ਤਾਜਾ ਖਬਰਾਂ
ਬੈਂਗਲੁਰੂ, 12 ਮਈ – ਭਾਰਤੀ ਕ੍ਰਿਕਟ ਦੀ ਦੁਨੀਆਂ 'ਚ ਅੱਜ ਇੱਕ ਵੱਡਾ ਮੋੜ ਆ ਗਿਆ ਹੈ, ਜਦੋਂ ਟੀਮ ਇੰਡੀਆ ਦੇ ਮਹਾਨ ਖਿਡਾਰੀ ਅਤੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੇ ਟੈਸਟ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਵੱਲੋਂ ਟਵੀਟ ਕਰਦੇ ਹੋਏ ਇਸ ਨਿਰਣੇ ਨੂੰ ਇੱਕ ਯੁੱਗ ਦਾ ਅੰਤ ਕਹਿ ਕੇ ਸੰਬੋਧਿਆ ਗਿਆ, ਪਰ ਇਹ ਵੀ ਕਿਹਾ ਗਿਆ ਕਿ ਉਨ੍ਹਾਂ ਦੀ ਵਿਰਾਸਤ ਹਮੇਸ਼ਾਂ ਜਿੰਦਾ ਰਹੇਗੀ।
ਵਿਰਾਟ ਕੋਹਲੀ ਨੇ ਆਪਣੀ ਟੈਸਟ ਕਰੀਅਰ ਵਿਚ ਬੇਮਿਸਾਲ ਪ੍ਰਦਰਸ਼ਨ ਕਰਦਿਆਂ ਸਿਰਫ਼ ਰਨ ਹੀ ਨਹੀਂ ਜੋੜੇ, ਸਗੋਂ ਟੀਮ ਨੂੰ ਨਵੇਂ ਉਚਾਈਆਂ ਤੱਕ ਲੈ ਕੇ ਗਏ। ਉਨ੍ਹਾਂ ਦੀ ਅਗਵਾਈ 'ਚ ਭਾਰਤ ਨੇ ਕਈ ਯਾਦਗਾਰ ਜਿੱਤਾਂ ਦਰਜ ਕੀਤੀਆਂ, ਖ਼ਾਸ ਕਰਕੇ ਵਿਦੇਸ਼ੀ ਮੈਦਾਨਾਂ 'ਤੇ। ਉਨ੍ਹਾਂ ਦੀ ਬੈਟਿੰਗ ਸ਼ੈਲੀ, ਜਜ਼ਬਾ ਅਤੇ ਲੀਡਰਸ਼ਿਪ ਨੇ ਕ੍ਰਿਕਟ ਪ੍ਰੇਮੀਆਂ ਦੇ ਦਿਲਾਂ 'ਚ ਖਾਸ ਥਾਂ ਬਣਾਈ।
BCCI ਅਤੇ ਕ੍ਰਿਕਟ ਪ੍ਰੇਮੀ ਉਨ੍ਹਾਂ ਦੇ ਯੋਗਦਾਨ ਨੂੰ ਸਦਾ ਯਾਦ ਰੱਖਣਗੇ। ਕੋਹਲੀ ਦਾ ਟੈਸਟ ਕ੍ਰਿਕਟ ਨੂੰ ਅਲਵਿਦਾ ਕਹਿਣਾ, ਭਾਵੇਂ ਕਿ ਇੱਕ ਦੁੱਖਦਾਈ ਪਲ ਹੈ, ਪਰ ਉਨ੍ਹਾਂ ਦੀ ਯਾਤਰਾ ਨੌਜਵਾਨ ਖਿਡਾਰੀਆਂ ਲਈ ਪ੍ਰੇਰਨਾ ਬਣੀ ਰਹੇਗੀ।
Get all latest content delivered to your email a few times a month.
