ਤਾਜਾ ਖਬਰਾਂ
ਪੰਜਾਬ ਦੇ ਕਈ ਇਲਾਕਿਆਂ ਵਿੱਚ ਹੜ੍ਹਾਂ ਨੇ ਹਾਲਾਤ ਬੇਕਾਬੂ ਕਰ ਦਿੱਤੇ ਹਨ। ਫਿਰੋਜ਼ਪੁਰ ਜ਼ਿਲ੍ਹੇ ਤੋਂ ਤਾਜ਼ਾ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਰੈਸਕਿਊ ਕਾਰਵਾਈ ਦੌਰਾਨ ਇਕ ਵੱਡਾ ਹਾਦਸਾ ਵਾਪਰਿਆ। ਪਿੰਡ ਕਿਲਚਾ ਦੇ ਝੁੱਗੇ ਲਾਲ ਸਿੰਘ ਵਾਲਾ ਇਲਾਕੇ ਵਿੱਚ ਬਚਾਅ ਲਈ ਵਰਤੀ ਜਾ ਰਹੀ ਕਿਸ਼ਤੀ ਉਸ ਵੇਲੇ ਪਲਟ ਗਈ ਜਦੋਂ ਉਸ ਵਿੱਚ ਨਿਰਧਾਰਤ ਗਿਣਤੀ ਤੋਂ ਵੱਧ ਲੋਕ ਸਵਾਰ ਹੋ ਗਏ। ਇਸ ਘਟਨਾ ਨਾਲ ਲੋਕ ਪਾਣੀ ਵਿੱਚ ਡੁੱਬ ਗਏ, ਪਰ ਮੌਕੇ ‘ਤੇ ਤਾਇਨਾਤ ਫੌਜੀ ਜਵਾਨਾਂ ਨੇ ਹਿੰਮਤ ਦਿਖਾਉਂਦਿਆਂ ਸਭ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ।
ਇਸ ਦੌਰਾਨ ਕਈ ਪਰਿਵਾਰਾਂ ਦਾ ਸਮਾਨ ਪਾਣੀ ਵਿੱਚ ਵਗ ਗਿਆ। ਜਦੋਂ ਫੌਜੀ ਜਵਾਨਾਂ ਨੇ ਸਮਾਨ ਵਗਦਾ ਦੇਖਿਆ ਤਾਂ ਉਨ੍ਹਾਂ ਨੂੰ ਸ਼ੱਕ ਹੋਇਆ ਕਿ ਕਿਤੇ ਕੋਈ ਬੱਚਾ ਵੀ ਪਾਣੀ ਵਿੱਚ ਨਾ ਵਗ ਗਿਆ ਹੋਵੇ। ਇਸ ‘ਤੇ ਜਵਾਨਾਂ ਨੇ ਆਪਣੀ ਜਾਨ ਦੀ ਪਰਵਾਹ ਨਾ ਕਰਦੇ ਹੋਏ ਦੂਰ ਤੱਕ ਪਾਣੀ ਵਿੱਚ ਤੈਰ ਕੇ ਭਾਲ ਕੀਤੀ। ਖੁਸ਼ਕਿਸਮਤੀ ਨਾਲ ਸਭ ਲੋਕ ਸੁਰੱਖਿਅਤ ਰਹੇ, ਪਰ ਸਮਾਨ ਦਾ ਕਾਫ਼ੀ ਨੁਕਸਾਨ ਹੋਇਆ ਹੈ।
Get all latest content delivered to your email a few times a month.
