ਤਾਜਾ ਖਬਰਾਂ
ਲੁਧਿਆਣਾ ਜ਼ਿਲ੍ਹੇ ਦੇ ਮਾਛੀਵਾੜਾ ਸਾਹਿਬ ਖੇਤਰ ਦੇ ਪਿੰਡ ਪਵਾਤ ਵਿੱਚ ਇੱਕ ਦੁਖਦਾਈ ਘਟਨਾ ਵਾਪਰੀ ਹੈ, ਜਿੱਥੇ ਸੱਪ ਦੇ ਡੱਸਣ ਨਾਲ ਦੋ ਸਕੀਆਂ ਭੈਣਾਂ, 11 ਸਾਲਾ ਅਨੁਪਮ ਅਤੇ 8 ਸਾਲਾ ਸੁਰਭੀ ਦੀ ਮੌਤ ਹੋ ਗਈ। ਦੋਵੇਂ ਭੈਣਾਂ ਆਪਣੀ ਮਾਂ ਆਸ਼ਾ ਦੇਵੀ ਅਤੇ ਚਾਰ ਹੋਰ ਭੈਣ-ਭਰਾਵਾਂ ਨਾਲ ਖੇਤਾਂ ਵਿਚ ਬਣੀ ਮੋਟਰ ਨੇੜੇ ਝੁੱਗੀ ਵਿੱਚ ਰਹਿ ਰਹੀਆਂ ਸਨ।
ਖਾਣਾ ਖਾਣ ਤੋਂ ਬਾਅਦ ਦੋਵੇਂ ਲੜਕੀਆਂ ਛੱਤ ਉੱਤੇ ਸੌਣ ਚਲੀ ਗਈਆਂ ਅਤੇ ਰਾਤ ਕਰੀਬ 1 ਵਜੇ ਹੇਠਾਂ ਆ ਕੇ ਝੁੱਗੀ ਵਿੱਚ ਆਰਾਮ ਕਰ ਰਹੀਆਂ ਸਨ। ਲਾਈਟ ਮੁੜ ਆਉਣ 'ਤੇ ਉਹ ਛੱਤ ਉੱਤੇ ਚਲੀਆਂ ਗਈਆਂ, ਜਿੱਥੇ ਉਨ੍ਹਾਂ ਦੀ ਤਬੀਅਤ ਵਿਗੜ ਗਈ। ਉਲਟੀਆਂ ਆਉਣ ਤੇ ਪਰਿਵਾਰ ਦੇ ਮੈਂਬਰ ਜਾਗ ਪਏ ਅਤੇ ਵੇਖਿਆ ਕਿ ਇੱਕ ਸੱਪ ਵੀਹੜੇ ਵਿਚ ਮੌਜੂਦ ਹੈ, ਜਿਸ ਨੂੰ ਮਾਰ ਦਿੱਤਾ ਗਿਆ।
ਦੋਵੇਂ ਲੜਕੀਆਂ ਦੇ ਮੂੰਹ ਤੋਂ ਝੱਗ ਆਉਣ ਅਤੇ ਸਰੀਰ ਉੱਤੇ ਡੱਸਣ ਦੇ ਨਿਸ਼ਾਨ ਦੇਖ ਕੇ ਤੁਰੰਤ ਉਨ੍ਹਾਂ ਨੂੰ ਮਾਛੀਵਾੜਾ ਸਿਵਲ ਹਸਪਤਾਲ ਲਿਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।
ਮੋਟਰ ਮਾਲਕ ਹਰਦੀਪ ਸਿੰਘ ਨੇ ਦੱਸਿਆ ਕਿ ਇਹ ਪਰਿਵਾਰ ਪ੍ਰਵਾਸੀ ਮਜ਼ਦੂਰ ਹੈ ਜੋ ਖੇਤਾਂ ਵਿਚ ਮਿਹਨਤ ਕਰਕੇ ਗੁਜ਼ਾਰਾ ਕਰਦੇ ਹਨ ਅਤੇ ਉਨ੍ਹਾਂ ਦੀ ਮੌਤ ਨਾਲ ਪਰਿਵਾਰ 'ਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਹੈ।
Get all latest content delivered to your email a few times a month.
