ਤਾਜਾ ਖਬਰਾਂ
---------------------------------------------------
ਨੇਪਾਲ ਵਿੱਚ ਭਾਰੀ ਮੀਂਹ ਦੇ ਦੌਰਾਨ ਸ਼ੁੱਕਰਵਾਰ ਸਵੇਰੇ ਇੱਕ ਹਾਈਵੇਅ ਉੱਤੇ ਢਿੱਗਾਂ ਡਿੱਗਣ ਕਾਰਨ ਦੋ ਬੱਸਾਂ ਤ੍ਰਿਸ਼ੂਲੀ ਨਦੀ ਵਿੱਚ ਡਿੱਗ ਗਈਆਂ। ਮੌਕੇ 'ਤੇ ਮੌਜੂਦ ਅਧਿਕਾਰੀਆਂ ਮੁਤਾਬਕ ਦੋਵੇਂ ਬੱਸਾਂ 'ਚ ਡਰਾਈਵਰ ਸਮੇਤ ਕੁੱਲ 63 ਲੋਕ ਸਵਾਰ ਸਨ।
ਹਾਦਸੇ ਤੋਂ ਬਾਅਦ ਕਰੀਬ 60 ਲੋਕ ਲਾਪਤਾ ਹਨ। ਨੇਪਾਲੀ ਮੀਡੀਆ ਹਾਊਸ ਕਾਠਮੰਡੂ ਪੋਸਟ ਮੁਤਾਬਕ ਬੱਸ ਡਰਾਈਵਰ ਦੀ ਮੌਤ ਦੀ ਪੁਸ਼ਟੀ ਹੋ ਗਈ ਹੈ। ਜਦਕਿ 2 ਲੋਕਾਂ ਨੇ ਬੱਸ ਤੋਂ ਛਾਲ ਮਾਰ ਕੇ ਆਪਣੀ ਜਾਨ ਬਚਾਈ।
ਇਹ ਹਾਦਸਾ ਮੱਧ ਨੇਪਾਲ ਦੇ ਮਦਨ-ਅਸ਼ਰੀਤ ਹਾਈਵੇਅ 'ਤੇ ਤੜਕੇ ਕਰੀਬ 3.30 ਵਜੇ ਵਾਪਰਿਆ। ਲਗਾਤਾਰ ਮੀਂਹ ਅਤੇ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਖੋਜ ਅਤੇ ਬਚਾਅ ਕਾਰਜਾਂ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਚਿਤਵਨ ਦੇ ਮੁੱਖ ਜ਼ਿਲ੍ਹਾ ਅਧਿਕਾਰੀ ਇੰਦਰਦੇਵ ਯਾਦਵ ਨੇ ਸਾਂਝੀ ਕੀਤੀ ਜਾਣਕਾਰੀ 'ਚ ਦੱਸਿਆ ਕਿ ਇਕ ਬੱਸ ਕਾਠਮੰਡੂ ਜਾ ਰਹੀ ਸੀ, ਜਿਸ 'ਚ 24 ਲੋਕ ਸਵਾਰ ਸਨ, ਜਦਕਿ ਦੂਜੀ ਬੱਸ 'ਚ 41 ਲੋਕ ਸਵਾਰ ਸਨ, ਪਰ ਜ਼ਮੀਨ ਖਿਸਕਣ ਕਾਰਨ ਇਹ ਹਾਦਸਾ ਵਾਪਰ ਗਿਆ।
Get all latest content delivered to your email a few times a month.