ਅਮਰੀਕਾ ਦੇ ਬਾਲਟੀਮੋਰ 'ਚ ਵਾਪਰਿਆ ਵੱਡਾ ਹਾਦਸਾ , ਕਾਰਗੋ ਸ਼ਿਪ ਦੀ ਟੱਕਰ ਨਾਲ ਬ੍ਰਿਜ ਹੋਇਆ ਢਹਿ-ਢੇਰੀ

...........

ਅਮਰੀਕਾ ਦੇ ਮੈਰੀਲੈਂਡ ਵਿੱਚ ਇੱਕ ਜਹਾਜ਼ ਦੇ ਟਕਰਾਉਣ ਤੋਂ ਬਾਅਦ ਸੋਮਵਾਰ ਦੇਰ ਰਾਤ ਅਮਰੀਕੀ ਸਮੇਂ ਅਨੁਸਾਰ ਬਾਲਟੀਮੋਰ ਦਾ ਫ੍ਰਾਂਸਿਸ ਸਕਾਟ ਕੀ ਬ੍ਰਿਜ ਢਹਿ ਗਿਆ। ਤੱਟ ਰੱਖਿਅਕ ਅਧਿਕਾਰੀ ਐਡਮਿਰਲ ਸ਼ੈਨਨ ਗਿਲਰੇਥ ਨੇ ਮੰਗਲਵਾਰ ਸ਼ਾਮ ਨੂੰ ਦੱਸਿਆ ਕਿ ਇੱਕ ਘੰਟੇ ਤੱਕ ਚੱਲੇ ਖੋਜ ਅਭਿਆਨ ਤੋਂ ਬਾਅਦ ਛੇ ਲਾਪਤਾ ਲੋਕਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਹੈ।
ਐਡਮਿਰਲ ਨੇ ਕਿਹਾ- ਅਸੀਂ ਪਾਟਾਪਸਕੋ ਨਦੀ ‘ਚ ਕਈ ਘੰਟਿਆਂ ਤੱਕ ਤਲਾਸ਼ੀ ਮੁਹਿੰਮ ਚਲਾਈ। ਪਾਣੀ ਦੇ ਤਾਪਮਾਨ ਅਤੇ ਹੋਰ ਕਾਰਕਾਂ ਦੇ ਆਧਾਰ ‘ਤੇ, ਸਾਡਾ ਮੰਨਣਾ ਹੈ ਕਿ ਨਦੀ ਵਿੱਚ ਡਿੱਗਣ ਵਾਲੇ ਛੇ ਲੋਕਾਂ ਦਾ ਬਚਣਾ ਬਹੁਤ ਮੁਸ਼ਕਲ ਹੈ। ਇਸ ਦੇ ਮੱਦੇਨਜ਼ਰ ਅਸੀਂ ਸਰਗਰਮ ਸਰਚ ਆਪਰੇਸ਼ਨ ਨੂੰ ਰੋਕ ਰਹੇ ਹਾਂ। ਹਾਲਾਂਕਿ ਕੋਸਟ ਗਾਰਡ ਅਤੇ ਹੋਰ ਅਧਿਕਾਰੀ ਅਜੇ ਵੀ ਇੱਥੇ ਮੌਜੂਦ ਰਹਿਣਗੇ।