ਖਬਰਾਂ ਵਾਲੇ -ਅੰਮ੍ਰਿਤਸਰ ਪੁਲਿਸ ਤੇ ਗੈਂਗਸਟਰ ਲਖਬੀਰ ਲੰਡਾ ਗੈਂਗ ਦੇ ਗੁਰਗਿਆ ਵਿਚਾਲੇ ਦੇਰ ਰਾਤ ਹੋਇਆ ਮੁਕਾਬਲਾ, ਗੋਲੀਬਾਰੀ ਤੋਂ ਬਾਅਦ ਤਿੰਨ ਬਦਮਾਸ਼ ਗ੍ਰਿਫਤਾਰ

ਅੰਮ੍ਰਿਤਸਰ ਪੁਲਿਸ ਤੇ ਗੈਂਗਸਟਰ ਲਖਬੀਰ ਲੰਡਾ ਗੈਂਗ ਦੇ ਗੁਰਗਿਆ ਵਿਚਾਲੇ ਦੇਰ ਰਾਤ ਹੋਇਆ ਮੁਕਾਬਲਾ, ਗੋਲੀਬਾਰੀ ਤੋਂ ਬਾਅਦ ਤਿੰਨ ਬਦਮਾਸ਼ ਗ੍ਰਿਫਤਾਰ

Admin User - Feb 05, 2025 07:35 AM

ਅੰਮ੍ਰਿਤਸਰ- ਪੰਜਾਬ ਚ ਪਿਛਲੇ ਕੁਝ ਸਮੇਂ ਤੋਂ ਵਿਦੇਸ਼ ਬੈਠੇ ਗੈਂਗਸਟਰਾਂ ਵੱਲੋਂ ਵਪਾਰੀਆਂ ਨੂੰ ਫੋਨ ਕਰਕੇ ਫਰੋਤੀਆਂ ਮੰਗਣ ਦਾ ਸਿਲਸਿਲਾ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਨਾਮੀ ਗੈਂਗਸਟਰ ਲਖਬੀਰ ਸਿੰਘ ਉਰਫ ਲੰਡਾ ਵਾਸੀ ਹਰੀਕੇ ਅਤੇ ਹੋਰ ਗੈਂਗਸਟਰ ਜੋ ਵਿਦੇਸ਼ ਵਿੱਚ ਬੈਠੇ ਹੋਏ ਹਨ। ਇਹ ਸਾਰੇ ਆਪਣੇ ਪੰਜਾਬ ਵਿੱਚ ਬੈਠੇ ਸਾਥੀਆ ਨਾਲ ਸੰਪਰਕ ਕਰਕੇ ਵੱਡੇ ਵਪਾਰੀਆਂ ਦੇ ਮੋਬਾਇਲ ਨੰਬਰ ਹਾਸਲ ਕਰਕੇ ਉਹਨਾਂ ਦੇ ਮੋਬਾਇਲ ਨੰਬਰਾਂ ਤੇ ਵਿਦੇਸ਼ ਤੋ ਫੋਨ ਕਰਕੇ ਉਹਨਾਂ ਨੂੰ ਡਰਾ ਧਮਕਾ ਕੇ ਫਿਰੋਤੀ ਦੀ ਵੱਡੀ ਰਕਮ ਮੰਗਦੇ ਸਨ। ਅਜਿਹਾ ਇਹ ਮਾਮਲਾ ਇੱਕ ਵਾਰ ਫਿਰ ਤੋਂ ਅੰਮ੍ਰਿਤਸਰ ਤੋਂ ਸਾਹਮਣੇ ਆਇਆ ਜਿਸ ਚ ਇੱਕ ਵਪਾਰੀ ਨੂੰ ਲਖਬੀਰ ਸਿੰਘ ਲੰਡਾ ਦੇ ਨਾਮ ਤੇ ਫਿਰੋਤੀ ਮੰਗੀ ਸੀ ਅਤੇ ਉਸਨੂੰ ਲਖਬੀਰ ਸਿੰਘ ਲੰਡਾ ਦੇ ਨਾਮ ਤੋ ਇੱਕ ਵਾਈਸ ਮੈਸਿਜ ਆਇਆ ਸੀ ਅਤੇ ਫਿਰੋਤੀ ਲਈ ਹੋਰ ਵੀ ਧਮਕੀ ਭਰੇ ਮੇਸਿਜ਼ ਆ ਰਹੇ ਸਨ। ਜਿਸ 'ਤੇ ਪੁਲਿਸ ਵੱਲੋਂ ਕਾਰਵਾਈ ਕਰਦੇ ਹੋਏ ਹਰ ਪਹਿਲੂ ਤੋ ਜਾਂਚ ਕਰਨ ਤੇ ਵਿਦੇਸ਼ ਵਿੱਚ ਬੈਠੇ ਗੈਗਸਟਰਾਂ ਦੇ ਕਹਿਣ ਤੇ ਰੈਕੀ ਕਰਨ ਵਾਲੇ ਜਗਰੂਪ ਸਿੰਘ ਉਰਫ਼ ਚਰਨਾਂ , ਜੁਗਰਾਜ਼ ਸਿੰਘ ਉਰਫ਼ ਗਾਜ਼ੀ , ਸ਼ਮਸ਼ੇਰ ਸਿੰਘ ਉਰਫ਼ ਸ਼ੇਰਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਵਪਾਰੀ ਦੀ ਰੈਕੀ ਕਰਕੇ ਉਕਤਾਨ ਅਰੋਪੀਆਂ ਨੇ ਵਪਾਰੀ ਦੇ ਦਫ਼ਤਰ ਅਤੇ ਗੱਡੀਆਂ ਦੀਆਂ ਫੋਟੋਆਂ ਜਰਨਲ ਸਿੰਘ ਵਾਸੀ ਤਲਵੰਡੀ ਮੋਹਰ ਸਿੰਘ ਹਾਲ ਵਾਸੀ ਅਸਟ੍ਹੇਲੀਆਂ ਨੂੰ ਭੇਜੀਆ ਸਨ ਜੋ ਇਸ ਜਰਨਲ ਸਿੰਘ ਦੇ ਭਰਾ ਰਾਜਵਿੰਦਰ ਸਿੰਘ ਉਰਫ਼ ਰਾਜ਼ਾ ਦਾ ਪੱਟੀ ਨੇੜੇ ਕੁਝ ਸਮਾਂ ਪਹਿਲਾਂ ਗੈਗਵਾਰ ਦੌਰਾਨ ਕਤਲ ਹੋ ਗਿਆ ਸੀ। ਗ੍ਰਿਫ਼ਤਾਰ ਆਰੋਪੀ ਜਗਰੂਪ ਸਿੰਘ ਚਰਨਾਂ ਉਕਤ ਦੀ ਨਿਸ਼ਾਨਦੇਈ ਤੇ ਉਸ ਪਾਸੋ 01 ਪਿਸਟਲ .32 ਬੋਰ ਤੇ 02 ਰੋਂਦ ਬ੍ਰਾਮਦ ਕੀਤਾ ਗਿਆ ਸੀ। ਅੱਜ ਜਦੋ ਪੁਲਿਸ ਪਾਰਟੀ ਜਗਰੂਪ ਸਿੰਘ ਚਰਨਾਂ ਪਾਸੋਂ ਬ੍ਰਾਮਦਗੀ ਤੋ ਬਾਅਦ ਵਾਪਸ ਥਾਣਾ ਛੇਹਰਟਾ ਆ ਰਹੀ ਤਾਂ ਰਸਤੇ ਵਿੱਚ ਜਗਰੂਪ ਸਿੰਘ ਚਰਨਾਂ ਨੇ ਕਿਹਾ ਕਿ ਮੈਨੂੰ ਬਹੁਤ ਘਬਰਾਹਟ ਹੋ ਰਹੀ ਹੈ ਤਾਂ ਪੁਲਿਸ ਪਾਰਟੀ ਨੇ ਉਸਨੂੰ ਗੱਡੀ ਵਿਚੋ ਉਤਾਰਿਆ ਤਾਂ ਏਨੇ ਨੂੰ ਜਗਰੂਪ ਸਿੰਘ ਉਕਤ, ਪੁਲਿਸ ਪਾਰਟੀ ਦੇ ASI ਦੀ ਸਰਵਿਸ ਪਿਸਟਲ ਉਸਦੇ ਡੱਬ ਵਿੱਚੋਂ ਕੱਢਣ ਦੀ ਕੋਸ਼ਿਸ਼ ਕਰਕੇ ਹਿਰਾਸਤ ਵਿੱਚੋ ਭੱਜ਼ਣ ਲੱਗਾ ਤਾਂ ਇੰਸਪੈਕਟਰ ਵਿਨੌਦ ਕੁਮਾਰ ਵੱਲੋਂ ਬੜੀ ਮੁਸ਼ਤੈਦੀ ਨਾਲ ਕਾਰਵਾਈ ਕਰਦੇ ਹੋਏ, ਪੁਲਿਸ ਪਾਰਟੀ ਦੀ ਜਾਨ ਬਚਾਉਂਣ ਖਾਤਰ ਅਤੇ ਆਰੋਪੀ ਜਗਰੂਪ ਸਿੰਘ ਨੂੰ ਪੁਲਿਸ ਹਿਰਾਸਤ ਵਿੱਚੋ ਭੱਜਣ ਤੋ ਰੋਕਣ ਲਈ ਆਪਣੇ ਸਰਵਿਸ ਪਿਸਟਲ ਨਾਲ ਫਾਇਰ ਕੀਤਾ ਜੋ ਇਹ ਫਾਇਰ ਆਰੋਪੀ ਜਗਰੂਪ ਸਿੰਘ ਦੀ ਸੱਜੀ ਲੱਤ ਤੇ ਲੱਗਾ। ਜਿਸਨੂੰ ਤੁਰੰਤ ਇਲਾਜ਼ ਲਈ ਸਿਵਲ ਹਸਪਤਾਲ ਵਿੱਖੇ ਦਾਖਲ ਕਰਵਾਇਆ ਗਿਆ ਤੇ ਅੱਗੇ ਤਫਤੀਸ਼ ਜਾਰੀ ਹੈ।