ਜੇ ਬਾਕਸਰ ਲਵਲੀਨਾ ਅੱਜ ਜਿੱਤਦੀ ਆ, ਤਾਂ ਪੈਰਿਸ ਓਲੰਪਿਕ 'ਚ ਭਾਰਤ ਦਾ ਚੌਥਾ ਤਮਗਾ ਪੱਕਾ

.

ਪੈਰਿਸ ਓਲੰਪਿਕ ਦੇ 8ਵੇਂ ਦਿਨ ਭਾਰਤ ਨੂੰ ਤੀਰਅੰਦਾਜ਼ੀ ਅਤੇ ਨਿਸ਼ਾਨੇਬਾਜ਼ੀ 'ਚ 2 ਮੈਡਲਾਂ ਦੀ ਉਮੀਦ ਸੀ ਪਰ ਇਹ ਹਾਸਲ ਨਹੀਂ ਹੋ ਸਕਿਆ। ਮਹਿਲਾ ਨਿਸ਼ਾਨੇਬਾਜ਼ੀ 'ਚ ਮਨੂ ਸ਼ਨੀਵਾਰ ਨੂੰ 25 ਮੀਟਰ ਮਹਿਲਾ ਪਿਸਟਲ 'ਚ ਚੌਥੇ ਸਥਾਨ 'ਤੇ ਰਹੀ। ਤੀਰਅੰਦਾਜ਼ੀ ਵਿੱਚ ਦੀਪਿਕਾ ਕੁਮਾਰੀ ਵਿਅਕਤੀਗਤ ਵਰਗ ਵਿੱਚ ਕੁਆਰਟਰ ਫਾਈਨਲ ਮੈਚ ਹਾਰ ਗਈ। ਉਸ ਨੂੰ ਕੋਰੀਆ ਦੀ ਨਾਮ ਸੂ ਯੋਨ ਨੇ 6-4 ਨਾਲ ਹਰਾਇਆ।

ਪੈਰਿਸ ਓਲੰਪਿਕ ਵਿੱਚ ਭਾਰਤ ਨੇ ਹੁਣ ਤੱਕ 3 ਤਗਮੇ ਜਿੱਤੇ ਹਨ। ਇਹ ਸਾਰੇ ਮੈਡਲ ਸ਼ੂਟਿੰਗ ਵਿੱਚ ਆਏ ਹਨ। ਓਲੰਪਿਕ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੈ ਜਦੋਂ ਭਾਰਤ ਨੇ ਨਿਸ਼ਾਨੇਬਾਜ਼ੀ ਵਿੱਚ 3 ਤਗਮੇ ਜਿੱਤੇ ਹਨ। ਹੁਣ 4 ਅਗਸਤ ਨੂੰ ਭਾਰਤੀ ਖਿਡਾਰੀ ਬਾਕਸਿੰਗ, ਬੈਡਮਿੰਟਨ, ਸ਼ੂਟਿੰਗ, ਹਾਕੀ, ਸੇਲਿੰਗ ਅਤੇ ਐਥਲੈਟਿਕਸ ਵਿੱਚ ਖੇਡਦੇ ਨਜ਼ਰ ਆਉਣਗੇ।

ਦੁਪਹਿਰ 12:14 ਵਜੇ ਹੋਏ ਮੈਚ ਵਿੱਚ ਮੁੱਕੇਬਾਜ਼ ਨਿਸ਼ਾਂਤ ਦੇਵ ਨੂੰ 71 ਕਿਲੋਗ੍ਰਾਮ ਵਰਗ ਵਿੱਚ ਮੈਕਸੀਕੋ ਦੇ ਮਾਰਕੋ ਅਲੋਂਸੋ ਵਰਡੇ ਅਲਵਾਰੇਜ਼ ਨੇ ਹਰਾਇਆ। ਰੋਮਾਂਚਕ ਮੈਚ 'ਚ ਭਾਰਤ ਦੇ ਨਿਸ਼ਾਂਤ ਦੇਵ ਪਹਿਲੇ ਦੋ ਬਾਊਟ 'ਚ ਅੱਗੇ ਚੱਲ ਰਹੇ ਸਨ ਪਰ ਆਖਰੀ ਬਾਊਟ 'ਚ ਮਾਰਕੋ ਅਲੋਂਸੋ ਵਰਡੇ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਜਿੱਤ ਦਰਜ ਕੀਤੀ। ਇਸ ਨਾਲ ਮੁੱਕੇਬਾਜ਼ੀ ਪੁਰਸ਼ਾਂ ਦੇ ਮੁਕਾਬਲੇ ਵਿੱਚ ਭਾਰਤ ਦੀਆਂ ਤਗਮੇ ਦੀਆਂ ਉਮੀਦਾਂ ਖਤਮ ਹੋ ਗਈਆਂ। ਜੇਕਰ ਲਵਲੀਨਾ ਬੋਰਗੇਹਾਨ ਮਹਿਲਾ ਮੁੱਕੇਬਾਜ਼ੀ ਵਿੱਚ ਜਿੱਤ ਜਾਂਦੀ ਹੈ ਤਾਂ ਉਹ ਸੈਮੀਫਾਈਨਲ ਵਿੱਚ ਪਹੁੰਚ ਜਾਵੇਗੀ। ਉਥੇ ਹੀ ਲਕਸ਼ਯ ਸੇਨ ਆਪਣਾ ਸੈਮੀਫਾਈਨਲ ਮੈਚ ਜਿੱਤ ਕੇ ਤਮਗਾ ਪੱਕਾ ਕਰਨਾ ਚਾਹੇਗਾ।