਧਾ ਰਹੇ ਹਨ। ਉਹ ਆਪਣੀਆਂ ਟੀਮਾਂ ਰਾਹੀਂ ਪ੍ਰਭਾਵਿਤ ਪਿੰਡਾਂ ਅਤੇ ਘਰਾਂ ਤੱਕ ਸਾਮਾਨ ਅਤੇ ਵਿੱਤੀ ਮਦਦ ਪਹੁੰਚਾ ਰਹੇ ਹਨ।
ਸੂਦ ਨੇ ਸਰਕਾਰ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕੀਤੇ ਜਾਣ ਅਤੇ ਪ੍ਰਭਾਵਿਤ ਪਰਿਵਾਰਾਂ ਨੂੰ ਤੁਰੰਤ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇ। ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਸਰਦੀਆਂ ਨੇੜੇ ਆ ਰਹੀਆਂ ਹਨ, ਅਤੇ ਜੇਕਰ ਲੋਕਾਂ ਕੋਲ ਰਹਿਣ ਲਈ ਢੰਗ ਦੀ ਛੱਤ ਨਹੀਂ ਹੋਵੇਗੀ, ਤਾਂ ਸਥਿਤੀ ਹੋਰ ਗੰਭੀਰ ਹੋ ਜਾਵੇਗੀ।
ਉਨ੍ਹਾਂ ਨੇ ਪੰਜਾਬੀ ਭਾਈਚਾਰੇ ਦੀ ਭਰਪੂਰ ਸਹਾਇਤਾ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਉਹ ਦੀਆਂ ਟੀਮਾਂ, ਭਾਵੇਂ ਦੋ ਜਾਂ ਛੇ ਮਹੀਨੇ ਲੱਗਣ, ਹਰ ਪ੍ਰਭਾਵਿਤ ਘਰ ਤੱਕ ਮਦਦ ਪਹੁੰਚਾਉਣਗੀਆਂ। ਸੋਨੂੰ ਸੂਦ ਨੇ ਸਮਾਜ ਅਤੇ ਸਰਕਾਰ ਨੂੰ ਇਕੱਠੇ ਮਿਲ ਕੇ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਸਹਾਇਤਾ ਕਰਨ ਦੀ ਲੋੜ ਤੇ ਜ਼ੋਰ ਦਿੱਤਾ।
Get all latest content delivered to your email a few times a month.
