🏑 ਓਲੰਪਿਕ ਹਾਕੀ- ਕੁਆਰਟਰ ਫਾਈਨਲ 'ਚ ਬ੍ਰਿਟੇਨ ਨਾਲ ਭਿੜੇਗੀ ਟੀਮ ਇੰਡੀਆ

.

ਪੈਰਿਸ ਓਲੰਪਿਕ 'ਚ ਪੁਰਸ਼ ਹਾਕੀ ਦਾ ਪਹਿਲਾ ਕੁਆਰਟਰ ਫਾਈਨਲ ਮੈਚ ਭਾਰਤ ਅਤੇ ਬ੍ਰਿਟੇਨ ਵਿਚਾਲੇ ਖੇਡਿਆ ਜਾਵੇਗਾ। ਇਹ ਮੈਚ ਐਤਵਾਰ ਨੂੰ ਦੁਪਹਿਰ 1:30 ਵਜੇ ਸ਼ੁਰੂ ਹੋਵੇਗਾ। ਵਿਸ਼ਵ ਦੀ 5ਵੇਂ ਨੰਬਰ ਦੀ ਭਾਰਤੀ ਟੀਮ ਕੋਲੰਬਸ ਦੇ ਯਵੇਸ-ਡੂ-ਮਾਨੋਇਰ ਸਟੇਡੀਅਮ 'ਚ ਅੱਜ ਆਤਮਵਿਸ਼ਵਾਸ ਨਾਲ ਭਰੀ ਹੋਵੇਗੀ ਕਿਉਂਕਿ ਟੀਮ ਇੰਡੀਆ ਆਖਰੀ ਮੈਚ 'ਚ ਆਸਟ੍ਰੇਲੀਆ ਨੂੰ 3-2 ਨਾਲ ਹਰਾਉਣ ਤੋਂ ਬਾਅਦ ਮੈਦਾਨ 'ਚ ਉਤਰ ਰਹੀ ਹੈ। ਖੇਡਾਂ ਦੇ ਇਤਿਹਾਸ ਵਿੱਚ ਭਾਰਤ ਨੇ 52 ਸਾਲਾਂ ਬਾਅਦ ਆਸਟਰੇਲੀਆ ਨੂੰ ਹਾਕੀ ਵਿੱਚ ਹਰਾਇਆ ਹੈ। ਟੀਮ ਦੀ ਆਖਰੀ ਜਿੱਤ 1972 ਮਿਊਨਿਖ ਓਲੰਪਿਕ ਵਿੱਚ ਹੋਈ ਸੀ।

ਦੂਜੇ ਪਾਸੇ ਵਿਸ਼ਵ ਦੀ ਦੂਜੇ ਨੰਬਰ ਦੀ ਟੀਮ ਗ੍ਰੇਟ ਬ੍ਰਿਟੇਨ ਨੂੰ ਆਪਣੇ ਆਖਰੀ ਲੀਗ ਮੈਚ ਵਿੱਚ ਜਰਮਨੀ ਤੋਂ 1-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਆਸਟ੍ਰੇਲੀਆ 'ਤੇ ਜਿੱਤ ਦੇ ਨਾਲ, ਭਾਰਤ ਪਿਛਲੀ ਚੈਂਪੀਅਨ ਬੈਲਜੀਅਮ ਨੂੰ ਪਿੱਛੇ ਛੱਡ ਕੇ ਪੂਲ ਬੀ 'ਚ ਦੂਜੇ ਸਥਾਨ 'ਤੇ ਰਿਹਾ। ਜਦੋਂ ਕਿ ਬਰਤਾਨੀਆ ਪੂਲ-ਏ ਵਿਚ ਤੀਜੇ ਸਥਾਨ 'ਤੇ ਰਿਹਾ।