ਕਾਨਪੁਰ 'ਚ ਮੀਂਹ ਕਾਰਨ ਟੀਮ ਇੰਡੀਆ ਦੀ ਰੁੱਕੀ ਪ੍ਰੈਕਟਿਸ, ਪੂਰੀ ਪਿੱਚ ਢਕਿਆ, ਮੈਚ ਦੌਰਾਨ ਮੀਂਹ ਦਾ ਅਲਰਟ ਜਾਰੀ

.

ਕਾਨਪੁਰ 'ਚ ਮੀਂਹ ਕਾਰਨ ਟੀਮ ਇੰਡੀਆ ਦਾ ਅਭਿਆਸ ਗ੍ਰੀਨ ਪਾਰਕ ਸਟੇਡੀਅਮ 'ਚ ਰੋਕਣਾ ਪਿਆ। ਪੂਰੀ ਪਿੱਚ ਨੂੰ ਢੱਕਿਆ ਹੋਇਆ ਸੀ। 27 ਸਤੰਬਰ ਤੋਂ ਸ਼ੁਰੂ ਹੋ ਰਹੇ ਭਾਰਤ-ਬੰਗਲਾਦੇਸ਼ ਟੈਸਟ ਦੇ ਪਹਿਲੇ ਦਿਨ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਮੌਸਮ ਵਿਭਾਗ ਨੇ 27 ਸਤੰਬਰ ਤੋਂ ਅਗਲੇ 4 ਦਿਨਾਂ ਤੱਕ ਹਲਕੇ ਤੋਂ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਹੈ।ਇਸ ਤੋਂ ਪਹਿਲਾਂ ਰਿਸ਼ਭ ਪੰਤ ਨੇ ਨੈੱਟ 'ਤੇ ਕਾਫੀ ਸ਼ਾਟ ਮਾਰੇ। ਸਥਾਨਕ ਲੜਕੇ ਕੁਲਦੀਪ ਯਾਦਵ ਨੇ ਯਸ਼ਸਵੀ ਜੈਸਵਾਲ ਅਤੇ ਕੇਐਲ ਰਾਹੁਲ ਨੂੰ ਗੇਂਦਬਾਜ਼ੀ ਕੀਤੀ।

ਕੁਲਦੀਪ ਨੇ ਆਪਣੀ ਸਪਿਨ ਨਾਲ ਬੱਲੇਬਾਜ਼ਾਂ ਨੂੰ ਫਸਾਇਆ। ਵਿਰਾਟ ਕੋਹਲੀ ਨੇ 30 ਮਿੰਟ ਤੱਕ ਅਭਿਆਸ ਕੀਤਾ। ਰਵਿੰਦਰ ਜਡੇਜਾ ਨੇ ਵੀ ਨੈੱਟ 'ਤੇ ਪਸੀਨਾ ਵਹਾਇਆ। ਕੋਚ ਗੌਤਮ ਗੰਭੀਰ ਨੇ ਪਿੱਚ ਦਾ ਨਿਰੀਖਣ ਕੀਤਾ।

ਭਾਰਤ-ਬੰਗਲਾਦੇਸ਼ ਅਭਿਆਸ ਦਾ ਇਹ ਦੂਜਾ ਦਿਨ ਹੈ। ਸੋਮਵਾਰ ਨੂੰ, ਦੋਵੇਂ ਟੀਮਾਂ ਨੇ ਨੈੱਟ 'ਤੇ ਕਾਫੀ ਮਿਹਨਤ ਕੀਤੀ। ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਦੂਜਾ ਮੈਚ 27 ਸਤੰਬਰ ਤੋਂ 1 ਅਕਤੂਬਰ ਤੱਕ ਗ੍ਰੀਨ ਪਾਰਕ ਸਟੇਡੀਅਮ 'ਚ ਖੇਡਿਆ ਜਾਵੇਗਾ।