ਤਾਜਾ ਖਬਰਾਂ
ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ ਦੇ ਟੀਸਾ ਇਲਾਕੇ ਦੇ ਚਾਨਵਾਸ ਖੇਤਰ ਵਿੱਚ ਬੀਤੀ ਰਾਤ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਇੱਕ ਵੱਡੀ ਚੱਟਾਨ ਪਹਾੜੀ ਤੋਂ ਟੁੱਟ ਕੇ ਸਿੱਧਾ ਸਵਿਫਟ ਕਾਰ ’ਤੇ ਡਿੱਗ ਪਈ। ਝਟਕੇ ਨਾਲ ਕਾਰ ਲਗਭਗ 500 ਮੀਟਰ ਡੂੰਘੀ ਖੱਡ ਵਿੱਚ ਜਾ ਗਿਰੀ। ਹਾਦਸੇ ਵਿੱਚ ਇੱਕੋ ਪਰਿਵਾਰ ਦੇ ਚਾਰ ਮੈਂਬਰਾਂ ਸਮੇਤ ਛੇ ਲੋਕਾਂ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।
ਮ੍ਰਿਤਕਾਂ ਵਿੱਚ ਰਾਜੇਸ਼ ਕੁਮਾਰ (40), ਉਸ ਦੀ ਪਤਨੀ ਹੰਸੋ (36), ਬੱਚੇ ਆਰਤੀ (17) ਅਤੇ ਦੀਪਕ (15), ਰਾਕੇਸ਼ ਕੁਮਾਰ (44) ਅਤੇ ਡਰਾਈਵਰ ਹੇਮਪਾਲ (37) ਸ਼ਾਮਲ ਹਨ। ਸਾਰੇ ਬੁਲਵਾਸ ਅਤੇ ਨੇੜਲੇ ਪਿੰਡਾਂ ਦੇ ਰਹਿਣ ਵਾਲੇ ਸਨ। ਰਾਜੇਸ਼ ਦੇ ਬੱਚੇ ਬਨੀਖੇਤ ਵਿਖੇ ਪੜ੍ਹਦੇ ਸਨ ਅਤੇ ਸਕੂਲ ਦੀਆਂ ਛੁੱਟੀਆਂ ਮਗਰੋਂ ਰੱਖੜੀ ਮਨਾਉਣ ਘਰ ਵਾਪਸ ਆ ਰਹੇ ਸਨ।
ਕਾਰ ਹੇਮਰਾਜ ਚਲਾ ਰਿਹਾ ਸੀ, ਜੋ ਰਾਜੇਸ਼ ਦਾ ਜੀਜਾ ਸੀ। ਉਹ ਆਪਣੀ ਭਾਬੀ ਅਤੇ ਬੱਚਿਆਂ ਨੂੰ ਘਰ ਛੱਡਣ ਜਾ ਰਿਹਾ ਸੀ, ਪਰ ਰਾਤ 9:20 ਵਜੇ ਦੇ ਕਰੀਬ ਇਹ ਦੁਰਘਟਨਾ ਵਾਪਰ ਗਈ। ਸਥਾਨਕ ਲੋਕਾਂ ਅਤੇ ਪੁਲਿਸ ਨੇ ਮਿਲ ਕੇ ਰਾਤ 2 ਵਜੇ ਤੱਕ ਲਾਸ਼ਾਂ ਨੂੰ ਖੱਡ ਵਿਚੋਂ ਬਾਹਰ ਕੱਢਿਆ।
Get all latest content delivered to your email a few times a month.
