🟢 ਚੰਡੀਗੜ੍ਹ 'ਚ ਗਣਤੰਤਰ ਦਿਵਸ ਮੌਕੇ ਕਈ ਰੂਟ ਬਦਲੇ, ਪੁਲਿਸ ਨੇ ਐਡਵਾਈਜ਼ਰੀ ਕੀਤੀ ਜਾਰੀ

ਚੰਡੀਗੜ੍ਹ- ਚੰਡੀਗੜ੍ਹ ਵਿੱਚ ਗਣਤੰਤਰ ਦਿਵਸ ਸਮਾਗਮ ਦੇ ਮੱਦੇਨਜ਼ਰ ਪੁਲੀਸ ਨੇ ਕੁਝ ਰੂਟ ਮੋੜ ਦਿੱਤੇ ਹਨ। ਜਿਸ ਕਾਰਨ ਸਵੇਰੇ 6.30 ਵਜੇ ਤੋਂ ਲੈ ਕੇ ਸਮਾਗਮ ਦੀ ਸਮਾਪਤੀ ਤੱਕ ਕਈ ਸੜਕਾਂ ਬੰਦ ਰਹਿਣਗੀਆਂ। ਇਸ ਤੋਂ ਇਲਾਵਾ ISBT-17 ਨੂੰ ਜਾਣ ਵਾਲੀਆਂ ਬੱਸਾਂ ਕਿਸਾਨ ਭਵਨ ਚੌਕ ਅਤੇ ਪਿਕਾਡਲੀ ਚੌਕ ਤੋਂ ਹਿਮਾਲਿਆ ਰੂਟ ਰਾਹੀਂ ਜਾਣਗੀਆਂ। ਪੀਕ ਸਮੇਂ (ਸਵੇਰੇ 11:30 ਤੋਂ ਦੁਪਹਿਰ 12:15 ਵਜੇ) ਦੌਰਾਨ, ਇਸ ਰੂਟ 'ਤੇ ਬੱਸਾਂ ਹੀ ਚੱਲਣਗੀਆਂ।

ਇਨ੍ਹਾਂ ਰੂਟਾਂ ਨੂੰ ਬੰਦ ਕਰ ਦਿੱਤਾ ਹੈ

- ਸੈਕਟਰ 16/17/22/23 ਗੁਰਦਿਆਲ ਸਿੰਘ ਪੈਟਰੋਲ ਪੰਪ ਨੂੰ ਜਾਣ ਵਾਲਾ ਚੌਂਕ: ਸੈਕਟਰ 22-ਏ ਸਥਿਤ ਉਦਯੋਗ ਮਾਰਗ 'ਤੇ ਸਥਿਤ ਗੁਰਦਿਆਲ ਸਿੰਘ ਪੈਟਰੋਲ ਪੰਪ ਨੂੰ ਜਾਣ ਵਾਲੀ ਸੜਕ ਬੰਦ ਰਹੇਗੀ।

• ਪੁਰਾਣੀ ਜ਼ਿਲ੍ਹਾ ਅਦਾਲਤ ਤੋਂ ਸ਼ਿਵਾਲਿਕ ਹੋਟਲ: ਪੁਰਾਣੀ ਜ਼ਿਲ੍ਹਾ ਅਦਾਲਤ ਤੋਂ ਸੈਕਟਰ 17 ਸਥਿਤ ਸ਼ਿਵਾਲਿਕ ਹੋਟਲ ਨੂੰ ਜਾਣ ਵਾਲੀ ਸੜਕ ਬੰਦ ਰਹੇਗੀ।

• ਲਾਇਨਜ਼ ਰੈਸਟੋਰੈਂਟ ਲਾਈਟ ਪੁਆਇੰਟ ਤੋਂ ਪਰੇਡ ਗਰਾਊਂਡ: ਸੈਕਟਰ 17 ਸਥਿਤ ਲਾਇਨਜ਼ ਰੈਸਟੋਰੈਂਟ ਲਾਈਟ ਪੁਆਇੰਟ ਤੋਂ ਪਰੇਡ ਗਰਾਊਂਡ ਨੂੰ ਜਾਣ ਵਾਲੀ ਸੜਕ ਬੰਦ ਰਹੇਗੀ।

- ਸੈਕਟਰ 22/23 ਲਾਈਟ ਪੁਆਇੰਟ ਤੋਂ ਸੈਕਟਰ 16/17/22/23 ਚੌਕ: ਸੈਕਟਰ 22/23 ਲਾਈਟ ਪੁਆਇੰਟ ਤੋਂ ਸੈਕਟਰ 16/17/22/23 ਚੌਕ ਤੱਕ ਸੜਕ ਬੰਦ ਰਹੇਗੀ।

- ਸੈਕਟਰ 16/23 ਛੋਟਾ ਚੌਕ ਤੋਂ ਸੈਕਟਰ 16/17/22/23 ਚੌਕ: ਸੈਕਟਰ 16/23 ਛੋਟਾ ਚੌਕ ਤੋਂ ਸੈਕਟਰ 16/17/22/23 ਚੌਕ ਤੱਕ ਸੜਕ ਬੰਦ ਰਹੇਗੀ

ਆਵਾਜਾਈ 'ਤੇ ਕੋਈ ਖਾਸ ਪ੍ਰਭਾਵ ਨਹੀਂ ਹੈ

ਇਸ ਤਰ੍ਹਾਂ ਦੇ ਸਿਸਟਮ ਦਾ ਆਮ ਲੋਕਾਂ 'ਤੇ ਕੋਈ ਖਾਸ ਪ੍ਰਭਾਵ ਨਹੀਂ ਪੈਂਦਾ। ਸੈਕਟਰ 17 ਅਤੇ 22 ਵਿੱਚ ਰਹਿਣ ਵਾਲੇ ਸਥਾਨਕ ਨਿਵਾਸੀਆਂ ਅਤੇ ਇਸ ਰਸਤੇ ਤੋਂ ਆਉਣ-ਜਾਣ ਵਾਲਿਆਂ ਨੂੰ ਹੀ ਥੋੜ੍ਹਾ ਲੰਬਾ ਰਸਤਾ ਲੈਣਾ ਪੈਂਦਾ ਹੈ। ਉਹ ਵੀ ਕੋਈ 3 ਤੋਂ 4 ਘੰਟੇ ਲਈ। ਪਰ ਸਖ਼ਤ ਸੁਰੱਖਿਆ, ਲੋਕਾਂ ਦੀ ਚੈਕਿੰਗ ਅਤੇ ਵੱਖ-ਵੱਖ ਥਾਵਾਂ 'ਤੇ ਨਾਕੇਬੰਦੀ ਕਾਰਨ ਕੁਝ ਲੋਕਾਂ ਨੂੰ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।