ਅਮਰਨਾਥ ਯਾਤਰਾ ਰੂਟ ਨੂੰ ‘ਨੋ ਫਲਾਇੰਗ ਜ਼ੋਨ’ ਐਲਾਨਿਆ...

ਜੰਮੂ-ਕਸ਼ਮੀਰ ਸਰਕਾਰ ਨੇ ਅਮਰਨਾਥ ਯਾਤਰਾ 2025 ਦੌਰਾਨ ਸੁਰੱਖਿਆ ਦੀਆਂ ਨਜ਼ਾਕਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਇੱਕ ਵੱਡਾ ਫੈਸਲਾ ਲਿਆ ਹੈ। ਪਹਿਲਗਾਮ ਹਮਲੇ ਤੋਂ ਬਾਅਦ, ਯਾਤਰਾ ਰੂਟਾਂ ‘ਤੇ ਅੱਤਵਾਦੀ ਘਟਨਾਵਾਂ ਨੂੰ ਰੋਕਣ ਅਤੇ ਸ਼ਰਧਾਲੂਆਂ ਦੀ ਜਾਨ-ਮਾਲ ਦੀ ਰੱਖਿਆ ਸੁਨਿਸ਼ਚਿਤ ਕਰਨ ਲਈ ਸਰਕਾਰ ਨੇ 1 ਜੁਲਾਈ ਤੋਂ 10 ਅਗਸਤ ਤੱਕ ਅਮਰਨਾਥ ਯਾਤਰਾ ਦੇ ਦੋਵੇਂ ਮੁੱਖ ਰੂਟਾਂ - ਪਹਿਲਗਾਮ ਅਤੇ ਬਾਲਟਾਲ - ਨੂੰ 'ਨੋ-ਫਲਾਈਂਗ ਜ਼ੋਨ' ਐਲਾਨ ਦਿੱਤਾ ਹੈ।

ਇਸ ਨਵੇਂ ਆਦੇਸ਼ ਤਹਿਤ, ਉਨ੍ਹਾਂ ਰੂਟਾਂ ‘ਤੇ ਕਿਸੇ ਵੀ ਤਰ੍ਹਾਂ ਦੇ ਹਵਾਈ ਉਪਕਰਣਾਂ ਜਿਵੇਂ ਕਿ ਡਰੋਨ, UAV ਅਤੇ ਗੁਬਾਰਿਆਂ ਦੀ ਉਡਾਣ ਉੱਤੇ ਪੂਰੀ ਪਾਬੰਦੀ ਹੋਏਗੀ। ਇਹ ਪਾਬੰਦੀ 3 ਜੁਲਾਈ ਤੋਂ 9 ਅਗਸਤ ਤੱਕ ਚੱਲਣ ਵਾਲੀ ਯਾਤਰਾ ਦੇ ਪੂਰੇ ਦੌਰਾਨ ਲਾਗੂ ਰਹੇਗੀ। ਹਾਲਾਂਕਿ ਇਹ ਪਾਬੰਦੀ ਸੁਰੱਖਿਆ ਏਜੰਸੀਆਂ ਵੱਲੋਂ ਚਲਾਏ ਜਾਂਦੇ ਵਿਸ਼ੇਸ਼ ਉਦੇਸ਼ ਵਾਲੀਆਂ ਉਡਾਣਾਂ ਜਿਵੇਂ ਕਿ ਮੈਡੀਕਲ ਇਮਰਜੈਂਸੀ, ਆਫ਼ਤ ਪ੍ਰਬੰਧਨ ਜਾਂ ਨਿਗਰਾਨੀ ਉਡਾਣਾਂ ’ਤੇ ਲਾਗੂ ਨਹੀਂ ਹੋਏਗੀ। ਇਨ੍ਹਾਂ ਕਾਰਜਾਂ ਲਈ ਜਲਦ ਹੀ ਇੱਕ ਵਿਅਕਤ ਸਟੈਂਡਰਡ ਓਪਰੇਟਿੰਗ ਪ੍ਰੋਸੀਜਰ (SOP) ਜਾਰੀ ਕੀਤਾ ਜਾਵੇਗਾ।

ਸਰਕਾਰ ਨੇ ਇਹ ਵੀ ਯਕੀਨੀ ਬਣਾਇਆ ਹੈ ਕਿ ਹਰੇਕ ਰੂਟ ‘ਤੇ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੀਸੀਟੀਵੀ ਕੈਮਰੇ ਲਗਾਏ ਗਏ ਹਨ, ਜੋ ਹਰ ਹਲਚਲ 'ਤੇ ਨਿਗਰਾਨੀ ਰੱਖਣਗੇ। ਇਨ੍ਹਾਂ ਦੇ ਨਾਲ, ਸੁਰੱਖਿਆ ਬਲਾਂ ਦੀ ਵੱਡੀ ਤਾਇਨਾਤੀ ਵੀ ਕੀਤੀ ਜਾ ਰਹੀ ਹੈ ਤਾਂ ਜੋ ਯਾਤਰਾ ਦੌਰਾਨ ਕਿਸੇ ਵੀ ਸੰਭਾਵਿਤ ਖ਼ਤਰੇ ਨੂੰ ਪਹਿਲਾਂ ਹੀ ਭਾਪਿਆ ਜਾ ਸਕੇ।

ਪਹਿਲਗਾਮ ਹਮਲੇ ਦੀ ਘਟਨਾ ਨੇ ਪ੍ਰਸ਼ਾਸਨ ਨੂੰ ਸਚੇਤ ਕਰ ਦਿੱਤਾ ਹੈ, ਜਿਸ ਕਾਰਨ ਹੁਣ ਯਾਤਰਾ ਦੀ ਸੁਰੱਖਿਆ ਵਿੱਚ ਕੋਈ ਭੀ ਕਸਰ ਨਹੀਂ ਛੱਡੀ ਜਾ ਰਹੀ। ਇਹ ਸਾਰੇ ਉਪਾਅ ਅੱਤਵਾਦੀ ਤੱਤਾਂ ਖ਼ਿਲਾਫ਼ ਕੜੀ ਕਾਰਵਾਈ ਅਤੇ ਸ਼ਰਧਾਲੂਆਂ ਦੀ ਸੰਪੂਰਨ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕੀਤੇ ਜਾ ਰਹੇ ਹਨ।